Danyɛli 8:4 - Cebaara Bible 2010

⁴ A mii gi nyaa a bàpɔw i cínɛ ni máari ní wi nyɛ́ngèle ní canʔajeemɛ, ní solomɔkulo, ní wòrogulo kàbangi na. Yaweegaa faala da pye bi gbǎn yére wi sige í, syɔɔn faala da pye bi gbǎn wàa syɔɔ wi fǎngi ma í. Wi maa ni gi kpéʔele gee ki wi dɛ́nɛ lè, ní i kàa fàrá wiyɛɛ na ni syée.

Danyɛli 8:4 Iomraidhean Croise

1 Fànʔafɔbèle 22:11

Kenaana jáaw Sedesyasi si maa tunmɔrɔ nyɛ́nyɛ sámaga wiyɛɛ ma ní i gi nyuu níì jo: «Yawe n jo: ‹Yee naa ní mɔ a Sirii ye myɛ círi bi be kwɔ́ɔ yirige yaà.› »

Zyɔbi 10:7

Mɔ n gi cán ncan mii i nyɛ tɛɛlɛ fun. Wàa faala si a gbǎn mii yirige mɔ kɔ́gi ni í.

Ŋúnuyi 44:5

Ee Kolocɔlɔɔ, mɔ wi nyɛ mii Fànʔafɔw, ki n yɛlɛ mi Zyakɔbi syɔɔli kéele joo mi gbàn!

Ŋúnuyi 50:22

Koro na yele bele ye fɛ̀ʔɛ Kolocɔlɔɔ na lè, ki n yɛlɛ ye gee naa cán, kapye koro ban í, mii a yele sulugu sulugu, syɔɔfɔlɔ a taa yele na í.

Ŋúnuyi 7:2

Ee Yawe, mɔ wi lè mii Kolocɔlɔw, mɔ wi nyɛ mii tɛɛlàragi. Mii syɔɔ mii wɔʔɔfɔbèle myɛ ma, mii syɔɔ be ma,

Ezekyɛli 34:21

Amɛɛ yele fànʔa fun bǎbèle myɛ cínɛ lè ní lɛ̀ʔɛgèle, ní fókaannyunyi ní, ní i be fologi ní yele nyɛ́ngèle ní, bi taa yele í be cariga yirige kàfugo ma,

Danyɛli 11:16

Kàjáa wee wi a pan wi kánmi na lè, wi a ba gi kpéʔele gee wi caa lè, syɔɔn faala a gbǎn ba yére wi sige í. Wi a ba yére tácàndeleri ni bi yariga o yariga kálagi mɛnɛ mɛnɛ, gee wi ga fàra n taa lè.

Danyɛli 11:36

Fànʔafɔw a ra gi kpéʔele, gee wi caa lè. Wi a ra wiyɛɛ gbɔ́ʔɔgi, sáā wiyɛɛ délegi kolocɔlɔbèle myɛ ǹjoʔo ni, wi a ra bingaari kèlē nyuu kolocɔlɔbèle Kolocɔlɔɔ kánmi na. Wi kérigèle a ra nyɔɔgi fwɔɔ bi taa fundanʔari làrivorolo í ba nan, níì cán gee gi kɔ̀rirɔ n tímana lè, ki a foro.

Danyɛli 5:19

Kpɔʔɔgbɔɔri ti da kaan wi ma lè syɛ́ɛnbèle myɛ, ní syɛɛnfeleyi myɛ, ní syɛɛnfeleri joofɔɔlɔ myɛ maa ni fɛ̀ɛgí wi na, ní i cɛ̀lɛ́ wi yɛʔɛ̀ ma dee bee kéele na. Wi maa ni be kúu, bele wi caa bi kpóo lè, ní i be yaari sìi na, bele wi caa bi yaʔa lè, ní i be kpólogi, bele wi caa bi kpólo lè, ní i be cɛ́rɛgi, bele wi caa bi cɛ́rɛ lè.

Danyɛli 5:30

Yébiligi bee wonijanga ni, a pe baa Kalide ye fànʔafɔw Bɛlisyasari kpóo.

Danyɛli 7:5

Yaweesiin wógi wéle gee, ki maa ursi wíri. Ki maa yìri n yére lɛ̀ʔɛlɛ nibin na, kótiiye taanri si i nyɛ ki ma nyɔ́ɔgi ni, a gi yi kpàra ní gǎngèle ní. A pe gi pye: ‹Yìri mi kaara saʔa káa.›

Danyɛli 8:7

A mii wi nyaa a wi nan bàpɔw na, níì fúngi tanʔa wi kurugo gbanʔama. A wi bàpɔw círi n nyɛ́ngèle siin kabagi, bàpɔw ga fànʔa taa n gbàn n yére n wi sige í. A wi wi cáan tári na níì wi tánʔana, syɔɔn faala ga taa n bàpɔw syɔɔ wi fǎngi ma í.

Misye 5:8

Ki n yɛlɛ mɔ kɔ́gi í yìri mɔ kasiitun-nyɛ́nbèle ǹjoʔo ni, mɔ nigoobèle myɛ í kwɔ́ɔ bi yiri yaà!

Làlwaw Kaanziin 33:17

Náapeli li nyɛ lè wi pìiseliw, loro má nìjanri nyɛ. Wi nyɛ́ngèle i nyɛ senɔ́ɔ wòʔolo, gele ní wi syɛɛnfeleyi myɛ cínɛ lè fwɔɔ n sáà nan tári láʔagéle na. Poro be nyɛ Efirayimi selebingèle kagunɔ kagunɔbèlē saʔa. Poro be nyɛ Manase saala kagunɔ kagunɔbèle saʔa.»