Danyɛli 9:26 - Cebaara Bible 2010

²⁶ Cégboogèle togoye taanri ní siin kwɔ́ɔlɔ kadoʔo ma, wonyɛnɛ-wòloo a láʔa yaà, syɔɔn faala a pye ní wi ní í. Fànʔafɔbile a pan, li syɛ́ɛnbèle a ba kěgi ní tɛɛcǎngi jaa, li kwɔ́ɔmi si a ba pye ní kálagigbɔɔlɔ ní àmɛɛ cábiga nyìn n kabi lè. Kapɛɛnni a pye beè fwɔɔ bi ba nan lǎli kwɔ́ɔmɔ na. Kálagili kèlē n kɔ̀rirɔ n tímana bi kòro beè.

Danyɛli 9:26 Iomraidhean Croise

2 Samyɛli 21:5

A be fànʔafɔw yari: «Amɛɛ nǎnw bee da ni caa bi wolo kálagi kwɔ́ɔ lè péw níì gi tímana bi wolo kálagi lè bi wolo kwɔ́ɔ yirige Isirayɛli tásaligi myɛ ni,

Ŋúnuyi 22:15

Mii i nyɛ àmɛɛ lɔ̀ʔɔ nyɛ, gee gi ŋuu lè, mii kaceleyi myɛ n wɔ̀rɔ n yiri yiyɛɛ ni. Mii zɔ̌nw n kàri n pye àmɛɛ sékuro nyɛ lè, wi i nyangi mii fúngi ni.

Ezayi 28:2

Nànnirio wéle, wee wi nyɛ lè séefɔlɔ, wee Yawe tun lè àmɛɛ zěsolomɔ nyɛ, bee bi pee lè, ní àmɛɛ gàlagí káfalakpɔʔɔ nyɛ lè, ní àmɛɛ zàʔá nyɛ, gee gi kabi ni jǐn lòcooloyo lɔ́ʔɔ ni lè. Wi n gi cáan tári na ní fundanʔara ní.

Ezayi 28:22

Tɔ́ɔliw ni, ki n yɛlɛ ye nɛ̀ɛnyɛnɛgi yaʔa koro ga pye yele yapwɔɔri a ní kɔ́ cɔ̀ɔn í. Níì cán tári myɛ kálagila kéele n tímana n kwɔ́ɔ. Mii n gee bee lóʔo Kàfɔw ma wi lè Nyɛ̀ʔɛni Sùlasiibéle Kafɔlɔ Yawe.

Ezayi 53:8

Pe n wi kɔ́ri fànʔa na n sáà kútii. Wìí syɔ́ɔn na wi kéeli da wári wi yìrili syɛ̀ɛnnɛ ni? Ncan pe n wi sìíw ceri n yirige niweebèle tára ni. Pe n wi kpúmɔn kùumɔ wi syɛ́ɛnbèle kapeegéle kéele na.

Ezayi 8:7

Koro na Kàfɔw a cábigi fànnɛʔɛgɛ lɔ́ʔɔ tórigo be kánmi na, koro gi nyɛ Asirii fànʔafɔw ní wi nìjangbɔɔri myɛ, ki a nyìn bi sɔ̀lɔ ki tɛɛ̀yéregi na bi kabi sɔ̀lɔ ki lógbebèle myɛ na.

Zyeremii 46:7

Wìí wi lúru ni maa wee, mɔ a jo Niili wii, wee lɔ̀ʔɔ gi nyìn n kabi àmɛɛ cábiya wóʔo nyɛ lè?

Zyeremii 51:42

Sólomi lɔ̀ʔɔ n lúgu Babilɔni na. Ki kùnguru-nɛʔɛyi n wi tɔ́n.

Danyɛli 11:10

Wi nànbiigèle a kári kapɛɛnni na, ke a kapɛɛnkpumɔn-syɛɛnnɛʔɛmɛ gboogéle saʔa kpóʔoro. Lǎli bee ni pe wàa nibin a kári yɛʔɛ̀ ma bi càmi àmɛɛ lɔ̀ʔɔ kabi n fala lè, bi sɔ̀lɔ bi ní lúru pan. Wi a kapɛɛnni kpúmɔn bi sa nan kènirigi na.

Danyɛli 11:17

Wi a gi tímana bi pan ní wi fǎngi sée myɛ ní, si ba bɛ̀ɛ ní wi ní. Wi a wi pìíw kaan wi ma wi cɔɔ̀, bi koro pye wi kálagili sábabu, kàjáa gee bee a pye í, koro a nyɔɔ wi na í.

Danyɛli 11:22

Kapɛɛnkpumɔnbèle pe a ba càmi àmɛɛ lɔ̀ʔɔ gáà kabi n fala lè, ànbée pe a ba kabi tìgi wi yɛʔɛ̀ ma, si kálagi ní joogaanni fànʔafɔbile ní.

Danyɛli 11:36

Fànʔafɔw a ra gi kpéʔele, gee wi caa lè. Wi a ra wiyɛɛ gbɔ́ʔɔgi, sáā wiyɛɛ délegi kolocɔlɔbèle myɛ ǹjoʔo ni, wi a ra bingaari kèlē nyuu kolocɔlɔbèle Kolocɔlɔɔ kánmi na. Wi kérigèle a ra nyɔɔgi fwɔɔ bi taa fundanʔari làrivorolo í ba nan, níì cán gee gi kɔ̀rirɔ n tímana lè, ki a foro.

Danyɛli 9:27

Li si a bànzaa joogaanna kpéʔele ní syɛɛnnɛʔɛmɛ ní fwɔɔ bi sa nan cégboolo nibin na. Cégbooli tíla kwɔ́ɔlɔ kadoʔo ma, li a sárigaw wòlolo ní yakaanyi kéele yérige. Kálagifɔlɔ a kapeekpoloyo kpéʔele bi sa nan ki dǎnw na, fwɔɔ bi taa kálagili ní kakɔrirɔli í ba too kálagifɔw tiimaa na.»

Oze sɛ́bɛw 1:9

A Yawe jo: «Wi mɛ́ɛgi le paa wi yiri Lo-Amii. Níì cán yele o nyɛ mii syɛ̀ɛnnɛ í, mii si wɔ́ɔ o nyɛ yele wóo í.»

Amɔsi 8:8

Gee bee a tári kaan di cúngo, di syɛ́ɛnbèle myɛ si pye kùu káyaʔa na ì? Tári myɛ a ba nyìn àmɛɛ cábigi nyɛ lè. Ti a ba nyìn si ní tìgi àmɛɛ Ezyipiti cábigi nyɛ lè.

Amɔsi 9:5

Kàfɔw Yawe wi lè Nyɛ̀ʔɛni Sùlasiibéle Kàfɔlɔ, woro wi tángi tári na, ti n ni cɛ̀lɛ́, ti syɛ́ɛnbèle myɛ n pye kùu káyaʔa na, ti myɛ i nyìngí àmɛɛ Niili cábigi nyɛ lè, ti i tíri àmɛɛ Ezyipiti cábigi nyɛ lè.

Nahumi 1:8

Lǎli ni lǒgi kùnguruyo ga kabi lè wi a yi tɛ́ʔɛ bi tɛ́ɛgi bee kálagi péw, wi si a wi nigoobèle kɔ́ri láa fwɔɔ bi sa lége yébilimi ni.

Matye 22:2

«Nyɛ̀ʔɛni fànʔa i nyɛ àmɛɛ fànʔafɔwaa nyɛ lè, wee wi da wi jaà cèpɔrigɔ liile sámaga lè,

Matye 22:7

A fànʔafɔw ga gee bee lóʔo, a wi fúngi fala n tanʔa. A wi wi sùlasiibèle tun a be sáà syɛɛnkpoobèle bee kpóo, níì be kěgi sórigo.

Matye 23:38

Wéle, yele kpáagi n kòro yele ma wowaʔa ní.

Matye 24:2

A wi be pye: «Yele ga yáriri naa myɛ nyaa í? Mii a gi joo yele ma kányɛʔɛ ni, kàdɛnɛgaa faala a kòro kàa na nɛɛ naa í, pe a ba yi myɛ cáan.»

Mariki 13:2

A Zyezu wi pye: «Kpaakpoloyi naa lé mɔ wéle? Kàdɛnɛgaa faala a kòro kàa na í, pe a ba yi myɛ cáan.»

Mariki 13:7

Yele ga kɔ́ ni kapɛɛngèle tìnmɛ lúro, ní wɔ́ɔ i kapɛɛngèle kéele lúro, ki ga yɛlɛ yele í da fɛ̀ɛgí í, níì cán kérigèle bee myɛ n yɛlɛ ge kpéʔele. Kàjáa gee bee ban ki a pye gi kwɔ́ɔmi í.

Mariki 9:12

A wi be pye: «Kányɛʔɛ gii, Elii wi yɛlɛ wi séli pan bi ba yáriri myɛ sámaga di pye àmɛɛ ti da séli pye lè. Nyàʔá na be syɛ́ɛnri naa sɛ́bɛ Syɔɔn-pya kéeli na, níì jo ki n yɛlɛ pe ba wi wɔʔɔ saʔa si wi cée?

Luki 21:24

Pe a pèle kpóo ní ŋɔséebèle ní, si pèle kɔ́ri kári pe sa pye pulobèlē tátɛɛyi myɛ ni. Syɛɛnfeleyi si a ba Zyerusalɛmi jáa, sáā gi kàfalimi táanri bi taa syɛɛnfeleyi làla í ba foro.

Luki 21:6

«Yáriri naa yele wéle lè, canyaa i maa yee ni kàdɛnɛgaa faala a ba kòro kàa na lè í, pe a yi myɛ cáan.»

Luki 24:26

ŋàʔanaga ban ki da pye Kirisi í wɔʔɔ kánmi bee na si jée wi nìjangbɔɔri ni ì?»

Luki 24:46

níì be pye: «Ki maa sɛ́bɛ kánmi naa na níì jo, Kirisi a ba wɔʔɔ kùu, si nyán bi yiri kúbèle nínge ni candaanri wógi na.

Zyan 14:30

Mii a ní joo ní yele ní kèlē saʔa na í, níì cán dulunyanw fànʔafɔlɔ i yaà ni maa. Wi fanʔa si o nyɛ mii na í.

2 Korɛnti ye 5:21

Wee wi lè wi ga kapeele pye n nyaa í, a Kolocɔlɔɔ baa wolo kapeeli tugo wi na, koro ga pye wolo í Kolocɔlɔɔ sínni taa woro bárigaw ni.

Galasi ye 3:13

Kirisi n baa wolo syɔɔ làlwaw dánga ma, àmɛɛ wi dángaw yaʔa a wi too woro na wolo sìndɛɛgi ni lè, níì cán ki n sɛ́bɛ níì jo: «Syɔɔn o syɔɔn be cɔ̀rɔ lè tiige na, wee bee n dánga.»

1 Pyɛri 2:21

Gee bee kánma na Kolocɔlɔɔ da yele yeri, níì cán Kirisi n wɔ́ɔ̀ wɔʔɔ yele sìndɛɛgi ni jàngó gee bee í pye yele ma fɛ̀ɛ, koro ga pye yele í da táanri wi tùluyi ni.

1 Pyɛri 2:24

Wi tiimaa maa wolo kapeegèle túgoro tugo wiyɛɛ na tiiparigi na, koro ga pye wolo í kùu kapeegèle kàbaan na si pye sìi na sínni kàbaan na. Yele n pɔʔɔ wi kpúmɔnri námiya báriga ni.

1 Pyɛri 3:18

Níì cán Kirisi tiimaa n kùu tɔlɔgɔ nibin pée kapeegèle kéele na, wozinw n baa kùu syɛɛnnaa-sìnzinbèle sìndɛʔɛ ni, koro ga pye bi yele taa tórigo Kolocɔlɔɔ ma. Pe n wi kpóo céri kàbaan na, kàjáa Kolocɔlɔɔ n wi nyán n wéege Pìicǎnni báriga ni.