Ɛsitɛri 1:1 - Cebaara Bible 2010

¹ Asyerusi lǎli ni gee naa kpéʔele. Asyerusiw bee maa pye fǎngi na n séli Ɛndi na fwɔɔ n sáà nan Etyopii tári na. Tátɛɛyɛ togoye kɔrɔni ní kɔrɔsiin wi da ni kàragí.

Ɛsitɛri 1:1 Iomraidhean Croise

Ɛsidirasi 4:6

Sɛrikisɛsi fǎngi làla ni, wi fǎngi sélimɛ na, a be lɛ́tiri sɛ́bɛ n sɔ́ɔn Zyuda ye, ní Zyerusalɛmi ye na.

Ɛsitɛri 10:1

A fànʔafɔw Asyerusi nyǔnyi lɔ́rɔ cáan tári, ní sólomi lɔ̀ʔɔ nínge tátɛɛgéle woolo na.

Ɛsitɛri 2:3

Fànʔafɔw n yɛlɛ wi fali kaan pèle ma wi fǎngi tátɛɛyɛ myɛ ni, poro í nàngeele sinján pìcaacǎnbèle myɛ kpóʔoro Suzi fàngegi ni, cébèle kpaʔa ni, pé ba be yaʔa Hege kɔ́yi ni, wee fànʔafɔw wòlo lè, níì wi cáan wi pye cébèle kpaàweleo, páā be céri nìjanra sìnmɛ kaangi be ma.

Ɛsitɛri 8:9

A be fǎngi sɛ́bɛkanbéle yeri cángi bee wonijanga, gi pye lè yedaanri wógi canya toko ní taanri ki lè Sivan yégi. Syɛ́ɛnree Maridosye joo lè, a be dee bee myɛ sɛ́bɛ n tórigo Zyefubèle, ní tátɛɛyi kàfɔɔlɔ, ní guvɛrinɛɛribèle, ní kùndigibèle myɛ ma, n séli Ɛndi tátɛɛyi myɛ na n sáà nan Etyopii na, tátɛɛyɛ togoye kɔrɔni ní kɔrɔsiin ma. Tátɛɛyi myɛ nibin nibin wòolo maa sɛ́bɛ n yɛlɛ ní be sɛ́bɛganmi ní, a syɛɛnfeleyi myɛ nibin nibin wòolo sɛ́bɛ be syɛ́ɛnri ni, a Zyefubèle wóo sɛ́bɛ be sɛ́bɛganmi na ní be syɛ́ɛnri ni.

Ɛsitɛri 9:30

A be sɛ́bɛbéle tórigo Zyefubèle myɛ ma fànʔafɔw Asyerusi fǎngi tátɛɛyɛ togoye kɔrɔni ní kɔrɔsiin ni, bele ni yɛɛ̀nyingi, ní kányɛɛgi syɛ́ɛnrɛ da sɛ́bɛ lè.

Ezayi 18:1

Ee tára, beè fókaanya fúlo lè, mɔ wi lè Kusyi cábiyi jelige na.

Ezayi 37:9

A Asirii fànʔafɔw syɛɛnrɛ lóʔo Etyopii ye fànʔafɔw Tiraka kéeli na a di jo: «Wi i yaà ni maa ba kapɛɛnnɛ kpúmɔn ní mɔ ní.» Wi tɛ́nɛ̀ gee bee lóʔo lè, a wi níì tundunbèle pèle tun Ezekyasi ma, níì jo:

Danyɛli 11:2

Tɔ́ɔliw ni, mii a kányɛɛgi joo tɛ̀ɛn mɔ na. «Wéle, fànʔafɔɔlɔ taanri a ní tɛ́ɛn Pɛrisi fǎngi na, sicɛrɛ wów si ba lɔnɛʔɛrɛ kpóʔoro bi sɔ̀lɔ wozanbèle myɛ na. Lǎli ni wi fǎngi ga baa kpɔ́ʔɔ lè wi lɔnɛʔɛri báriga ni, wi a pe myɛ sɔ́ɔn wáa Yavan fǎngi na.

Danyɛli 6:1

Dariyusi wi lè mɛdiw, wi sìíw yɛ̀ʔɛlɛ togoye taanri ní siin wóli na wi fǎngi taa.

Danyɛli 9:1

Dariyusi fǎngi yɛɛzelile na, wi lè Asyerusi jáaw, ní i nyɛ Mɛdi ye syɛɛnfelegi wówaa, woro wee wi baa pye lè Kalide ye fǎngi fànʔafɔlɔ,