Danyɛli 9:2 - Cebaara Bible 2010

² wi fǎngi yɛɛzelile na, a mii Danyɛli gi nyaa sɛ́bɛbèle ni a gi jo Zyerusalɛmi a ba kòro gurubɛɛrɛ yɛ̀ʔɛlɛ togoye taanri ní kpɔrigɔ fúngo ni. Yawe maa yɛ́ɛgèle bee nyɔ́ɔ joo kanyaajoow Zyeremii ma.

Danyɛli 9:2 Iomraidhean Croise

2 Cányi kèlē 36:21

Koro ga pye Yawe syɛ́ɛnri í foro, dee di yiri Zyeremii nyɔ́ɔgi ni lè, fwɔɔ bi taa tári í di cândɛnɛyi pye. Lǎlee myɛ ni di pye lè wowaara ní a di ŋɔ́n n daa, fwɔɔ n taa a yɛ̀ʔɛlɛ togoye taanri ní kpɔrigɔ baa foro.

Ɛsidirasi 1:1

Pɛrisi fànʔafɔw Sirusi fǎngi yɛɛzelile na, a Yawe sɔ̀ngurɔ lége Pɛrisi fànʔafɔw Sirusi ni, koro ga pye Yawe syɛ́ɛnri ti da yiri Zyeremii nyɔ́ɔgi ni lè di foro. A Sirusi be pye a be kéeli naa jáari nyɔɔ, ní sɛ́bɛ ni wi fǎngi tɛ́ɛyɛ myɛ ni n gi joo níì jo:

Ŋúnuyi 119:24

Mɔ kajoogèle ge nyɛ mii kínidɛnɛgi kèlē, koro ge mii lálii.

Ezayi 64:10

Kpɔ̀ʔɔrɔli kpaacanga gi pye wolo ma lè, gi pye lè nìjanra wóʔo, gee ni wolo tóolɛɛbèle da ni mɔ sòoló lè, naanyìnge n gi sórigo. Wolo yacanri di pye yaà lè, ti n kálagi.

Zyeremii 1:1

Zyeremii syɛ́ɛnri, wi lè Hilikiyahu jáaw, wi pye lè Anatɔti ye sáriga-wòlowaa, Bɛnzyamɛ tári ni.

Zyeremii 25:18

bi séli Zyerusalɛmi, ní Zyuda kěyi, ní wi fànʔafɔbèle, ní wi syɛɛnkpolobèle na bi gi kpéʔele tɛɛ̀kalagiga, ní funwɔɔrɔ yáriga, ní kataanra yáriga, ní dánga yáriga, àmɛɛ gi nyɛ lè níjanʔa,

Zyeremii 26:18

«Mika wi pye lè Moresyɛti ye wów, wi maa ni kérigèle nyaagi ni nyuu Zyuda fànʔafɔw Ezekyasi lǎli ni, ní i gi nyuu Zyuda syɛ́ɛnbèle myɛ ma, níì jo: ‹Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: Siyɔn a fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.›

Zyeremii 26:6

lǎli bee ni mii a keele tɛ́ʔɛ kpáagi naa na àmɛɛ mii gi pye Silo na lè, si wɔ́ɔ kěgi naa pye dánga yáriga tári syɛɛnfeleye myɛ ma.› »

Zyeremii 27:7

Syɛɛnfeleyi myɛ a ra báara woro, ní wi jáaw, ní wi pìinyanbiigi ma, fwɔɔ bi taa wi tári làla í wɔ́ɔ ba nan, fànnɛʔɛgɛ syɛɛnfelege, ní fànʔafɔ-gbólobéle si wi kɔ́ri waa báara poro ma.

Zyeremii 29:10

Gee si Yawe joo lè, koro gi nyɛ gee naa, wi n jo: ‹Lǎli ni yɛ́ɛgèle togoye taanri ní kpɔrigɔ ga kwɔ́ɔ lè Babilɔni ma, mii a yele kéeli wéle, mii a mii syɛɛncanri foro yele kàbangi na, si yele lúrugo pan tɛ́ɛgi naa ma.

Zyeremii 7:34

Mii a mugurumi, ní fundaanri ŋúnuyo, ní cefɔɔn fɔ́lɔ, ní cefɔnw ŋúnuyo kwɔ́ɔ Zyuda kěyi, ní Zyerusalɛmi kàlari-kóloyi ni. Níì cán tári a pye kataya.»

Kayaagi Nyɛnigɛ 1:1

Hàán! Ki n tɛ́ɛn gee ki nibin, kěgi bee ni syɛɛnnɛʔɛmɛ da pye lè! Ki n baa kàri n pye àmɛɛ lɔgucaa nyɛ lè, koro gee ki da kpɔ́ʔɔ syɛɛnfeleyi nínge ni lè. Ki maa pye fànʔafɔlɔ jáa, wi lè cɔlɔɔ, tátɛɛyi nínge ni. Ki si i nyɛ tɔ́ɔliw ni pɔrɔtɔɔri fáli na.

Ezekyɛli 29:11

Syɔɔn tɔ́lɔgɔ a ní sɔ̀lɔ yaà í, yaweele tɔ́lɔgɔ a ní sɔ̀lɔ yaà í, ti a kòro nya yɛ̀ʔɛlɛ togoye siin, syɔɔn a tɛ́ɛn di ni í.

Danyɛli 9:3

A mii mii yɛ́ɛgi wáa Kàfɔw Kolocɔlɔɔ ma bi nyɛ́ɛrigɛ, ní nyɛ́ɛrigboloyo kpéʔele, si súnw le, si gɔ̀nvaʔaga le burogo, si cɔnʔɔ wo niyɛɛ na.

Misye 3:12

Koro na, yele kéeli na Siyɔn a tɔ̀nɔ́ fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.

Zakarii 1:12

Lǎli bee ni, a Yawe nyɛ̀ʔɛni tunduɔn syɛ́ɛnri láa n gi joo níì jo: «Ee Yawe, mɔ wi lè Nyɛ̀ʔɛni Sùlasiibéle Kafɔlɔ, làla jòorí mɔ a pye nyinimɛ fun Zyerusalɛmi, ní Zyuda kěyi kéele na, yoro yee kurugo mɔ fúngi tanʔa lè gbanʔama nlaa yaà yɛ̀ʔɛlɛ togoye taanri ní kpɔrigɔ fúngo ni?»

Zakarii 7:5

«Ki joo tári syɛ̀ɛnnɛ myɛ, ní sáriga-wòlobèle ma, mí be pye: ‹Lǎli ni yele súnw le lè, níì pye kùu káyaʔa na yeye kagunɔ wógi, ní yeye kɔrɔsiin wógi na, àmɛɛ gi kpéʔele lè ki yɛ̀ʔɛlɛ togoye taanri ní kpɔrigɔ wi wee, kányɛʔɛ na mii kéeli na lé yele súnnɛʔɛw bee le?

Matye 24:15

«Lǎli ni yele ga kɔ́ɔ̀ ‹kálagili kapeekpɔʔɔ› nyaa lè, gee syɛ́ɛnrɛ kanyaajoow Danyɛli da joo lè, a gi yére tɛɛcǎngi ni, (wee wi tɛ́ɛgi naa syɛ́ɛnrɛ wéle ni nyuu lè, ki n yɛlɛ wi di kɔ́rɔw cán)

Mariki 13:14

«Lǎli ni yele ga baa ‹kálagili kapeekpɔʔɔ› nyaa a gi yére tɛ́ɛgee ni ki ga yɛlɛ bi yére lè í, (wee wi tɛ́ɛgi naa syɛ́ɛnrɛ wéle ni nyuu lè, wee bee n yɛlɛ wi di kɔ́rɔw cán) lǎli bee ni, bele be nyɛ lè Zyude tári ni, ki n yɛlɛ be fàn be kári nyanbeleyi ma.

Kapyegèle 8:34

A nìgbɛɛnnanw Filipi pye: «Mii i mɔ nyɛ́ɛri mi kanyaajoow syɛ́ɛnrɛ kɔ́rɔ tɛ̀ɛn mii na, wìí kéele na wi syɛ́ɛnri naa joo, woro tiimaa kéeli na láà ba fwɔɔ wàa nikwɔɔ wólo?»

1 Timɔte 4:13

Mi kòro Kolocɔlɔɔ syɛ́ɛnri wélejoolo na, ní syɛ́ɛnbèle kɛɛlɛlɛ, ní be tamani na, sáni mii í nan yaà lè.

Tɛ̀ɛnnɛ 1:3

Wee wi kanyaajoori naa syɛ́ɛnrɛ wéle ni nyuu lè, ní bele be di lúro lè ní i di kpéʔele, bele bee i nyɛ dùba pìibēle! Níì cán ti làrivoroli n nùuni.