Danyɛli 9:22 - Cebaara Bible 2010

²² A wi baa mii tama níì joo ní mii ní níì mii pye: «Danyɛli, mii n pan tɔ́ɔliw ni bi ba mɔ tama cánni na.

Danyɛli 9:22 Iomraidhean Croise

Danyɛli 10:11

Koro kàdoʔo ma a wi mii pye: «Danyɛli, mɔ wi lè nànnidaanmaw, ki n yɛlɛ mi syɛ́ɛnri kɔ́rɔ cán, dee mii a joo mɔ ma lè, yìri mi yére tɛ́ɛgee ni mɔ nyɛ lè. Níì cán pe n mii tun mɔ ma tɔ́ɔliw ni.» Lǎli ni wi syɛ́ɛnri bee joo mii ma lè, a mii i cɛ̀lɛ́ níì yìri n yére.

Danyɛli 10:12

A wi mii pye: «Danyɛli, mɔ a kɔ́ ra fɛ̀ɛgí í. Níì cán nlaa cânzeligee na gi jée mɔ fúngi ni lè bi cánna taa, si miyɛɛ jɛ́rɛ mɔ Kolocɔlɔw yɛ́ʔɛ ma lè, mɔ syɛ́ɛnri maa lóʔo, mɔ syɛ́ɛnri kéele si na mii pan.

Danyɛli 10:14

A mii pan wii tɔ́ɔliw ni ba gi tɛ̀ɛn mɔ na, gee gi yɛlɛ ba pye mɔ syɛ́ɛnbèle na cányee ni yi maa lè. Níì cán yanyaagaa ní i nyɛ cányi bee kéele na.»

Danyɛli 10:21

Kàjáa, gee gi sɛ́bɛ kányɛɛgi sɛ́bɛ ni lè, mii i caa bi gi joo tɛ̀ɛn mɔ na. Wàa faala o mii dɛ̀ɛmɛ́ kapɛɛnni kpúmɔnnɔ na ní be ní í, kapye yele kùndigiw Misyɛli ban í.

Danyɛli 7:16

Bele be pye yaà woyérebéle ní lè a mii nùuni poro wàa na n wi yíbe níì jo wi kérigèle bee kányɛʔɛ tɛ̀ɛn mii na. A wi joo ní mii ní níì ge kɔ́rɔw fílige n tɛ̀ɛn mii na.

Danyɛli 8:16

A mii nàɔn yákpolo lóʔo Ulayi níngi ni, a wi yákpoli wáa níì jo: «Gabiriyɛli, yanyaagi kɔ́rɔ tɛ̀ɛn nǎnw naa na.»

Amɔsi 3:7

Kánmi bee na Kàfɔw Yawe o yafyɛn kpéʔele kapye wi ga wi kalarali tɛ̀ɛn wi falipyebèle na í, pe lè kanyaajoobèle.

Zakarii 1:14

Nyɛ̀ʔɛni tunduɔn wi da ni nyuu ní mii ní lè, a woro mii pye: «Yákpoli wáa mi gi joo mí jo: ‹Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: Zyerusalɛmi, ní Siyɔn yéjaagi tɔ̀nɔ́ i nyɛ mii ni.

Zakarii 1:9

A mii jo: «Yìí yi nyɛ yee naa, ni kàfɔlɔ?» Nyɛ̀ʔɛni tunduɔn wi da ni nyuu ní mii ní lè, a woro mii pye: «Mii a gi yaʔa mɔ í gi nyaa, yee yi nyɛ lè.»

Tɛ̀ɛnnɛ 4:1

Kérigèle bee nyaana kadoʔo ma, a mii níì wéle n kɔ̀rigɔ nyaa womúgugo ní nyɛ̀ʔɛni na. Yákpozelili mii da lóʔo lè, a li i nyuu ní mii ní àmɛɛ búru wìimɛ nyɛ lè, a loro mii pye: «Lúgu naa ǹjogi ni mii a ba kérigèle kèle tɛ̀ɛn mɔ na gele ge yɛlɛ ke ba kpéʔele lè gele bee kàdoʔo ma.»