Danyɛli 9:7 - Cebaara Bible 2010

⁷ Ee Kàfɔw, mɔ wi nyɛ sínni fɔ́lɔ, wolo wóri si i nyɛ fɛ̀ɛ́ri, àmɛɛ gi nyɛ lè níjanʔa Zyuda syɛ́ɛnbèle, ní Zyerusalɛmi ye, ní Isirayɛli ye myɛ na, poro bele be nùuni lè, ní bele tɛ́ʔɛ gi léeli lè tátɛɛyi myɛ ni, beè mɔ be nɛnɛ n tórigo lè pe sìnzinmi kapyere kéele na, dee be tɛ́ʔɛ n peyɛɛ kolo mɔ ma lè.

Danyɛli 9:7 Iomraidhean Croise

Ɛsidirasi 9:13

Gee bee myɛ gi wolo taa lè wolo péemi kapyere, ní wolo kapeekpɔɔgi kéele na, á mɔ sèʔê pèle yaʔa a be pye wolo ni wogorobéle, wolo Kolocɔlɔw, mɔ si ga wolo wɔʔɔ n yɛlɛ ní wolo kolomi kèlē ní í,

Ɛsidirasi 9:15

Yawe, Isirayɛli Kolocɔlɔw, mɔ n sín, níì cán wolo n kòro níjanʔa àmɛɛ wogorobéle nyɛ lè. Wolo wo nyɛ bele mɔ yɛ́ʔɛ ma ní wolo kolomi ní, bi si pye kánmi bee felege na, wolo a gbǎn yére mɔ yɛʔɛ ma í.»

Nehemii 9:33

Gee myɛ gi wolo taa lè, mɔ n sín gi ni. Níì cán mɔ n tánʔa kányɛɛgi na, á wolo si kapeʔe pye.

Ŋúnuyi 119:137

Mɔ n sín, ee Yawe! Mɔ kajoo-mí-cerigèle n sín.

Ŋúnuyi 44:15

Mɔ n wolo kéeli kaan a li kòro syɛɛnfeleyi ma tanlɛʔɛ, ní yarigaa, syɛɛnfeleyi nínge ni, gee kéele na be nyúnyi kólo lè.

Ŋúnuyi 51:14

Syɔɔli mɔ kaangi lè, ki n yɛlɛ mi ní mi li fundaanri kaan mii ma, kínidɛnɛcǎngi pìle si mii cò bi yérige.

Ŋúnuyi 51:4

Mii wéli mi mii kolomi myɛ láʔa mii na, mii kapeeli jée mi láʔa mii na.

Ezayi 11:11

Cángi bee na Kàfɔw a ní wi kɔ́gi sánʔa bi wi syɛ́ɛnbèle wozanbèlē nyúnyo syɔɔ, poro bele pe a kòro lè púlori wòolo ni, Asirii ní Ezyipiti ni, ní Paturɔsi, ní Etyopii, ní Elami, ní Syineyari, ní Hamati, ní sólomi lɔ̀ʔɔ nínge tátɛɛgéle ni.

Ezayi 45:16

Fɛ̀ɛrɛ n yasunyi sámagafɔɔlɔ myɛ taa, a be nyúnyi jùngu, pe myɛ i syée fɛ̀ɛrɛ wòolo ní.

Zyeremii 12:1

Mɔ n sín n caanri, Yawe, mii í kɔ́ pye kàkabaga na ní mɔ ní. Koro ní ki myɛ ní mii i caa bi joo ní mɔ ní mɔ kútiiw kèlē cɔɔnriganma na: Nyàʔá na syɛɛnpeebèle kèlē nyɔɔgi? Nyàʔá na námarafɔbèle myɛ nyɛ yɛɛ̀nyinge na sági, poro bele be syɔɔn jànváa lè?

Zyeremii 23:6

Wi lǎli ni Zyuda a syɔɔ. Isirayɛli a tɛ́ɛn yɛɛ̀nyinge na wi tɛɛkòrogi ni. Mɛ́ɛgee si pe a ra yiri wi na lè koro gi nyɛ gee naa: Yawe, wolo sínni.

Zyeremii 24:9

Mii a be kàriga fyáara, ní wɔʔɔgɔ yáriga tári fànya myɛ ma, bi be pye faʔara, ní nɛ̀ɛnyɛnɛgɛ, ní kataanra, ní dánga yáriga tɛ́ɛyi myɛ ni, beè mii a be nɛnɛ bi tórigo lè.

Zyeremii 3:25

Wolo fɛ̀ɛ́ri di nyɛ wolo ma yasinɛgi, wolo faʔari si i nyɛ wolo ma làgogi. Níì cán wolo n kapeele pye Yawe wolo Kolocɔlɔw na, wolo ní wolo tóobèle nlaa yaà wolo cárimi làla ni fwɔɔ n baa nan níjanʔa na, wolo si ga Yawe wolo Kolocɔlɔw jóomɔ lóʔo í.»

Zyeremii 32:32

kapeeyi myɛ kéele na, yee Isirayɛli pìíbèle ní Zyuda pìíbèle kpéʔele bi mii fúngi tanʔa lè, poro, ní be fànʔafɔbèle, ní be syɛɛnkpolobèle, ní be sáriga-wòlobèle, ní be kanyaajoobèle, ní Zyuda nǎnbèle, ní Zyerusalɛmi ye.

Zyeremii 33:16

Cányi bee ni, Zyuda a syɔɔ, Zyerusalɛmi a pye ŋɔ́ndaala na wi tɛɛ̀tɛ́ɛnni ni. Mɛ́ɛgee si pe a ra yiri wi na lè koro gi nyɛ gee na: Yawe, wolo sínni.›

Zyeremii 4:17

Pe i Zyerusalɛmi máari àmɛɛ seʔe kpaàwelebéle nyɛ lè, níì cán ki n mii cée, Yawe wi jo nya.

Zyeremii 7:19

Mii fúngi lé be taanri? Yawe wi jo nya. Koro o nyɛ pe tiimaa kéele na ì, pe tiimaa fɛ̀ɛrɛ kéele na ì?

Ezekyɛli 16:63

koro ga pye mɔ í sɔ̀ngí taa gee na gi sɔ̀lɔ lè, fɛ̀ɛrɛ si mɔ taa. Koro ga pye mɔ a ní kɔ́ nyɔɔ múgu í, mɔ fɛɛri kéele na, lǎli ni mii ga mɔ kapeegèle kùsulugo fáli kpéʔele lè kérigèle myɛ kéele na mɔ kpéʔele lè,› » Kàfɔw Yawe wi jo nya.

Ezekyɛli 36:31

Lǎli bee ni yele a sɔ̀ngí taa yele tánʔaganbeemi na, ní yele kapyegèle na, gele ge lè ke da nyɔɔ í. Yele láagi a kwɔ́ɔ yeyɛɛ ni yele kolomi kèlē, ní yele yanɔnʔɔyi kéele na.

Ezekyɛli 5:10

Koro na tofɔɔlɔ a ba ra be pìibēle káa mɔ níngi ni, pìibēle í wɔ́ɔ ra be tòōlo káa. Mii a mii kútiiw kèlē kpéʔele foro mɔ na, bele myɛ pe ga kòro mɔ ma lè, mii a be cariga káfalagi kàbanya myɛ na.› »

Ezekyɛli 6:12

Wee wi ga léeli lè káfalagi yáama a wee bee kpóo, wee wi ga nùuni lè ŋɔséew a wee bee kpóo cáan, wee wi ga kòro lè kěgi ni, gee taana pe a tɛ́ɛn kapɛɛnni kánma na lè, kateekpɔɔgi a wee bee kpóo. Mii a tɔ̀nɔ́ gi pye be na fwɔɔ bi sa nan mii fundanʔagbɔɔri tɛɛ̀laʔala na.

Danyɛli 9:14

Yawe n gi kɔ̀rɔsíi níì gi yaʔa wɔʔɔgi naa í too wolo na. Níì cán Yawe wolo Kolocɔlɔw n sín wi kapyegèle myɛ ni wi kpéʔele lè, kàjáa wolo wo nyɛ wo ga wi jóomi lóʔo í.

Danyɛli 9:18

Mii Kolocɔlɔw, líiyi cáan mi lóʔo! Nyapiigèle múgu mi wolo gurubɛɛri wéle, kěgee na mɔ mɛ́ɛgi yeri lè! Wolo o wolo nyɛ́ɛrigboloyi nyɛ́ɛri mɔ ma wolo sínnɛ kapyegèlē kéele na í, mɔ nyinigbɔɔmi kéele na wii.

Danyɛli 9:8

Ee Kàfɔw, wolo yɛ́ɛyi ni fɛ̀ɛ́ri kòro, ní wolo fànʔafɔbèle, ní wolo kùndigibèle, ní wolo tóolɛɛbèle. Níì cán wolo n kapeele pye mɔ na.

Amɔsi 9:9

«Níì cán wéle mii a syɛ́ɛnri naa joo gbàn, mii a Isirayɛli kpáagi wòolo cúngo syɛɛnfeleyi myɛ nínge ni àmɛɛ be yarira cúngu lè tàmá ni, làa nibin si a too tári na í.

Wɔrɔmi ye 6:21

Kérigèle ge nyɛ lè yele na fɛ̀ɛrɛ tɔ́ɔliw ni, gele yele da ni kpéʔele lè booma ni, nyàʔá tɔ̀nɔfeleo yele da ni taagi ge ni lǎli bee ni? Níì cán gele bee kàdoʔo gi nyɛ kùúw.

Làlwaw Kaanziin 32:4

Woro wi nyɛ Fálagi. Wi fáliw n nyɔɔ n foro, wi kóloyi myɛ n sín. Woro wi nyɛ Kolocɔlɔw wi nyɛ lè tágala syɔ́ɔn, woro wi sín, ní i nyɛ kányɛɛgi fɔ́lɔ.

Làlwaw Kaanziin 4:27

Yawe a yele cariga bi lége syɛɛnfeleyi nínge ni. Syɛɛnfeleyee nínge ni Yawe a yele kɔ́ri lége lè, yele a ní kòro saʔa yi níngi ni í.