Danyɛli 9:4 - Cebaara Bible 2010

⁴ Mii n Yawe, mii Kolocɔlɔw nyɛ́ɛri níì kapeeli joo n tɛ̀ɛn níì jo: «Ee Kàfɔw Kolocɔlɔɔ wogbɔɔw, mɔ wi lè fyáakpɔɔrɔ yáriga, mɔ i mɔ joogaanni forogi, níì kòro ni funjànga kpéʔele ní bele ní be tàmaga lè ní mɔ ní lè níì mɔ kajoodɛɛngèle sámaga n cò.

Danyɛli 9:4 Iomraidhean Croise

1 Fànʔafɔbèle 8:23

níì jo: «Yawe Isirayɛli ye Kolocɔlɔw, kolocɔlɔwaa o nyɛ mɔ félege nyɛ̀ʔɛgèle ni yaà ǹjogi ni í wàlá naa táàma tári na í, mɔ wee wi joogaanni ní funjǎngi kéele sámaga n cò lè mɔ falipyebèle kàbaan na, poro bele be táanri mɔ yɛ́ʔɛ ma lè ní be fúnyi myɛ ní.

2 Cányi kèlē 7:14

mii syɛ́ɛnbèle bele na mii mɛ́ɛgi yeri lè, pe ga peyɛɛ jɛ́rɛ, níì mii nyɛ́ɛri, ní i mii caa nyaama, pe ga kàdoʔo wáa be kobeeyi ma, bi mii yaʔa nyɛ̀ʔɛni na mii a lóʔo be ma, si be kùsulugi syɔɔ, si be tári yɛ́ʔɛ nyíngi.

Ɛsidirasi 10:1

N Ɛsidirasi yaʔa wi i nyaan níì tìgi n too Kolocɔlɔɔ kpáagi yɛ́ʔɛ ma, ní i nyɛ́ɛrigi naa nyɛ́ɛri ní i be kapeeli nyuu ni tèé kánmi naa na a Isirayɛli syɛɛnnɛʔɛmɛ piyɛɛ gbóʔoro wi taana nǎnbèle ní cébèle, ní pìíbèle, a syɛ́ɛnmi tɔ̀nɔ n nyatinnɛʔɛmɛ wo.

Nehemii 1:5

A mii jo: «Ee Yawe mɔ wi lè nyɛ̀ʔɛni Kolocɔlɔɔ, Kolocɔlɔɔ, mɔ wee wi kpɔ́ʔɔ lè ní i nyɛ fyáara yáriga, mɔ wee wi joogaanni ní funjǎngi kɔngi lè bele kàbaan na mɔ kéeli dɛ́nɛ lè, á be mɔ kajoodɛɛngèle kɔn,

Nehemii 9:32

Tɔ́ɔliw ni doò, ee wolo Kolocɔlɔw, mɔ wi lè Kolocɔlɔɔ wogbɔɔw, ní séew fɔ́lɔ, ní fyáara yáriga, mɔ wee wi joogaanni, ní funjǎngi sámaga n cò lè, fɔ̀rɔgbɔɔgee gi nan lè mɔ syɛ́ɛnbèle myɛ na, pe nyɛ lè wolo ní wolo fànʔafɔbèle, ní wolo syɛɛnkpolobèle, ní wolo sáriga-wòlobèle, ní wolo kanyaajoobèle, ní wolo tóolɛɛbèle, nlaa yaà Asirii fànʔafɔbèle làla ni fwɔɔ n baa nan níjanʔa na, mɔ a kɔ́ gi córo kapiipiile í.

Ŋúnuyi 32:5

Mii n mii kapeeli joo n tɛ̀ɛn mɔ na, mii ga mii kolomi làriga í. Mii n gi joo níì jo: «Mii a yére mii kolomi ni Yawe yɛ́ʔɛ ma!» A mɔ mii kapeeli kolomɔ kusulugo syɔɔ. Ŋɔ́ndaala

Yirile 20:6

Bele si be tàmaga le ní mii ní lè, níì mii tundunri kɔn ní i di kpéʔele, mii i funjànga kpéʔele ní bele bee ní bi taa sa nan pe yòdaʔayi yìrigēle saala kagunɔ na.

Zyeremii 3:13

Ki n yɛlɛ mɔ í tɛ́nɛ mɔ kolomi cán. Ki cán Yawe mɔ Kolocɔlɔw kánma na mɔ céemi kpéʔele. Mɔ n fàn n kári kàbanyi myɛ na nibɔnbèle kurugo, tiipiriyi myɛ láara ni, yele ga téè mii jóomi lóʔo í.› » Yawe wi jo nya.

Zyeremii 32:23

Pe n pan, pe n baa di fáligi taa, kàjáa pe ga mɔ jóomi lóʔo í, pe ga tánʔa n yɛlɛ ní mɔ lalwaw ní í. Gee myɛ mɔ da joo n gbàn be ma níì jo paa gi kpéʔele lè, pe ga gi kpéʔele í. Lǎli bee ni a mɔ wɔʔɔyi bee myɛ cáan be na!

Danyɛli 6:10

A fànʔafɔw Dariyusi wi fɛ̀ɛ́w taʔa kéeli sɛ́bɛ na li yɛlɛ bi yaʔa lè.

Danyɛli 9:3

A mii mii yɛ́ɛgi wáa Kàfɔw Kolocɔlɔɔ ma bi nyɛ́ɛrigɛ, ní nyɛ́ɛrigboloyo kpéʔele, si súnw le, si gɔ̀nvaʔaga le burogo, si cɔnʔɔ wo niyɛɛ na.

Luki 1:72

si nyinimɛ taa wolo tóolɛɛbèle na, si wɔ́ɔ sɔ̀ngí taa wi joogaanjǎnni kéele na,

Wɔrɔmi ye 8:28

Wolo n gi cán Kolocɔlɔɔ i kérigèle myɛ pínɛ ni sámagi ke i nyɔɔgi bele má be tàmaga le ní woro ní lè, poro bele wi nyɛ́nɛ n wòlo lè n yɛlɛ ní wi kakɔrirɔli ní.

Làlwaw Kaanziin 5:10

Bele si be tàmaga le ní mii ní lè, níì mii tundunri kɔn ní i di kpéʔele, mii i funjànga kpéʔele ní bele bee ní bi taa sa nan pe yòdaʔayi yìrigēle saala kagunɔ na.

Làlwaw Kaanziin 7:12

Kérigèle wi joo n gbàn lè yele ga tɛ́nɛ̀ ge lóʔo níì ge cò, ní i ge kpéʔele, Yawe mɔ Kolocɔlɔw a joogaanni ní funjǎngi kɔn mɔ kabangi na bi yɛlɛ ní kàligi ní wi kpéʔele mɔ tofɔlɛɛyi ma lè.

Làlwaw Kaanziin 7:21

Mɔ a kɔ́ ra fɛ̀ɛgí be kéeli na í, níì cán Yawe mɔ Kolocɔlɔw i nyɛ yele níngi ni, woro wi nyɛ Kolocɔlɔɔ wi lè wogbɔɔw, ní i nyɛ fyáara yáriga.

Làlwaw Kaanziin 7:9

Koro na gi cán mi cán Yawe mɔ Kolocɔlɔw wi nyɛ Kolocɔlɔɔ Wodelew. Kolocɔlɔw bee wi nyɛ lè tágala syɔ́ɔn, wi i wi joogaanni, ní wi funjǎngi kɔngi fwɔɔ ni nangi bele be tàmaga le ní wi ní, ní i wi kajoodɛɛngèle kɔngi lè, poro yòdaʔayi yìrigēle saala kagunɔw na.

Zyaki 1:12

Syɔ́ɔnwee wi kòro ni kpàracogo kpéʔele lè kagbanyi ni, wee bee i nyɛ dùba pyà. Níì cán àmɛɛ yi wi sɛʔɛ n wéle lè á wi fànʔa taa yi na, wi a kpɔ́ʔɔri nyùndɔnnɔ taa li lè sìíw wólo, lee Kolocɔlɔɔ joo wi a kaan bele má be tàmaga le ní woro ní lè.

Zyaki 2:5

Mii senyɛn-nidaanmabèle, ye lóʔo, yele ga tɔ̀ʔɔ̂ gi cán ncan bele dulunyanw syɛ̀ɛnnɛ córo lè foomɔfɔbèle, bele bee Kolocɔlɔɔ nyɛ́nɛ n wòlo n kpéʔele yarigaa fɔ̀ɔlɔ woro ma tágali kólogo ni ì? Nyɛ̀ʔɛni fànʔa si pye pe woʔò, gee wi joo wi a kaan bele má be tàmaga le ní woro ní lè ì?