Danyɛli 8:9 - Cebaara Bible 2010

⁹ A nyɛnbiipiile yiri gi kàa na, níì kpɔ́ʔɔ gbanʔama wòrogulo kàbangi, ní canʔafolomɔ kabangi na, ní tácàndeleri kàbaan na.

Danyɛli 8:9 Iomraidhean Croise

Ŋúnuyi 105:24

Kàfɔw n baa wi syɛ́ɛnbèle kàriga a be nɛʔɛ gbanʔama, wi n be fǎngi pye a gi nɛʔɛ n sɔ̀lɔ be kàsiitun-nyɛ́nbèle wóʔo na.

Ŋúnuyi 48:2

Yawe n kpɔ́ʔɔ, woro na sòololi myɛ yɛlɛ, wolo Kolocɔlɔw kàʔa ni, ki lè wi nyanbejǎngi.

Zyeremii 3:19

Mii na, mii maa ni gi nyuu niyɛɛ ma níì jo: Kanmìí na mii a mɔ lége mii jáabèle ni si fundaanra kèlē tára kaan mɔ ma di pye kɔrigɔ, gee gi lè syɛɛnfeleyi fèrecàn-dèlere? Mii maa ni gi nyuu niyɛɛ ma níì jo: Mɔ a ra mii yiri: «Mii tóo!» Mɔ a tée wàli bi lúru mii kurugo í.

Ezekyɛli 20:15

Mii wi wɔ́ɔ̀ kɔ́gi yìrige níì kàli be ma fìími tára ni, níì jo mii a tée kári ní be ní pe sa jée tári ni, dee mii da kaan be ma lè í, táraa dii, dee di nyìn nɔ́nɔw ní sárigi na ni fóo lè, dee di nyɔɔ n sɔ̀lɔ tátɛɛyi myɛ na lè.

Ezekyɛli 20:6

Cángi bee na mii mii kɔ́gi yìrige níì kàli be ma níì jo mii a be yirige Ezyipiti tári ni bi sa lége táraa ni, dee mii da wéle n yaʔa be ma lè, táraa dii, dee di nyìn nɔ́nɔw ní sárigi na ni fóo lè, dee di nyɔɔ n sɔ̀lɔ tátɛɛyi myɛ na lè.

Danyɛli 11:16

Kàjáa wee wi a pan wi kánmi na lè, wi a ba gi kpéʔele gee wi caa lè, syɔɔn faala a gbǎn ba yére wi sige í. Wi a ba yére tácàndeleri ni bi yariga o yariga kálagi mɛnɛ mɛnɛ, gee wi ga fàra n taa lè.

Danyɛli 11:21

Syɔɔnwee wi lè waa o wi córo í woro a ba tɛ́ɛn wi sìndɛɛgi ni, kàjáa pe a fǎngi kpɔ́ʔɔrɔ kaan wi ma í. Wi a pan ŋɔ́ndaali làla ni bi ba fǎngi lɛ́ɛlɛ syɔɔ ní gbánama syɛ́ɛnrɛ ní.

Danyɛli 7:8

Mii maa ni sɔ̀ngí nyɛ́ngèle kéele na, wéle, a nyɛnbilaa níì yiri gele nínge ni, a nyɛnzeligèle kèle taanri kɔ́n li yɛ́ʔɛ ma. Wéle nyapiigèlē maa pye nyɛ́nni bee na àmɛɛ syɔɔn nyapiigéle nyɛ lè, a nyɔɔ wɔ́ɔ̀ pye li na, gee ki da ni joogbɔɔmi nyuu lè.

Zakarii 7:14

«Mii n be cariga syɛɛnfeleyi myɛ nínge ni, yee yi lè pe da yi cán í. A tári kòro tɛɛ̀kalagiga pe kàdoʔo ma, syɔɔn faala da ni sɔ̀lɔ́ yaà wàlá ni maa yaà í, tári bee di pye lè fundaanra wóro, pe n di pye tɛɛ̀kalagiga.»