Danyɛli 9:8 - Cebaara Bible 2010

⁸ Ee Kàfɔw, wolo yɛ́ɛyi ni fɛ̀ɛ́ri kòro, ní wolo fànʔafɔbèle, ní wolo kùndigibèle, ní wolo tóolɛɛbèle. Níì cán wolo n kapeele pye mɔ na.

Danyɛli 9:8 Iomraidhean Croise

2 Fànʔafɔbèle 21:15

Níì cán gee gi pee mii nyɛ́nɛ na lè, koro be kpéʔele n mii fúngi tanʔa gbanʔama nlaa cángee na be toolɛɛbèle yiri Ezyipiti ni lè fwɔɔ n baa nan níjanʔa na.› »

2 Cányi kèlē 6:37

n be yaʔa yaà tári ni, beè pe a pye lè pulobèlē, pe ga baa sɔ̀ngi n taa níì kàdoʔo wáa be kapeeli ma, n be yaʔa yaà be púlori tára ni, pe ga yére gi ni n gi joo níì jo: ‹Wolo n kapeele pye, wolo n kolo, wolo n kapeʔe pye,›

Nehemii 1:6

ki n yɛlɛ mi mɔ líiyi cáan, mí mɔ nyapiigèle múgu mi mɔ falipyew nyɛ́ɛrigɛ lóʔo. Mii i nyɛ nyɛ́ɛrigɛ na mɔ yɛ́ʔɛ ma lǎli naa ni, canʔa ní yébilige, mɔ falipyebèle Isirayɛli ye kéeli na. Mii n yére Isirayɛli ye kapeegèle ni, kapeegèle wolo pye mɔ na lè. Mii ní mii kpáagi wòolo n kapeele pye.

Ezayi 64:4

Wee wi da ni sínni kèlē kpéʔele ní fundaanra ní lè, bele pe da ni sɔ̀ngí ni taagi mɔ kóloyi na lè, mɔ maa ni bele bee fàrá, kàjáa mɔ fúngi si n baa tanʔa gbanʔama, níì cán wolo n kapeele pye. Wolo si a kòro wɔʔɔgi ni, fwɔɔ bi taa wolo í ba syɔɔ.

Zyeremii 14:20

Yawe, wolo n wolo péemi kéele cán, ní wolo tóolɛɛbèle kolomɔ kéele. Níì cán wolo n kapeele pye mɔ na.

Zyeremii 32:32

kapeeyi myɛ kéele na, yee Isirayɛli pìíbèle ní Zyuda pìíbèle kpéʔele bi mii fúngi tanʔa lè, poro, ní be fànʔafɔbèle, ní be syɛɛnkpolobèle, ní be sáriga-wòlobèle, ní be kanyaajoobèle, ní Zyuda nǎnbèle, ní Zyerusalɛmi ye.

Zyeremii 7:19

Mii fúngi lé be taanri? Yawe wi jo nya. Koro o nyɛ pe tiimaa kéele na ì, pe tiimaa fɛ̀ɛrɛ kéele na ì?

Kayaagi Nyɛnigɛ 1:18

Yawe wi sín, níì cán mii wi baa pye niceʔe wi syɛ́ɛnri kánma na, dee wi joo n gbàn lè. Ye lóʔo, yele syɛɛnfeleyi myɛ, ye mii yayaagi nyaa! Mii nàngeele sinján pìcaabèle, ní mii nìgɔcaribèle n kári púlori na.

Kayaagi Nyɛnigɛ 3:42

Wolo n pye kapeebyebèlē, ní niceebéle! Mɔ si na, mɔ ga kùsulugi syɔɔ í!

Kayaagi Nyɛnigɛ 5:16

Wolo nyúnyi fànʔafɔ-nyùndɔnnɔ n too! Wɔʔɔlɔ i nyɛ wolo na, níì cán wolo n kapeele pye!

Ezekyɛli 16:63

koro ga pye mɔ í sɔ̀ngí taa gee na gi sɔ̀lɔ lè, fɛ̀ɛrɛ si mɔ taa. Koro ga pye mɔ a ní kɔ́ nyɔɔ múgu í, mɔ fɛɛri kéele na, lǎli ni mii ga mɔ kapeegèle kùsulugo fáli kpéʔele lè kérigèle myɛ kéele na mɔ kpéʔele lè,› » Kàfɔw Yawe wi jo nya.

Ezekyɛli 5:6

a wi si céemɛ le wiyɛɛ ni mii làlwaw kajoogéle ní mii làlwaw kèlē kánma na ní peemɛ ní n sɔ̀lɔ tári syɛɛnfeleye na, ní tátɛɛyi na yi wi màʔa lè, níì cán pe n mii làlwaw kajoogéle yaʔa, pe o táanri ni yɛlɛgi ní mii làlwaw kèlē ní í.

Danyɛli 9:9

Nyínimi, ní kùsuluzyɔɔri i nyɛ Kàfɔw, wolo Kolocɔlɔw taana, àlí n wírè gi yaʔa wolo n sìnloʔomɔ kpéʔele wi na.