Danyɛli 9:9 - Cebaara Bible 2010

⁹ Nyínimi, ní kùsuluzyɔɔri i nyɛ Kàfɔw, wolo Kolocɔlɔw taana, àlí n wírè gi yaʔa wolo n sìnloʔomɔ kpéʔele wi na.

Danyɛli 9:9 Iomraidhean Croise

2 Samyɛli 24:14

A Davidi Gadi yari: «Ki n tɔ̀nɔ n mii fɔ̀rɔ naa gbanʔama. Aa! Fwɔɔ wo woyɛɛ le Yawe kɔ́yi ni, níì cán wi nyínimi n tɔ̀nɔ n nɛʔɛ. Ki ga yɛlɛ mii í jée syɛ́ɛnbèle kɔ́yɔ ni í.»

1 Fànʔafɔbèle 8:30

Mɔ falipyew, ní mɔ syɛ́ɛnbèle Isirayɛli ye nyɛ́ɛrigbɔɔgi lóʔo lǎli ni pe ga ni nyɛ́ɛri lè tɛ́ɛgi naa ni. Lóʔo be ma bi mɔ yaʔa wodɛ́ɛɔn ní nyɛ̀ʔɛni na mɔ tɛɛkòrogi ni, lóʔo be ma mí be kùsulugi syɔɔ.

Nehemii 9:31

Amɛɛ si mɔ nyínimi nɛʔɛ lè, mɔ ga be kálagi n kwɔ́ɔ í, mɔ ga be wáa n yaʔa í. Níì cán mɔ i nyɛ Kolocɔlɔwee wi fûnnyinge ní nyinimɛ taagi lè.

Ŋúnuyi 130:4

Kàjáa kùsuluzyɔɔri i nyɛ mɔ ma, koro ga pye syɔɔn í da fɛ̀ɛgí mɔ na.

Ŋúnuyi 130:7

Isirayɛli, miyɛɛ daʔa Yawe na! Níì cán Yawe fúngi n nyɔɔ, nyùnzyɔɔri i nyɛ wi ma saʔa.

Ŋúnuyi 62:12

Kolocɔlɔɔ n joo tɔlɔgɔ nibin, a mii dee naa lóʔo tɔlɔyɔ siin a di jo: «Kolocɔlɔɔ má fǎngi nyɛ.

Ŋúnuyi 86:15

Kàjáa Kàfɔw, mɔ wi nyɛ fûnnyingi ní nyinidaari Kolocɔlɔɔ, mɔ fúngi o taanri kelekele í, mɔ nyínimi n nɛʔɛ, mɔ si wɔ́ɔ i nyɛ tágala syɔ́ɔn.

Ŋúnuyi 86:5

Níì cán Kàfɔw mɔ fúngi n nyɔɔ, mɔ i kùsulugi syoo, mɔ nyínimi n tɔ̀nɔ n nɛʔɛ bele myɛ kàbaan na pe mɔ mɛ́ɛgi yiri lè.

Ezayi 55:7

Syɛɛnpeew n yɛlɛ wi wi kólogi yaʔa, syɛɛnnaa-sìnzinw n yɛlɛ wi wi sɔ̀ngubeeri yaʔa, wi lúru Yawe ma, woro wee wi a nyinimɛ taa wi na lè, wi lúru wolo Kolocɔlɔw ma, woro wee wi kùsulugi syoo lè saʔa.

Ezayi 63:7

Mii a ní lúru Yawe funjǎngi kapyegèlē kurugo bi ge joo ke lè Yawe sòololi wòʔolo, bi yɛlɛ ní kacǎnyi myɛ ní Yawe kpéʔele wolo na lè. Wi funjàngbɔɔgi kèlē, Isirayɛli kpáagi wòolo ma, gee bee n jo kacǎnyi wi kpéʔele be na lè n yɛlɛ ní wi nyinigbɔɔmi ní, n wɔ́ɔ̀ yɛlɛ ní wi funjǎngi kapyenɛʔɛrɛ ní.

Zyeremii 14:7

Alí wolo kolomi kèlē ga ni wolo kologi, ee Yawe, ki kpéʔele mɔ mɛ́ɛgi kéele na! Níì cán wolo céemi kapyere n nɛʔɛ, wolo n kapeele pye mɔ na.

Ezekyɛli 20:13

Kàjáa Isirayɛli kpáagi wòolo n céemɛ le peyɛɛ ni mii kánmi na fìími tára ni. Pe ga taʔa mii làlwaw kèlē na í, pe n mii kajoodɛɛngèle cée, gele syɔɔn yɛlɛ bàā kpéʔele lè si kòro sìi na ke bárigaw ni, níì kòro ni mii cândɛnɛyi kálagi sìnlaʔa ni. A gi si jée mii sɔ̀nguri ni bi mii fundanʔagbɔɔri yàli be na fìími tára ni bi be kálagi kwɔ́ɔ.

Danyɛli 9:5

Wolo n kapeele pye, wolo n kakoloyo kpéʔele, wolo n peemɛ ní céemɛ kele kpéʔele, wolo n wàli n láʔa mɔ kajoodɛɛngèle, ní mɔ kajoo-mí-cerigèle na.

Danyɛli 9:6

Mɔ falipyebèle be lè kanyaajoobèle, poro bele pe da ni nyuu wolo fànʔafɔbèle, ní wolo kùndigibèle, ní wolo tóolɛɛbèle, ní wolo tári syɛ̀ɛnnɛ myɛ ma mɔ mɛ́ɛgi na lè, wolo ga lóʔo be ma í.

Danyɛli 9:7

Ee Kàfɔw, mɔ wi nyɛ sínni fɔ́lɔ, wolo wóri si i nyɛ fɛ̀ɛ́ri, àmɛɛ gi nyɛ lè níjanʔa Zyuda syɛ́ɛnbèle, ní Zyerusalɛmi ye, ní Isirayɛli ye myɛ na, poro bele be nùuni lè, ní bele tɛ́ʔɛ gi léeli lè tátɛɛyi myɛ ni, beè mɔ be nɛnɛ n tórigo lè pe sìnzinmi kapyere kéele na, dee be tɛ́ʔɛ n peyɛɛ kolo mɔ ma lè.

Danyɛli 9:8

Ee Kàfɔw, wolo yɛ́ɛyi ni fɛ̀ɛ́ri kòro, ní wolo fànʔafɔbèle, ní wolo kùndigibèle, ní wolo tóolɛɛbèle. Níì cán wolo n kapeele pye mɔ na.

Zyonasi 4:2

A wi Yawe nyɛ́ɛri níì jo: «Ee Yawe, koro ban mii da ni nyuu lǎli ni mii sèʔê pye yaà lè mii tári ni ì? Koro yɛ́ʔɛ mii da ni ceri, koro na mii da ni fé ni syée Tarisiisi ma. Níì cán mii maa gi cán mɔ i nyɛ Kolocɔlɔwaa, wee wi nyɔɔgi syɔɔn na lè, ní wɔ́ɔ i nyinimɛ taagi, mɔ fúngi o taanri kelekele í, mɔ nyínimi n nɛʔɛ, mɔ i mɔ sɔngumi láari kapeʔe pyele na.