Danyɛli 9:16 - Cebaara Bible 2010

¹⁶ Ee Kàfɔw, bi yɛlɛ ní mɔ sínni kapyegèlē ní, ki n yɛlɛ mi mɔ fundanʔari, ní mɔ fundanʔagbɔɔri láʔa nya Zyerusalɛmi na, ki lè mɔ kegi ní mɔ nyanbejǎngi. Níì cán Zyerusalɛmi, ní mɔ syɛɛnfelegi n pye yafaʔala syɛ́ɛnbèle myɛ ma pe wolo màʔa lè, wolo kapeegèle ní wolo tóolɛɛbèle kolomɔ kele kéele na.

Danyɛli 9:16 Iomraidhean Croise

Nehemii 9:8

Amɛɛ mɔ gi nyaa a wi fúngi fílige mɔ yɛ́ʔɛ ma lè, a mɔ joogaanni kpéʔele ní wi ní bi Kanaan tári, ní Hɛti ye, ní Amɔri ye, ní Perezi ye, ní Yebusi ye, ní Giirigasi ye tári kaan wi yòdaʔayi ma. Mɔ n wɔ́ɔ̀ mɔ syɛ́ɛnri foro, níì cán mɔ n sín.

Ŋúnuyi 143:1

Davidi ŋúnugi. Yawe, ki n yɛlɛ mi mii nyɛ́ɛrigi lóʔo, mɔ líiyi cáan mi mii nyɛ́ɛrigboloyi lóʔo! Lóʔo mii ma mɔ kányɛɛgi, ní mɔ sínni báriga ni.

Ŋúnuyi 31:1

Ŋúnuŋùúbèle kùndigi wóʔo. Davidi ŋúnugi.

Ŋúnuyi 41:13

Mɔ si n tɔ̀nɔ n mii tɔʔɔ n yérige mii sínvoroli ni, mɔ n mii tɛ́ʔɛ mii í kòro mɔ yɛ́ʔɛ ma làla o làla.

Ŋúnuyi 71:2

Mii syɔɔ be ma mɔ sínni báriga ni, mii yirige be kɔ́yi ni! Mɔ líiyi cáan mii kàbangi na, mí mii syɔɔ!

Ŋúnuyi 79:4

Wolo n baa pye yafaʔagéle wolo tɛ́ɛnnyɛnbèle ma, bele be wolo màʔa lè, pe i wolo tɛ́ʔɛ ní i wolo kpàná.

Ŋúnuyi 85:4

Mɔ n mɔ fundanʔagbɔɔri myɛ yaʔa, àmɛɛ mɔ fúngi da yìri lè gbanʔama, mɔ n lúru n koro myɛw yaʔa.

Ŋúnuyi 89:51

Kàfɔw, ki n yɛlɛ mi sɔ̀ngi mi taa mɔ falipyew faʔara kéele na, syɛɛnfele-nɛʔɛyi myɛ i mii faari.

Yirile 20:5

Mɔ a kɔ́ ra kpùmɔnɔ́ yatangi bee kàa taana í, wàlá bàā gi fáliw kpéʔele í. Níì cán mii wi lè Yawe mɔ Kolocɔlɔw, mii i nyɛ yejaʔa Kolocɔlɔɔ. Mii i tofɔbèle kolomɔ gɔlɔ́ wóo pe ní be yòdaʔayi na bi taa sa nan yìrigēle taanri ní sicɛrɛ wóli na, poro bele mii kéeli bɛɛn lè.

Ezayi 5:25

Koro na Yawe fundanʔari cò naà wi syɛ́ɛnbèle kánma na, a wi kɔ́gi sánʔa be kánmi na n be kpúmɔn. Nyanbeleyi i cɛ̀lɛ́, kúbèle si i nyɛ àmɛɛ kànyaʔara nyɛ lè kàlari-kóloyi ni. Koro ní gi myɛ ní, wi fundanʔari ga láʔa í, wi kɔ́gi sèʔé i nyɛ wozánʔaga ní.

Zyeremii 24:9

Mii a be kàriga fyáara, ní wɔʔɔgɔ yáriga tári fànya myɛ ma, bi be pye faʔara, ní nɛ̀ɛnyɛnɛgɛ, ní kataanra, ní dánga yáriga tɛ́ɛyi myɛ ni, beè mii a be nɛnɛ bi tórigo lè.

Zyeremii 29:18

Mii a be kɔ́ri láa ní ŋɔséew, ní kateekpɔɔgi, ní káfalagi yáama ní, mii a be pye fyáakpɔɔrɔ yáriga tári fànya myɛ ma, ní dánga yáriga, ní funwɔɔrɔ yáriga, ní kataanra yáriga, ní yanɔnʔɔgɔ syɛɛnfeleyi myɛ nínge ni, beè mii a be nɛnɛ tórigo lè,

Zyeremii 32:31

Kěgi naa tɔ̀nɔ́ i nyɛ mii ma fundanʔara ní fundanʔagbɔɔrɔ sábabu nlaa yaà ki canvaangi na fwɔɔ n baa nan níjanʔa na, n baa nan mii í gi yirige yaà niyɛɛ yɛ́ʔɛ ma,

Zyeremii 32:32

kapeeyi myɛ kéele na, yee Isirayɛli pìíbèle ní Zyuda pìíbèle kpéʔele bi mii fúngi tanʔa lè, poro, ní be fànʔafɔbèle, ní be syɛɛnkpolobèle, ní be sáriga-wòlobèle, ní be kanyaajoobèle, ní Zyuda nǎnbèle, ní Zyerusalɛmi ye.

Ezekyɛli 22:4

Sìsyaanw mɔ wo lè, mɔ n kolomɔ taʔa miyɛɛ na wi bárigaw ni, yasunyi mɔ sámaga lè, mɔ n miyɛɛ nɔ́nʔɔ yi bárigaw ni. Mɔ n kàa yirige mɔ cányi ni kánmi bee na, mɔ n nan mɔ yɛ́ɛgèle kwɔ́ɔmɔ na. Koro na mii mɔ kpéʔele faʔara yáriga syɛɛnfeleyi yɛ́ʔɛ ma, ní tátɛɛyi myɛ nɛ̀ɛnyɛnɛgɛ yáriga.

Ezekyɛli 5:14

Mii a mɔ kpéʔele gurubɛɛrɛ, ní tɛɛfaʔaga tári syɛɛnfeleye nínge ni, yee yi mɔ màʔa lè, ní kozɔ̀lɔbèle myɛ nyɛ́nɛ na.

Danyɛli 11:45

Wi a wi fànʔafɔ-gbaagi fànikpaaya kóri sólomi lòyo nínge ni, nìjanri nyanbejànga kàbaan na. Koro kàdoʔo ma wi a nan wi kwɔ́ɔmi na, syɔɔn faala a wi dɛ̀ɛmɛ í.

Danyɛli 9:20

Mii maa sèʔê pye jooli na, mii maa ni nyɛ́ɛri, mii maa ni mii kapeeli nyuu ni tèé, ní mii syɛ́ɛnbèle Isirayɛli ye kapeeli, ní i mii nyɛ́ɛrigboloyi nyɛ́ɛri Yawe mii Kolocɔlɔw ma, mii Kolocɔlɔw nyanbejànga kéele na.

Zakarii 8:3

Yawe n syɛ́ɛnri naa joo níì jo: «Mii a lúru pan Siyɔn ma, mii a ba tɛ́ɛn Zyerusalɛmi níngi ni. Zyerusalɛmi a ba ra yiri kányɛɛgi kàʔa, Nyɛ̀ʔɛni Sùlasiibéle Kafɔlɔ Yawe nyanbelegi a ba ra yiri nyanbelegi gi yaʔa Kolocɔlɔɔ ma lè.»

2 Tesaloniki ye 1:6

Níì cán ki n sín Kolocɔlɔɔ yɛ́ʔɛ ma bi wɔ́ɔ ba yele wɔʔɔli sìndɛʔɛ lúrugo yele wɔʔɔfɔbèle ma,

1 Zyan 1:9

Wolo si ga ni yèré wolo kapeegèle ni, wi a ra ge kùsulugi syoo wolo ma sáā wolo jé da mùú bàā wolo sìnzinmi myɛ láari wolo na, wi i nyɛ tágala syɔ́ɔn níì sín.

1 Samyɛli 2:7

Yawe i fɔ̌ngi cáan ní wɔ́ɔ i lɔ́ri kaangi. Wi i syɔɔn tìrigí táàma, ní wɔ́ɔ i syɔɔn yìrigí ǹjoʔo ma.