Danyɛli 9:5 - Cebaara Bible 2010

⁵ Wolo n kapeele pye, wolo n kakoloyo kpéʔele, wolo n peemɛ ní céemɛ kele kpéʔele, wolo n wàli n láʔa mɔ kajoodɛɛngèle, ní mɔ kajoo-mí-cerigèle na.

Danyɛli 9:5 Iomraidhean Croise

2 Fànʔafɔbèle 18:12

Níì cán pe da fɔ̀lɔ n Yawe be Kolocɔlɔw jóomɔ lóʔo í, fwɔɔ a be wi joogaanni kálagi. Ní àmɛɛ gi nyɛ lè gee myɛ Yawe falipyew Mowizi da joo n gbàn lè, pe ga fɔ̀lɔ n gi lóʔo ní i gi kpéʔele í.

2 Fànʔafɔbèle 21:15

Níì cán gee gi pee mii nyɛ́nɛ na lè, koro be kpéʔele n mii fúngi tanʔa gbanʔama nlaa cángee na be toolɛɛbèle yiri Ezyipiti ni lè fwɔɔ n baa nan níjanʔa na.› »

Ɛsidirasi 9:6

níì jo: «Mii Kolocɔlɔw, mii n curugo, fɛ̀ɛrɛ n mii taa, bi mii yɛ́ɛgi yìrige bi mɔ wéle, ee mii Kolocɔlɔw. Níì cán wolo kolomi kèlē n nɛʔɛ fwɔɔ n wolo tɔ́n, a wolo kakolobyeri taani tiyɛɛ na fwɔɔ n sáà nan nyɛ̀ʔɛni na.

Ŋúnuyi 106:6

Wolo n kapeegèlē kpéʔele àmɛɛ wolo tóolɛɛbèle da ge kpéʔele lè, wolo n kolomɔ kele kpéʔele, wolo kapyegèle n pee.

Ŋúnuyi 119:102

Mii ga téè niyɛɛ wàli n láʔa mɔ lalwaw kajoogéle na í, níì cán mɔ wi mii tama ge na.

Ŋúnuyi 119:176

Mii n curugo àmɛɛ bàpuunio nyɛ lè, mɔ falipyew caa! Níì cán mii o fɛ̀ʔɛ́ mɔ kajoodɛɛngèle na í.

Ŋúnuyi 18:21

Yawe n mii cò n yɛlɛ ní mii sínni ní. Wi n mii sàra n yɛlɛ ní gi ní àmɛɛ mii kɔ́yi nyɛ lè fɔɔnrɔ fun.

Ezayi 53:6

Wo myɛ maa pùuni àmɛɛ bàala nyɛ lè, wo myɛ nibin nibin maa ni wo nyɛ́nɛ kóloyi lée, a Yawe si wo myɛ sìnzinmɛ túgoro tugo wi na.

Ezayi 59:13

Poro bi nyɛ wolo n sìnloʔomɔ kpéʔele níì Yawe jànváa n wàli n léeli wolo Kolocɔlɔw na. Wolo i péemi ní céemi syɛ́ɛnrɛ nyuu, níì jànvaaw syɛ́ɛnrɛ fícɛnnɛ taa, ní i sànʔari kpéʔele wolo fúnyi ni.

Ezayi 64:4

Wee wi da ni sínni kèlē kpéʔele ní fundaanra ní lè, bele pe da ni sɔ̀ngí ni taagi mɔ kóloyi na lè, mɔ maa ni bele bee fàrá, kàjáa mɔ fúngi si n baa tanʔa gbanʔama, níì cán wolo n kapeele pye. Wolo si a kòro wɔʔɔgi ni, fwɔɔ bi taa wolo í ba syɔɔ.

Zyeremii 14:20

Yawe, wolo n wolo péemi kéele cán, ní wolo tóolɛɛbèle kolomɔ kéele. Níì cán wolo n kapeele pye mɔ na.

Zyeremii 14:7

Alí wolo kolomi kèlē ga ni wolo kologi, ee Yawe, ki kpéʔele mɔ mɛ́ɛgi kéele na! Níì cán wolo céemi kapyere n nɛʔɛ, wolo n kapeele pye mɔ na.

Zyeremii 3:25

Wolo fɛ̀ɛ́ri di nyɛ wolo ma yasinɛgi, wolo faʔari si i nyɛ wolo ma làgogi. Níì cán wolo n kapeele pye Yawe wolo Kolocɔlɔw na, wolo ní wolo tóobèle nlaa yaà wolo cárimi làla ni fwɔɔ n baa nan níjanʔa na, wolo si ga Yawe wolo Kolocɔlɔw jóomɔ lóʔo í.»

Zyeremii 30:14

Bele myɛ mɔ kéeli da dɛ́nɛ lè, pe n fɛ̀ʔɛ mɔ na, pe ní o mɔ caa í, ncan mii n mɔ kpúmɔn àmɛɛ nigoò kpúmɔn lè, mii n mɔ wɔʔɔ fungbanga ni, mɔ kakolobyeri nɛʔɛnɛ ní mɔ kapeegèle péemɛ kéele na.

Zyeremii 44:3

kapeegi kéele na, gee be kpéʔele bi mii fúngi tanʔa lè, àmɛɛ be kári n sa ni nùndaanni yáriga sórogi, ní i kpɔ̀ʔɔrɔli kpéʔele kolocɔlɔbèle pèle nikwɔɔlɔ ma lè, bele be lè poro ní yele, ní yele tóolɛɛbèle da be cán í.

Kayaagi Nyɛnigɛ 1:18

Yawe wi sín, níì cán mii wi baa pye niceʔe wi syɛ́ɛnri kánma na, dee wi joo n gbàn lè. Ye lóʔo, yele syɛɛnfeleyi myɛ, ye mii yayaagi nyaa! Mii nàngeele sinján pìcaabèle, ní mii nìgɔcaribèle n kári púlori na.

Kayaagi Nyɛnigɛ 1:20

«Yawe, ki n yɛlɛ mi mii wɔʔɔgi nyaa! Mii fúngi yárira i kángi, mii fúngi n nyáʔami mii na, níì cán mii maa tɔ̀nɔ n baa pye niceʔe. Kàfugo ma, ŋɔséew n wi gàlagíw kpéʔele, fungo ma, ki maa tɔ̀nɔ n pye kùúw tiimaa.

Kayaagi Nyɛnigɛ 3:42

Wolo n pye kapeebyebèlē, ní niceebéle! Mɔ si na, mɔ ga kùsulugi syɔɔ í!

Ezekyɛli 5:6

a wi si céemɛ le wiyɛɛ ni mii làlwaw kajoogéle ní mii làlwaw kèlē kánma na ní peemɛ ní n sɔ̀lɔ tári syɛɛnfeleye na, ní tátɛɛyi na yi wi màʔa lè, níì cán pe n mii làlwaw kajoogéle yaʔa, pe o táanri ni yɛlɛgi ní mii làlwaw kèlē ní í.

Ezekyɛli 6:9

Lǎli bee ni bele pe ga kòro yele ni lè syɛɛnfeleyi nínge ni, beè pe a pye lè pulobèlē, pe a sɔ̀ngí taa mii kéeli na, níì cán mii a be kanɔnʔɔbye-fúnyi tɔ́nʔɔnɔ, yoro yee yi da wàli n léeli mii na lè, á be kanɔnʔɔri nyapiigéle kòro kanɔnʔɔri na ni kpéʔele ní be yasunyi ní. A be wéle láagi kwɔ́ɔ peyɛɛ ni kapeeyi myɛ kéele na, yee be kpéʔele lè pe yanɔnʔɔyi báriga ni.

Danyɛli 9:11

Isirayɛli ye myɛ n mɔ lalwaw kálagi, níì kólogi yaʔa, pe ga mɔ jóomi lóʔo í. Lǎli bee ni dángaw kèlē ní kàligi kèlē ge sɛ́bɛ Kolocɔlɔɔ falipyew Mowizi làlwaw ni lè, a koro si wolo tɔ́n, níì cán wolo n kapeele pye mɔ na.

Danyɛli 9:15

Tɔ́ɔliw ni doò, Kàfɔw, wolo Kolocɔlɔw, mɔ wee wi mɔ syɛ́ɛnbèle yirige lè Ezyipiti tári ni ní mɔ séew kɔ́lɔ ní, níì mɛ́ʔɛ taa fwɔɔ n baa nan níjanʔa na, wolo n kapeele pye, wolo wo kakologi kpéʔele.

Danyɛli 9:9

Nyínimi, ní kùsuluzyɔɔri i nyɛ Kàfɔw, wolo Kolocɔlɔw taana, àlí n wírè gi yaʔa wolo n sìnloʔomɔ kpéʔele wi na.

Oze sɛ́bɛw 1:2

Syɛ́ɛnri sélimɛ bi bee naa, dee Yawe joo Oze ma a wi joo lè, Yawe n Oze pye: «Da syée mi sa kanɔnʔɔbyecewaa láa mi kanɔnʔɔrɔ piibéle see. Níì cán tári n Yawe yaʔa níì kòro kanɔnʔɔbyeri na!»

Malasyii 3:7

Nlaa yaà yele tóolɛɛbèle canya na, yele n láʔa mii làlwaw kèlē na, yele ga ge cò í. Ye lúru mii ma, mii a wɔ́ɔ lúru yele ma.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya. A yele si i gi nyuu níì jo: «Mɛ̀ɛ́ wo níì yɛlɛ bi lúru sɛ́ɛ?»

Heburubèle 3:12

Yaa kɔ̀rɔsíi, ni senyɛ̀nnɛ, koro ga pye sìndagali sɔ̀ngubeere a kɔ́ jée yele wàa faala ni bi wi láʔa Kolocɔlɔɔ woweew na í.