Danyɛli 8:12 - Cebaara Bible 2010

¹² A sùlasiibèle le li kɔ́yi ni n fàra canʔa o canʔa sárigaw na kapeeli kéele na. Li maa kányɛɛgi cáan tári na, ní i fànʔa taagi li kérigèle na.

Danyɛli 8:12 Iomraidhean Croise

Zyɔbi 12:6

Bi gi taa bele be yáriri nɛnɛ ni syoo lè, yɛɛ̀nyinge i nyɛ be fànikpaayi ni. Bele be kapeegèle pingi Kolocɔlɔɔ na lè, pe n tɛ́ɛn ŋɔ́ndaala na, ní bele myɛ pe be fǎngi pye lè pe Kolocɔlɔw.

Ŋúnuyi 119:142

Mɔ sínni i nyɛ bàngwɔɔ sínnɛ, mɔ lalwaw i nyɛ kányɛʔɛ.

Ŋúnuyi 119:43

Mɔ a kɔ́ kányɛɛgi syɛ́ɛnrɛ láʔa mii nyɔ́ɔgi na nyáana í! Níì cán mɔ kajoo-mí-cerigèle na mii mii sɔ̀ngumi taʔa.

Ŋúnuyi 28:5

Níì cán pe o sɔ̀ngí Yawe kapyegèle ní wi kɔ́yi fáli na í, ki n yɛlɛ wi be ŋɔrigɔ wi cáan, wi a ní kɔ́ be yìrige í!

Ezayi 59:14

Pe n kútiisinw ŋɔrigɔ n wáa, pe n sínni yérige yaà léelige. Níì cán kányɛɛgi i kpírigi syɛ́ɛnmi tɛɛ̀kpoʔorogo ni, sínni a gbǎn tɛɛ̀jeʔe taa yaà í.

Zyeremii 12:1

Mɔ n sín n caanri, Yawe, mii í kɔ́ pye kàkabaga na ní mɔ ní. Koro ní ki myɛ ní mii i caa bi joo ní mɔ ní mɔ kútiiw kèlē cɔɔnriganma na: Nyàʔá na syɛɛnpeebèle kèlē nyɔɔgi? Nyàʔá na námarafɔbèle myɛ nyɛ yɛɛ̀nyinge na sági, poro bele be syɔɔn jànváa lè?

Danyɛli 11:28

Wi a lúru kári wi tári ma ní lɔnɛʔɛrɛ ní. Wi fúngi a yìri joogaanjǎnni kánma na, wi a kàa pye li na si lúru kári wi tári ma.

Danyɛli 7:21

A mii i nyɛ́nni bee wéle, àmɛɛ li da ni kapɛɛnni kpúmɔn ní syɛɛncanbèle ní lè, níì fànʔa taa be na,

Danyɛli 8:4

A mii gi nyaa a bàpɔw i cínɛ ni máari ní wi nyɛ́ngèle ní canʔajeemɛ, ní solomɔkulo, ní wòrogulo kàbangi na. Yaweegaa faala da pye bi gbǎn yére wi sige í, syɔɔn faala da pye bi gbǎn wàa syɔɔ wi fǎngi ma í. Wi maa ni gi kpéʔele gee ki wi dɛ́nɛ lè, ní i kàa fàrá wiyɛɛ na ni syée.

Tɛ̀ɛnnɛ 13:7

Fànʔa maa kaan gi ma kaa kapɛɛnni kpúmɔn ní Kolocɔlɔɔ syɛɛncanbèle ní, sáā be jáagi, a séew kaan gi ma kaa syɛɛnfeleyi yòdaʔaya myɛ, ní dulunyanw syɛ̀ɛnnɛ myɛ kàragí, n fàra syɛɛnfeleri joofɔɔlɔ myɛ, ní syɛɛnfeleyi myɛ na.

1 Samyɛli 23:9

A Davidi kapeegi kéele cán, gee Sawuli tímana woro kánmi na lè, a wi sáriga-wòlow Abyatari pye: «Da maa ní efɔdiw ní.»