Danyɛli 9:18 - Cebaara Bible 2010

¹⁸ Mii Kolocɔlɔw, líiyi cáan mi lóʔo! Nyapiigèle múgu mi wolo gurubɛɛri wéle, kěgee na mɔ mɛ́ɛgi yeri lè! Wolo o wolo nyɛ́ɛrigboloyi nyɛ́ɛri mɔ ma wolo sínnɛ kapyegèlē kéele na í, mɔ nyinigbɔɔmi kéele na wii.

Danyɛli 9:18 Iomraidhean Croise

1 Fànʔafɔbèle 8:29

Ki n yɛlɛ mɔ nyapiigèle í kòro womúgugéle ní bàā kpáagi naa wéle canʔa ní yébilige àmɛɛ mɔ da gi joo lè níì jo: ‹Mii mɛ́ɛgi a pye nɛɛ naa.› Mii nyɛ́ɛrigi lóʔo, gee mii nyɛ́ɛri mɔ ma lè tɛ́ɛgi naa ni.

2 Fànʔafɔbèle 19:16

Yawe, líiyi cáan mi lóʔo! Yawe, nyapiigèle múgu mi gi wéle! Senakeribi syɛ́ɛnri lóʔo, woro wee wi tun a be baa mɔ Kolocɔlɔɔ woweew tɛʔɛlɛ lè.

Ŋúnuyi 116:1

Yawe kéeli n mii dɛ́nɛ, níì cán wi i mii yákpoli ní mii nyɛ́ɛrigboloyi lúro.

Ŋúnuyi 25:6

Ee Yawe, sɔ̀ngi mi taa mɔ nyinidaari ní mɔ kpɔ́ʔɔri na, níì cán ti n téè pye yaà làla o làla.

Yirile 3:7

A Yawe jo: «Mii syɛ́ɛnbèle bele be nyɛ lè Ezyipiti ni, fɔ̀rɔgee gi nyɛ be na lè, mii n gee bee nyaa, ní àmɛɛ be sùpiigèle wáa be wɔʔɔfɔbèle kɔ́yɔ ni lè, mii n gee bee lóʔo. Níì cán mii n tɔ̀nɔ n be wɔʔɔyi kèlē cán.

Ezayi 37:17

Yawe, líiyi cáan mi lóʔo! Yawe, nyapiigèle múgu mi gi wéle! Syɛ́ɛnri myɛ lóʔo, dee Senakeribi tun a pe baa mɔ Kolocɔlɔɔ Woweew tɛʔɛlɛ lè.

Ezayi 43:7

poro bele myɛ be yeri mii mɛ́ɛgi na lè, poro bele mii faan mii nìjangbɔɔri kéele na lè, poro bele mii sámaga lè, poro bele mii kpéʔele lè.»

Ezayi 64:6

Syɔɔn faala o yaà, wee wi mɔ mɛ́ɛgi yiri lè í, wàlá wee wi yìri ŋúnɔmi na bi wiyɛɛ daʔa mɔ na lè í, níì cán mɔ n mɔ yɛ́ɛgi làriga wolo na, mɔ n wolo le wolo kolomi kèlē fanʔa kɔ́yɔ ni.

Zyeremii 14:7

Alí wolo kolomi kèlē ga ni wolo kologi, ee Yawe, ki kpéʔele mɔ mɛ́ɛgi kéele na! Níì cán wolo céemi kapyere n nɛʔɛ, wolo n kapeele pye mɔ na.

Zyeremii 14:9

Nyàʔá na mɔ yɛlɛ bi pye, móō syɔɔnwaa wii, wee fúngo gi wɔ́ɔ lè, móō kapɛɛnkpumɔn-nànnirio wii, wee wi lè wi a gbǎn wàa syɔɔ í? Bi gi taa mɔ i nyɛ wolo níngi ni, ee Yawe, mɔ mɛ́ɛgi si i yiri wolo na, mɔ a kɔ́ wolo yaʔa í!

Zyeremii 15:16

Lǎli ni mɔ syɛ́ɛnri da ni nangi mii na lè, a mii i di líi. Mɔ syɛ́ɛnri n pye mii yanidaanmaga ní mii fúngi fundaanra yáriga. Níì cán mɔ mɛ́ɛgi gi yiri mii na, Yawe, Kolocɔlɔɔ wi lè Nyɛ̀ʔɛni Sùlasiibéle Kafɔlɔ!

Zyeremii 25:29

Níì cán wéle, kěgee na mii mɛ́ɛgi nyɛ lè, koro na mii kálagili séli. A yele, yele si ba kòro lé wɔʔɔgi sìndaa ni? Eʔe. Níì cán mii i ŋɔséew yiri ni wáa tári syɛ̀ɛnnɛ myɛ na,› Yawe wi lè Nyɛ̀ʔɛni Sùlasiibéle Kafɔlɔ woro wi jo nya.

Zyeremii 36:7

Dɔ̀ʔɔ́ pe nyɛ́ɛrigbɔɔgi a nan Yawe na, pe myɛ nibin nibin si be kobeeyi yaʔa si lúru pan. Níì cán Yawe fundanʔari ní wi fúngi yìrile kéele li joo syɛ́ɛnbèle naa kánma na lè, ti n kpɔ́ʔɔ.»

Zyeremii 37:20

Tɔ́ɔliw ni, ni kàfɔlɔ mɔ wi lè fànʔafɔw, mii i mɔ nyɛ́ɛri, ki n yɛlɛ mi lóʔo, ki n yɛlɛ mii nyɛ́ɛrigbɔɔgi í jée mɔ ni! Mɔ a ní kɔ́ mii lúrugo tórigo Zyonatan kpaʔa ma í, wi lè sɛ́bɛkanw, jàngó mii a kɔ́ kùu yaà í!»

Ezekyɛli 36:22

Awá, ki joo Isirayɛli kpáagi wòolo ma mí be pye: ‹Kàfɔw Yawe wi syɛ́ɛnri naa joo níì jo: Yele kéeli na ban mii gee bee pye í, Isirayɛli kpáagi wòolo, mii mɛ́ɛcǎngi kéele na wii, koro gee yele nɔ́nʔɔ lè syɛɛnfeleyi nínge ni, yee má yele kári lè.

Ezekyɛli 36:32

Yele kéeli na ban mii gi kpéʔele í, Kàfɔw Yawe wi jo nya, ki n yɛlɛ ye gee bee cán! Ki n yɛlɛ fɛ̀ɛrɛ í yele taa, yé curugo yele tánʔaganmi kéele na, yele Isirayɛli kpáagi wòolo.› »

Danyɛli 9:7

Ee Kàfɔw, mɔ wi nyɛ sínni fɔ́lɔ, wolo wóri si i nyɛ fɛ̀ɛ́ri, àmɛɛ gi nyɛ lè níjanʔa Zyuda syɛ́ɛnbèle, ní Zyerusalɛmi ye, ní Isirayɛli ye myɛ na, poro bele be nùuni lè, ní bele tɛ́ʔɛ gi léeli lè tátɛɛyi myɛ ni, beè mɔ be nɛnɛ n tórigo lè pe sìnzinmi kapyere kéele na, dee be tɛ́ʔɛ n peyɛɛ kolo mɔ ma lè.

Córolo 6:27

Kánmi bee na pe a mii mɛ́ɛgi taʔa Isirayɛli ye na, mii si dùbaw taʔa be na.»

1 Korɛnti ye 1:2

wolo a sɛ́bɛw naa tórigo yele ma ye nyɛ lè Kolocɔlɔɔ Egiliziw Korɛnti ni, yele bele Kolocɔlɔɔ nyɛ́nɛ n wòlo lè jàngó yele í pye wi syɛɛncanbéle Kirisi Zyezu ni n fàra bele na be nyɛ lè tɛ́ɛyi myɛ ni ni nyɛ́ɛri Kolocɔlɔɔ ma Zyezu Kirisi mɛ́ɛgi na, wi lè wolo ní poro myɛ Kàfɔw.