Danyɛli 9:19 - Cebaara Bible 2010

¹⁹ Ee Kàfɔw, ki n yɛlɛ mi lóʔo! Kàfɔw, kùsulugi syɔɔ! Ee Kàfɔw, ki n yɛlɛ mi lóʔo, mí kérigèle bee cɔɔnri! Ki pye miyɛɛ kéeli na, ee mii Kolocɔlɔw, mɔ a kɔ́ mɔn í! Níì cán mɔ mɛ́ɛgi gi yiri mɔ kegi, ní mɔ syɛ́ɛnbèle na.»

Danyɛli 9:19 Iomraidhean Croise

2 Cányi kèlē 6:21

Mɔ falipyew, ní mɔ syɛ́ɛnbèle Isirayɛli ye nyɛ́ɛrigboloyi lóʔo lǎli ni pe ga ni nyɛ́ɛri lè tɛ́ɛgi naa ni! Lóʔo be ma bi mɔ yaʔa yaà wodɛ́ɛɔn ní nyɛ̀ʔɛni na mɔ tɛɛkòrogi ni, lóʔo be ma mí be kùsulugi syɔɔ.

2 Cányi kèlē 6:39

bi mɔ yaʔa nyɛ̀ʔɛni na mɔ tɛɛ̀tɛ́ɛnni ni, ki n yɛlɛ mi be nyɛ́ɛrigi, ní be nyɛ́ɛrigbɔɔgi lóʔo, mí be táangi joo. Mɔ syɛ́ɛnbèle kùsulugo syɔɔ, poro bele be kapeele pye mɔ na lè.

Ezayi 43:7

poro bele myɛ be yeri mii mɛ́ɛgi na lè, poro bele mii faan mii nìjangbɔɔri kéele na lè, poro bele mii sámaga lè, poro bele mii kpéʔele lè.»

Zyeremii 14:7

Alí wolo kolomi kèlē ga ni wolo kologi, ee Yawe, ki kpéʔele mɔ mɛ́ɛgi kéele na! Níì cán wolo céemi kapyere n nɛʔɛ, wolo n kapeele pye mɔ na.

Zyeremii 14:9

Nyàʔá na mɔ yɛlɛ bi pye, móō syɔɔnwaa wii, wee fúngo gi wɔ́ɔ lè, móō kapɛɛnkpumɔn-nànnirio wii, wee wi lè wi a gbǎn wàa syɔɔ í? Bi gi taa mɔ i nyɛ wolo níngi ni, ee Yawe, mɔ mɛ́ɛgi si i yiri wolo na, mɔ a kɔ́ wolo yaʔa í!

Zyeremii 25:29

Níì cán wéle, kěgee na mii mɛ́ɛgi nyɛ lè, koro na mii kálagili séli. A yele, yele si ba kòro lé wɔʔɔgi sìndaa ni? Eʔe. Níì cán mii i ŋɔséew yiri ni wáa tári syɛ̀ɛnnɛ myɛ na,› Yawe wi lè Nyɛ̀ʔɛni Sùlasiibéle Kafɔlɔ woro wi jo nya.

Ezekyɛli 20:14

Koro ní ki myɛ ní mii n gi pye mii mɛ́ɛgi kéele na jàngó ki a kɔ́ pye yafaʔaga syɛɛnfeleyi nyɛ́nɛ na, yoro yee nyɛ́nɛ na mii da be yirige Ezyipiti ni lè í.

Ezekyɛli 20:22

Koro ní ki myɛ ní a mii mii kɔ́gi tìrige níì gi pye mii mɛ́ɛgi kéele na jàngó ki a kɔ́ pye yafaʔaga syɛɛnfeleyi nyɛ́nɛ na, yoro yee nyɛ́nɛ na mii da be yirige Ezyipiti ni lè í.

Ezekyɛli 20:9

Koro ní ki myɛ ní mii n gi pye mii mɛ́ɛgi kéele na jàngó ki a kɔ́ pye yafaʔaga syɛɛnfeleyi nyɛ́nɛ na, yee nínge ni pe da pye lè í, yoro yee nyɛ́nɛ na mii da niyɛɛ dɛ̀ɛn be na jàngó bi be yirige Ezyipiti tári ni lè í.

Ezekyɛli 36:22

Awá, ki joo Isirayɛli kpáagi wòolo ma mí be pye: ‹Kàfɔw Yawe wi syɛ́ɛnri naa joo níì jo: Yele kéeli na ban mii gee bee pye í, Isirayɛli kpáagi wòolo, mii mɛ́ɛcǎngi kéele na wii, koro gee yele nɔ́nʔɔ lè syɛɛnfeleyi nínge ni, yee má yele kári lè.

Ezekyɛli 39:25

Awá, Kàfɔw Yawe wi syɛ́ɛnri naa joo níì jo: Tɔ́ɔliw ni, Zyakɔbi wóbèle be cò n kári lè, mii a be lúrugo pan, mii a nyinimɛ taa Isirayɛli kpáagi wòolo myɛ na, mii mɛ́ɛcǎngi yéjaʔa si pye mii ni.

Danyɛli 9:18

Mii Kolocɔlɔw, líiyi cáan mi lóʔo! Nyapiigèle múgu mi wolo gurubɛɛri wéle, kěgee na mɔ mɛ́ɛgi yeri lè! Wolo o wolo nyɛ́ɛrigboloyi nyɛ́ɛri mɔ ma wolo sínnɛ kapyegèlē kéele na í, mɔ nyinigbɔɔmi kéele na wii.

Amɔsi 7:2

Amɛɛ si wi tári nyàā myɛ lìi n kwɔ́ɔ lè, a mii jo: «Kàfɔw Yawe, mii i mɔ nyɛ́ɛri, wo kùsulugi syɔɔ. Kanmìí na Zyakɔbi a ní fànʔa taa bi sɛ́ɛ? Níì cán wi n cɛ́rɛ n sɔ̀lɔ.»

Córolo 14:19

Mii i mɔ nyɛ́ɛri, mi syɛ́ɛnbèle naa kùsulugo syɔɔ bi yɛlɛ ní gi ní àmɛɛ mɔ fúngi tɔ̀nɔ n nyɔɔ lè gbanʔama àmɛɛ mɔ tée i syɛ́ɛnbèle naa kùsulugo syoo lè, nlaa yaà Ezyipiti ma fwɔɔ n baa nan nɛɛ naa.»

Córolo 6:27

Kánmi bee na pe a mii mɛ́ɛgi taʔa Isirayɛli ye na, mii si dùbaw taʔa be na.»

Luki 11:8

mii a gi joo yele ma, àlí ki ga pye wi a yìri bi wi kaan wi ma tàannyɛnnɛgi kéele na í, wi a yìri bi wi màkonyɔɔri búrubéle myɛ kaan wi ma àmɛɛ wi kɔ́ɔ̀ woro nyɛ́ɛri n mɔn lè.

Kapyegèle 15:17

Koro ga pye wozanbèle í da Kàfɔw caa, n fàra syɛɛnfeleyi myɛ na yee mii yeri lè yi pye mii wóyi,› gee bee Kàfɔw joo, woro wee wi kérigèle bee kpéʔele lè,

Efɛzi ye 1:12

koro ga pye wolo í pye wi nìjangbɔɔri kpɔ̀ʔɔrɔlɔ kánma na, wolo bele wo sélì wo sɔ̀ngumi taʔa lè Kirisi na.

Efɛzi ye 1:6

jàngó wolo í da woro kpɔ̀ʔɔrɔ́ wi kpɔ́ʔɔri nìjangbɔɔrɔ kéele na, dee wi kaan wolo ma lè wi Syɛɛn-nidaanmaw ni, wi lè Kirisi.

Efɛzi ye 3:10

koro ga pye woro í ba wi síciligbɔɔmi tɛ̀ɛn tɔ́ɔliw ni nyɛ̀ʔɛni fànʔafɔɔlɔ, ní nyɛ̀ʔɛni séekpɔɔɔ fɔɔlɔ na Egiliziw báriga ni,