Danyɛli 8:3 - Cebaara Bible 2010

³ A mii nyapiigèle yìrige ni wéle, a mii bàpɔlɔ nyaa ní nyɛ́ngéle siin ní, woyéreo ní, cábigi nyɔ́ɔ na. Nyɛ́ngèle bee maa tɔnɔ, kàjáa làa maa tɔnɔ làa na, lee li da tɔnɔ lè, loro maa fìin lee kàdoʔo ma.

Danyɛli 8:3 Iomraidhean Croise

1 Cányi kèlē 21:16

A Davidi yɛ́ɛgi yirige n wéle n Yawe nyɛ̀ʔɛni tunduɔn nyaa woyéreo ní tári, ní nyɛ̀ʔɛni nínge ni, ŋɔsée si i nyɛ wi kɔ́gi ni wowaaɔ ní. A wi wi fìin Zyerusalɛmi kàbangi na. Lǎli bee ni a Davidi ní Isirayɛli wolɛɛbèle too n yɛ́ɛyi cíbele tári na gɔ̀nvaʔaya si i nyɛ be na búroyo.

Ɛsidirasi 1:2

«Pɛrisi fànʔafɔw Sirusi n jo: ‹Yawe wi lè nyɛ̀ʔɛni Kolocɔlɔɔ, wi n tári fànya myɛ kaan mii ma, níì mii pye mii í kpaʔa faan woro ma Zyerusalɛmi ni, ki nyɛ lè Zyuda ni.

Ɛsidirasi 4:5

A be yarifɔɔlɔ láa sàra na jàngó poro í be fáliw yérige. A gi pye kánmi bee na Pɛrisi fànʔafɔw Sirusi sìíw làla myɛ ni fwɔɔ n taa n baa nan Pɛrisi fànʔafɔw Dariyusi fǎngi làla na.

Ɛsitɛri 1:3

wi fǎngi yɛɛdaanri wólo na, a wi lìigbɔɔlɔ sámaga wi kùndigibèle ní wi falipyebèle myɛ ma, ní Pɛrisi ní Mɛdi ye sùlasiibèle ma, n fàra tátɛɛyi mɛ́ɛyɛ fɔɔlɔ, ní guvɛrinɛɛribèle na.

Ezayi 13:17

Wéle, mii i Mɛdi ye yìrigí bi wáa be na, poro bele be lè pe o wálifiiw córo í, tɛ́ɛw si wɔ́ɔ o nyɛ be yanidaanmaga í.

Ezayi 21:2

Yawelebeʔe n tɛ̀ɛn mii na, syɛɛnco-mí-kaanw i syɔɔn jànváa gàlagipyew i gàlagíw kpéʔele. Ye lúgu yaa syée Elami ye! Ye tɛ́ɛn kěgi taana kapɛɛnni kánma na, Mɛdi ye! Mii a cɛ́ɛnmi myɛ kwɔ́ɔ.

Ezayi 44:28

Mii wi gi nyuu Sirusi kéeli na níì jo: ‹Mii bànaʔaw, wee wi a mii kanidaangèle myɛ foro lè. Wi a gi joo Zyerusalɛmi kéeli na si jo: Ki n yɛlɛ ki ní faan kavɔn. Ní kpɔ̀ʔɔrɔli kpaʔa kéele na, si jo: Ki n yɛlɛ ki ní le.› »

Zyeremii 51:11

Ye wɛ̀ɛ́gèle nyɔ́ɔyɔ fìrige, ye segboyi nyìn! Yawe n Mɛdi ye fànʔafɔbèle fúnyo yìrige. Ncan wi n gi tímana bi Babilɔni kálagi. Níì cán Yawe gɔ̀lɔ́-wòlori canʔa gii, ti lè wi kpɔ̀ʔɔrɔli kpaʔa gɔ̀lɔ́-wòloro.

Danyɛli 10:5

A mii nyapiigèle yìrige ni wéle, a mii nànwaa nyaa lɛn búrogo n pye wi na, tɛɛteleo sɛntiiri si i nyɛ wi ma sárigèle ni.

Danyɛli 2:39

Fàngaa nikwɔɔ si a ba yìri mɔ kadoʔo ma, gee ki a cɛ́rɛ sɔ̀lɔ mɔ wógi ni lè. Fàndaanri wóʔo si ní ba yìri, gee ki a pye lè kanyɛɛnrɛ, gee ki a tɛ́ɛn lè tári myɛ nyúngo na.

Danyɛli 6:28

Woro wi syɔɔn syoo, ni syɔɔn yirigi keele ni, woro wi fɛ̀ɛ́bèle ní kakpoloyi kpéʔele nyɛ̀ʔɛni ni, ní tári na. Woro wi Danyɛli syɔɔ càarabèle fànʔa ma.»

Danyɛli 7:5

Yaweesiin wógi wéle gee, ki maa ursi wíri. Ki maa yìri n yére lɛ̀ʔɛlɛ nibin na, kótiiye taanri si i nyɛ ki ma nyɔ́ɔgi ni, a gi yi kpàra ní gǎngèle ní. A pe gi pye: ‹Yìri mi kaara saʔa káa.›

Danyɛli 8:2

Mii maa gi nyaa yanyaagi bee ni, a mii i nyɛ Suzi ni, ki lè fàngegi, Elami tɛ́nɛmi ni, n mii yaʔa wéleli na yanyaagi ni, a mii niyɛɛ nyaa Ulayi cábigi nyɔ́ɔ na.

Danyɛli 8:20

Bàpɔw mɔ nyaa lè, wee wi da pye ní nyɛ́ngèle siin ní lè, nyɛ́ngèle bee siin i nyɛ Mɛdi ye, ní Pɛrisi ye fànʔafɔbèle.

Zakarii 2:1

Mii maa nyapiigèle yìrige ni wéle, a mii yanyaagaa nyaa. Wéle, ki maa pye nyɛngéle sicɛrɛ.

Zakarii 5:1

A mii níì nyapiigèle yìrige ni wéle, a mii yanyaagaa nyaa, koro gi nyɛ gee naa: Ki n pye sɛ́bɛmigio, wee wi yìrigí lè.

Zakarii 5:5

Nyɛ̀ʔɛni tunduɔn wi da ni nyuu ní mii ní lè, a woro sɛ̀ʔɛrɛ naa n baa mii pye: «Koro na mɔ nyapiigèle yìrige mi gi wéle, gee gi yirigi yaà lè.»

Zakarii 5:9

A mii nyapiigèle yìrige ni wéle, a mii yanyaagi naa nyaa: Ki n pye càbala siin. Káfalagi maa ni funu be fókaanyi ni. Be fókaanyi maa pye àmɛɛ karakpáa wóyo nyɛ lè. A be yakirigi yìrige n yaʔa tári ní nyɛ̀ʔɛni nínge ni.

Zakarii 6:1

A mii níì nyapiigèle yìrige ni wéle, a mii yanyaagaa nyaa, koro gi nyɛ gee naa: Wòtorobéle sicɛrɛ maa ni yirigi nyanbeleye siin lariga ni, nyanbeleyi bee maa pye kanyɛɛnrɛ wóyo.

Córolo 24:2

A Balaami wi yɛ́ɛgi yìrige n wéle n Isirayɛli ye nyaa wodɛ́ɛnbéle ní n yɛlɛ ní be syɛɛnfeleyi ní. A Kolocɔlɔɔ Pǐli tìgi n tɛ́ɛn wi na.

Zyozuwe 5:13

N Zyozuwe yaʔa Zyeriko taana, a wi kɔ́ɔ̀ wi yɛ́ɛgi yìrige n wéle n nànwaa nyaa wiyɛɛ yɛ́ʔɛ ma woyéreo ní, ŋɔsée si i nyɛ wi kɔ́gi ni wowaaɔ ní. A Zyozuwe nùuni wi na ní sáà wi pye: «Ní wolo ní lé mɔ nyɛ láà ba fwɔɔ wolo nígoobèle ní mɔ nyɛ?»

Tɛ̀ɛnnɛ 13:11

A mii níì yaweegaa nikwɔɔ nyaa, a gi i yirigi tári ni. Nyɛngéle siin maa pye gi na àmɛɛ bàpile wòʔolo nyɛ lè, á gi si i nyuu yacobeʔe jooganma na.

Tɛ̀ɛnnɛ 5:6

A mii bàpile nyaa, li maa pye mɔ a jo pe n li kpóo, kàjáa li n yìri n yére fàngoli nínge ni, á sìi yáriyi sicɛrɛ, ní wolɛɛbèle li màʔa. Nyɛngéle kɔrɔsiin maa pye Bàpili na, ní nyapiigèlē kɔrɔsiin ní, gele ge nyɛ lè Kolocɔlɔɔ pìígèle kɔrɔsiin wi tórigo lè dulunyanw tɛ́ɛyɛ myɛ ni.