Danyɛli 9:21 - Cebaara Bible 2010

²¹ N mii yaʔa jooli na mii nyɛ́ɛrigi ni, nǎnw bee, Gabiriyɛli mii da nyaa lè mii yanyaazeligi ni, a woro yìri fókaanya na kelekele n pan mii ma cângwɔɔgi nyɔ́ɔ sáriga làriwololo ni.

Danyɛli 9:21 Iomraidhean Croise

1 Fànʔafɔbèle 18:29

Lǎli ni cángi baa kàri lè, a be i kérigèle nyaagi ni nyuu fwɔɔ n baa nan cângwɔɔgi nyɔ́ɔ sáriga làriwololo na. Kàjáa joomɔ wàlá syɛɛnlurugoro ga taa í wàlá a fɛ̀ɛwaa faala yarigaa tɛ̀ɛn í.

1 Fànʔafɔbèle 18:36

A sárigaw làriwololo ga nan, a kanyaajoow Elii sɛ̀ʔɛrɛ yaà níì jo: «Ee Yawe, mɔ wi lè Abirahami, ní Izaaki, ní Isirayɛli Kolocɔlɔw, ki n yɛlɛ pe gi cán níjanʔa bi cán mɔ wi nyɛ Kolocɔlɔɔ Isirayɛli ni, si wɔ́ɔ gi cán bi cán mii i nyɛ mɔ falipyeo, si ní gi cán bi cán mɔ wi jo mii í kérigèle naa myɛ kpéʔele níjanʔa.

Ŋúnuyi 103:20

Yaa Yawe kpɔ̀ʔɔrɔ́, yele bele ye nyɛ lè wi nyɛ̀ʔɛni tundunbéle, yele bele ye nyɛ lè fànnɛʔɛgi sànbalibéle, yele bele ye wi syɛ́ɛnri lúro lè, ní i wi nyɛnɛ kérigèle kpéʔele ni forogi.

Ŋúnuyi 104:4

Mɔ n nyɛ̀ʔɛni tundunbéle kpéʔele káfalaya, níì mɔ falipyebèle kpéʔele naanyìnye.

Ŋúnuyi 141:2

Ki n yɛlɛ mii nyɛ́ɛrigi í da lúru mɔ yɛ́ɛgi ma àmɛɛ nùndaanni yasorigogo nyɛ lè, mii kɔ́yi yìrigele í pye àmɛɛ cângwɔɔgi nyɔ́ɔ sáriga nyɛ lè!

Yirile 29:39

Mɔ a bàpilaa nibin wòlo sáriga nyǐngi nyɔ́ɔ na, si làa nibin wòlo cângwɔɔgi nyɔ́ɔ na.

Ezayi 6:2

Seerafɛɛnbéle maa pye woyérebéle ní wi ǹjogi ni. Fókaanya kɔrɔni kɔrɔni maa pye pe myɛ nibin nibin na. Fókaanya siin-ziin n pye n be yɛ́ɛyi tɔ́n, á yee siin-ziin pye n be tɔ́lɔyi tɔ́n, á yee siin-ziin si pye a be i yìrigí ní yoro ní.

Ezekyɛli 1:11

Yi yɛ́ɛyi ní yi fókaanyi maa wàli yiyɛɛ na ǹjoʔo ma. Yi myɛ nibin nibin fókaanyaa siin-ziin maa sogi sogi yiyɛɛ na, á yàa siin-ziin si yi céri tɔ́n.

Ezekyɛli 1:14

Yaweeyi maa ni syée ní i lúrugu ni maa àmɛɛ nyɛ̀ʔɛzalila nyɛ lè.

Ezekyɛli 14:14

á nǎnbèle naa taanri pye di ni pe lè Nowe, ní Danyɛli, ní Zyɔbi, syɛ́ɛnbèle bee a peyɛɛ sìíw syɔɔ pe sínni báriga ni, Kàfɔw Yawe wi jo nya.

Danyɛli 10:10

Wéle, a kɔlɔ̀ baa tánga mii na n mii kaan a mii i cɛ̀lɛ́ ni forogi mii yégunri, ní mii kadaagèle na.

Danyɛli 10:16

Wàa wéle wee, wi maa syɔɔn ye wíri, a woro baa tánga mii nyɔɔwari na. A mii nyɔ́ɔgi múgu, a mii i nyuu, a mii gi joo wee má wi da pye woyéreo ní mii yɛ́ʔɛ ma lè, níì wi pye: «Ni kàfɔlɔ, yanyaagi n funjurugogbɔɔrɔ wáa mii na, fànʔa ní o nyɛ mii ni í.

Danyɛli 10:18

Lǎli bee ni, wee wi syɔɔn wíri lè, a woro níì tánga mii na n fànʔa le mii ni.

Danyɛli 8:16

A mii nàɔn yákpolo lóʔo Ulayi níngi ni, a wi yákpoli wáa níì jo: «Gabiriyɛli, yanyaagi kɔ́rɔ tɛ̀ɛn nǎnw naa na.»

Danyɛli 8:18

N wi yaʔa jooli na ní mii ní, a mii pǐli yiri mii ni, á mii yɛ́ɛgi kòro wojibelege ní tári na. A wi tánga mii na níì mii yìrige n yérige tɛ́ɛgi ni mii da pye lè.

Matye 27:46

Lǎli bee ni a Zyezu yákpogbɔɔlɔ wáa níì jo: «Eli, Eli, lama sabatani?» Ki kɔ́rɔw wi nyɛ, «Mii Kolocɔlɔɔ, mii Kolocɔlɔɔ, nyàʔá na mɔ mii yaʔa?»

Luki 1:19

A nyɛ̀ʔɛni tunduɔn wi yari: «Mii wi nyɛ Gabiriyɛli, mii i yaà Kolocɔlɔɔ taana. Woro si wi mii tun mɔ ma níì jo mii í ba syɛɛntaanri naa joo mɔ ma.

Luki 1:26

A ki ga pye yeye kɔrɔni wógi na a Kolocɔlɔɔ nyɛ̀ʔɛni tundunwaa tun, wi lè Gabiriyɛli, Galile tári kègaa ma pe i gi yiri Nazarɛti.

Kapyegèle 10:3

Cangaa cangàrigi na a Kɔrɔnɛ Kolocɔlɔɔ tundunwaa sámaga n nyaa yanyaʔa ni, a wi jée woro tɛ́ɛgi ni níì jo: «Kɔrɔnɛ.»

Kapyegèle 10:9

Ki nyǐndaligi na àmɛɛ be pye kólogi na n kɔ́ ni nùuní Zyɔpe na lè, a Pyɛri lúgu bíngi na sa Kolocɔlɔɔ nyɛ́ɛri, cángi si maa kɔ́ ni maa nyùngo ma.

Kapyegèle 12:7

A Kàfɔw tundunwaa pan terire, a gbɛ̀ɛnmɛ fala n pye kàsokpaagi ni. A tundunw baa Pyɛri kpúmɔn wi kótiiri ni n yìrige níì jo: «Yìri kelekele!» A nyɔ̀ʔɔdiriyi wòlo wi kɔ́yi na n too.

Kapyegèle 3:1

Cangaa Pyɛri ní Zyan maa ni syée kpɔ̀ʔɔrɔli kpaʔa ma cangàrigi na, lǎli bee maa pye Zyefubèle làrinyɛɛrilaa Kolocɔlɔɔ ma.

Heburubèle 1:14

Nyɛ̀ʔɛni tundunbéle myɛ o nyɛ pìigēle, gele ge Kolocɔlɔɔ fáliw kpéʔele lè ì? Wi i ge tungu syɔɔli kɔriliibéle dɛɛmɛnɛ kéele na.

Heburubèle 1:7

Dee wi da joo nyɛ̀ʔɛni tundunbéle kéele na lè, toro di nyɛ dee naa: «Wi i wi nyɛ̀ʔɛni tundunbéle kpéʔele káfalaya, ní i wi falipyebèle kpéʔele naanyìnye.»

Tɛ̀ɛnnɛ 9:17

Wéle, gee mii da nyaa lè, ncan mii maa syɔ́ɔnyi nyaa ní yi fànvɔbèle ní. Pe kapɛɛnkpumɔn-búroyi maa nyɛ́nɛgɛ àmɛɛ naà nyɛ lè, ní i wórogi àmɛɛ búula nyɛ lè, ní wɔ́ɔ̀ nyɛ́nɛgɛ àmɛɛ námiige nyɛ lè. Syɔ́ɔnyi nyúnyo si maa càarabēle wóyo wíri. Naà, ní wírige, ní dìrigí si i yirigi yi nyɔ́ɔyi ni.