Danyɛli 9:10 - Cebaara Bible 2010

¹⁰ Wolo ga fɔ̀lɔ n Yawe wolo Kolocɔlɔw jóomɔ lóʔo í, si taʔa wi làlwabèle na, poro bele wi da télege n kaan wolo ma lè wi falipyebèle nyɔ́ɔyɔ ni í, pe lè kanyaajoobèle.

Danyɛli 9:10 Iomraidhean Croise

2 Fànʔafɔbèle 18:12

Níì cán pe da fɔ̀lɔ n Yawe be Kolocɔlɔw jóomɔ lóʔo í, fwɔɔ a be wi joogaanni kálagi. Ní àmɛɛ gi nyɛ lè gee myɛ Yawe falipyew Mowizi da joo n gbàn lè, pe ga fɔ̀lɔ n gi lóʔo ní i gi kpéʔele í.

Zyeremii 16:11

Lǎli bee ni mɔ a be yari: ‹Gee bee n taa ncan yele tóolɛɛbèle n mii yaʔa níì taʔa kolocɔlɔbèle pèle nikwɔɔlɔ na, pe n kpɔ̀ʔɔrɔli kpéʔele be ma, pe n tìgi n too be yɛʔɛ̀ ma. Kàjáa mii na, pe n mii yaʔa, pe ga mii làlwaw cò í,› Yawe wi jo nya.

Zyeremii 32:23

Pe n pan, pe n baa di fáligi taa, kàjáa pe ga mɔ jóomi lóʔo í, pe ga tánʔa n yɛlɛ ní mɔ lalwaw ní í. Gee myɛ mɔ da joo n gbàn be ma níì jo paa gi kpéʔele lè, pe ga gi kpéʔele í. Lǎli bee ni a mɔ wɔʔɔyi bee myɛ cáan be na!

Danyɛli 9:6

Mɔ falipyebèle be lè kanyaajoobèle, poro bele pe da ni nyuu wolo fànʔafɔbèle, ní wolo kùndigibèle, ní wolo tóolɛɛbèle, ní wolo tári syɛ̀ɛnnɛ myɛ ma mɔ mɛ́ɛgi na lè, wolo ga lóʔo be ma í.

Heburubèle 1:1

Booma ni Kolocɔlɔɔ maa ni wi syɛ́ɛnri nyuu kanyaajoobèle ma, a be i di nyuu wolo tóolɛɛbèle ma làrigēle saʔa ni jooganmi féleye saʔa na,