Danyɛli 9:12 - Cebaara Bible 2010

¹² Syɛ́ɛnree wi da joo lè wolo, ní wolo kùndigibèle kánma na, poro bele be pye wolo nyúngi na lè, wi n di foro àmɛɛ wi wɔʔɔgbɔɔgi yaʔa a gi baa too wolo na, gee gi lè gi felege ga kɔ́ɔ̀ pye nyɛ̀ʔɛni láara woboo ni í n yɛlɛ ní gee ní gi kpéʔele Zyerusalɛmi na lè í.

Danyɛli 9:12 Iomraidhean Croise

1 Fànʔafɔbèle 3:9

Koro na sícilimɛ fúngo kaan mɔ falipyew ma wi gbǎn ra mɔ syɛ́ɛnbèle kèlē cɔɔnri, wí kacǎngèle ní kapeegèle cán bi wàli keyɛɛ na. Níì cán wìí syɔ́ɔn wi a gbǎn ra mɔ syɛ́ɛnbèle naa kèlē cɔɔnri, poro bele be nɛʔɛ lè kánmi naa na?»

2 Fànʔafɔbèle 22:16

Yawe n jo: Mii a wɔʔɔlɔ cáan tɛ́ɛgi naa, ní gi syɛ́ɛnbèle na, bi yɛlɛ ní sɛ́bɛw syɛ́ɛnrɛ myɛ ní, dee Zyuda fànʔafɔw wéle lè.

Zyɔbi 12:17

Wi i yarifɔbèle kɔ́ri ni tórogi púlori na. Wi i kútiijoobèle yákirii nyáʔami.

Ŋúnuyi 148:11

tári fànʔafɔɔlɔ, ní syɛɛnfeleyi myɛ, fànʔafɔbiigèle, ní tári kútiijoobéle myɛ,

Ŋúnuyi 2:10

Tɔ́ɔliw ni, yele fànʔafɔbèle, ki n yɛlɛ ye cìlige! Tári kútiijoobéle, ki n yɛlɛ ye tamani cò!

Kàseegèle 8:16

Mii bárigaw ni kùndigibèle fǎngi kpéʔele, ní mɛ́ɛkpoloyi fɔ̀ɔlɔ, ní tári kútiijoobéle myɛw.

Ezayi 43:28

Koro na mii tɛɛcǎngi kùndigibéle pye yanɔnʔɔyɔ, mii n Zyakɔbi kaan kálagili ma, n Isirayɛli kaan faʔari ma.

Ezayi 44:26

Mii i fànʔa kaangi mii falipyew syɛ́ɛnrɛ ma, ní wɔ́ɔ i syɛ́ɛnri forogi, dee mii tundunbèle da ni nyuu ni tèé lè. Mii i gi nyuu Zyerusalɛmi kéeli na níì jo: ‹Syɛ́ɛnbèle a ní tɛ́ɛn gi ni,› ni gi nyuu Zyuda yòdaʔayi kèye kéele na níì jo: ‹Yi a ní faan. Mii a ní yi gurubɛɛri yìrige.›

Zyeremii 30:7

Wɔʔɔlɔ! Níì cán cángi bee tɔ̀nɔ́ i nyɛ cângbɔʔɔ! Ki felege ga kɔ́ɔ̀ pye í. Fɔ̀rɔgɔ làla lii Zyakɔbi ma, kàjáa wi a yiri gi ni wozyɔɔɔ ní.

Zyeremii 32:23

Pe n pan, pe n baa di fáligi taa, kàjáa pe ga mɔ jóomi lóʔo í, pe ga tánʔa n yɛlɛ ní mɔ lalwaw ní í. Gee myɛ mɔ da joo n gbàn be ma níì jo paa gi kpéʔele lè, pe ga gi kpéʔele í. Lǎli bee ni a mɔ wɔʔɔyi bee myɛ cáan be na!

Zyeremii 39:16

«Da syée mi sa gi joo Ebɛdi-Melɛki ma, wi lè Etyopii ye wów mí wi pye: ‹Yawe wi lè Nyɛ̀ʔɛni Sùlasiibéle Kafɔlɔ, wi lè Isirayɛli Kolocɔlɔw, woro wi syɛ́ɛnri naa joo níì jo: Wéle, gee mii joo kěgi naa kéele na lè kapeʔe gii, kacànga ban í, mii a gi cáan kěgi naa na, ki a pye mɔ nyɛ́nɛ na cángi bee na.

Zyeremii 44:23

Níì cán yele n nùndaanni yáriga sórigo níì kapeele pye Yawe na àmɛɛ gi nyɛ lè yele ga Yawe jóomi lóʔo í, yele ga tánʔa n yɛlɛ ní wi làlwaw, ní wi làlwaw kèlē, ní wi kajoogèle ní í. Koro na wɔʔɔgi naa nan yele na, àmɛɛ gi nyɛ lè níjanʔa.»

Kayaagi Nyɛnigɛ 1:12

Yele bele myɛ ye sɔ̀lɔ́ kólogi ni lè ki felege ga kɔ́ɔ̀ kpéʔele yele na í. Ye wéle, ye gi nyaa, kapye mii wɔ́ʔɔgi félege i beè, koro gee gi taʔa mii na lè, gee Yawe taʔa mii na lè wi fundanʔari káfugbanga canʔa na.

Kayaagi Nyɛnigɛ 2:13

Gìí mii a ní joo mɔ ma? Wìí ní mii a mɔ tímana calipili Zyerusalɛmi, ní kpɛʔɛlɛganmìí mii a pye mɔ ma, nàngeele sinján pìcaa calipili Siyɔn? Níì cán mɔ kálagili n kpɔ́ʔɔ àmɛɛ sólomi lɔ̀ʔɔ nyɛ lè, wìí wi a gbǎn mɔ pɔʔɔ?

Kayaagi Nyɛnigɛ 2:17

Yawe n gi kpéʔele n foro, gee wi da kɔ̀rirɔ n tímana lè, wi n syɛ́ɛnri foro, dee wi da joo n gbàn lè nlaa yaà booma larigèle ni, wi n kálagili kpéʔele nyinimɛ fun, wi n mɔ pye nigoow fundaanra, wi n mɔ kasiitun-nyɛ́nbèle fànʔa kpɔ́ʔɔ.

Kayaagi Nyɛnigɛ 4:6

Mii syɛ́ɛnbèle cálipile kolomɔ n kpɔ́ʔɔ n sɔ̀lɔ Sodɔmi kapeeli na, woro wee wi da too lè làla nibin ni, syɔɔn faala kɔ́lɔ sìndaʔa ni wi na.

Ezekyɛli 13:6

Pe yanyaayi i nyɛ gbanzan, pe kanyaajoori i nyɛ jànvaa. Pe i gi nyuu níì jo: ‹Yawe n jo!› Bi gi taa Yawe ga be tun í. Pe n syɛ́ɛnbèle kaan a pe be sɔ̀ngumi taʔa poro syɛ́ɛnri na n jo ti a foro.

Ezekyɛli 5:9

Mii si a gi kpéʔele mɔ na, mɔ yanɔnʔɔyi myɛ kéele na, gee gi lè mii da kɔ́ɔ̀ gi kpéʔele í, mii si a ní wɔ́ɔ gi felege kpéʔele í.

Danyɛli 12:1

«Lǎli bee ni Misyɛli a yìri, wi lè kùndigikpɔɔw bee, woro wee wi yére ni mɔ syɛ́ɛnbèle pìibēle dɛ̀ɛmɛ́ lè. Wɔʔɔgbɔʔɔ lala li a pye, gee gi lè ki felege da kɔ́ɔ̀ pye í nlaa syɛɛnfeleyi nyɛ beè lè fwɔɔ n taa n baa nan lǎli bee na. Lǎli bee ni mɔ syɛ́ɛnbèle bele mɛ́ɛyɛ yi a pye lè wozɛbɛyɛ ní sɛ́bɛw ni, poro a syɔɔ.

Zyowɛli 2:2

Yébilige, ní yébiliwɔɔlɔ canʔa gii, fàfaanya ní nìgolowirige canʔa gii, ki i maa àmɛɛ nyǐnjerige nyɛ lè nyanbeleyi na. Syɛɛnfelegaa wéle, gee gi nɛʔɛ lè á gi fǎngi wɔ́ɔ̀ kpɔ́ʔɔ, gee gi lè ki felege da kɔ́ɔ̀ pye beè í, ki felege si a ní wɔ́ɔ pye nyáana yìrigèle gele ni ge maa lè í.

Amɔsi 3:2

«Yele yagana mii nyɛ́nɛ n wòlo tári narigbaaya myɛ ni. Koro na mii a ba yele yíbe yele kérigèle na ke lè yele kolomi kèlē myɛ.»

Zakarii 1:6

Syɛɛnjóori, ní làlwaw kèlē si mii da joo mii falipyebèle ma, pe lè kanyaajoobèle, gele bee ga nan yele tóolɛɛbèle na ì? Pe n lúru n pan níì gi joo níì jo: Yawe wi lè Nyɛ̀ʔɛni Sùlasiibéle Kafɔlɔ, wi n wolo cò n yɛlɛ ní gi ní àmɛɛ wi da gi kɔ̀rirɔ n tímana bi kpéʔele wolo na lè n yɛlɛ ní wolo tánʔaganmi, ní wolo nàʔami ní.› »

Zakarii 1:8

Mii n yanyaʔa nyaa yébiligi ni, koro gi nyɛ gee naa: Mii maa nànwaa nyaa a wi lúgu syɔɔnnyɛnʔɛ na, ní i nyɛ woyéreo ní miiriti tíiri nínge ni, jǐnweʔe ni. Syɔɔnnyɛɛnyɛ, ní wogbɔ́nɔ-kpɔnɔyɔ, ní woviiye maa pye wi kàdoʔo ma.

Zakarii 7:12

Pe n be zɔ̌nbèle nìri àmɛɛ jaman nyɛ lè, koro ga pye poro a kɔ́ ra làlwaw syɛ́ɛnrɛ lúro í, ní syɛ́ɛnri Nyɛ̀ʔɛni Sùlasiibéle Kafɔlɔ Yawe tórigo naa poro ma wi Pǐli báriga ni lè, dee wi kaan wi kanyaajoo-sélibèle ma a be joo lè. A koro pye sábabu á Nyɛ̀ʔɛni Sùlasiibéle Kafɔlɔ Yawe fúngi tanʔa gbanʔama.

Matye 24:21

Níì cán wɔʔɔgbɔʔɔ a ba pye lǎli bee ni, gee félege gi lè ki ga kɔ́ɔ̀ kpéʔele í nlaa yaà dulunyanw sélimɛ na n baa nan níjanʔa na, ki félegi si a ní wɔ́ɔ kpéʔele gee bee kàdoʔo ma í.

Matye 5:18

Mii a gi joo yele ma kányɛʔɛ ni, àlí bi taa nyɛ̀ʔɛni ní tári í ba kwɔ́ɔ, syɛɛnkanbilaa ní yapiipiilaa nibin a tée fɔ̀n Mowizi làlwaw sɛ́bɛ ni í, fwɔɔ wi kérigèle myɛ í ba foro.

Mariki 13:19

Níì cán cányi bee a ba pye wɔʔɔgɔ canya, nlaa Kolocɔlɔɔ dulunyanw kpéʔele lè n baa nan níjanʔa na, wɔʔɔgi bee félege ga kɔ́ɔ̀ kpéʔele í, gi félegi si a ní wɔ́ɔ kpéʔele gee bee kàdoʔo ma í.

Luki 21:22

Níì cán gee bee ki a pye kapeegèle gɔ̀lɔ́-wòloro canya, koro ga pye Kolocɔlɔɔ syɛɛnsɛbɛri myɛ í foro.

Wɔrɔmi ye 15:8

Níì cán mii n gi joo níì jo Kirisi n baa pye kɛ́nɛw fɔ̀ɔlɔ falipyeo Kolocɔlɔɔ kányɛɛgi kéele na jàngó bi nyɔɔfaliyi foro yee Kolocɔlɔɔ da kpéʔele lè be toolɛɛbèle ma,