Danyɛli 8:11 - Cebaara Bible 2010

¹¹ A li yìri fwɔɔ n liyɛɛ tímana ní sùlasiibèle Kùndigi ní, níì canʔa o canʔa sárigaw syɔɔ wi ma níì wi tɛɛcǎngi kàcoolo kálagi.

Danyɛli 8:11 Iomraidhean Croise

Ezayi 37:23

Wìí syɔ́ɔn mɔ tɛʔɛlɛ níì wi faʔa? Wìí kánma na mɔ yákpoli wáa? Isirayɛli Wojanw ni mɔ mɔ yɛ́ɛgi yìrige n le.

Ezayi 37:29

Amɛɛ si mɔ yìri mii kánmi na lè, ní àmɛɛ mɔ kpɔɔjoomi baa jée mii líiweegèle ni lè, mii a mii vèʔegi le mɔ fínaani na, si mii kàraféw le mɔ nyɔ́ɔgi ni bi lúrugo tórigo kólogee ni mɔ sɔ̀lɔ n pan lè.›

Zyeremii 48:26

«Ye wi kaan wi gbaa wi yɛ́ɛgi í da wóo wi na níì cán wi n yìri Yawe kánmi na. Ki n yɛlɛ Mowabi í da kòlogí wi tùguri ni, woro tiimaa si wɔ́ɔ pye kataanra yála!

Zyeremii 48:42

Mowabi a kálagi, wi a ní pye syɛɛnfelege í, níì cán wi n yìri Yawe kánmi na.

Ezekyɛli 46:14

Mɔ a ra míimɛ yakanʔa efa tílaya kɔrɔni wóʔo fàrá yaà nyɛ̀ʔɛ nyɔ́ɔ o nyɛ̀ʔɛ nyɔ́ɔ na, bee pe a pírige ní hɛn tílaya taanri sinmɛ ní lè. Koro ki a pye míimi yakanʔa Yawe ma. Bàngwɔɔ làlwa wii, wee wi tɛ́ʔɛ bi kòro beè lè làla o làla.

Danyɛli 11:22

Kapɛɛnkpumɔnbèle pe a ba càmi àmɛɛ lɔ̀ʔɔ gáà kabi n fala lè, ànbée pe a ba kabi tìgi wi yɛʔɛ̀ ma, si kálagi ní joogaanni fànʔafɔbile ní.

Danyɛli 11:31

Wi a sùlasiibéle kabiya tórigo pe sa tɛɛcàn-nìrigi nɔ́nʔɔ. Pe a canʔa o canʔa sárigaw kéele sàa, si kálagili kapeekpɔʔɔ sámaga yérige.

Danyɛli 12:11

Bi láa lǎlee na canʔa o canʔa sárigaw a ba yaʔa lè, ní lǎli ni kálagifɔw kapeekpɔʔɔ a sámaga yérige lè, cányi nyɔ́ɔ a pye saala kɔrɔni ní togoye sicɛrɛ ní kpɔrigɔ.

Danyɛli 5:23

níì miyɛɛ gbɔ́ʔɔ nyɛ̀ʔɛgèle Kàfɔlɔ kánma na. Mɔ n be pye a be pan ní wi kpáagi yalegéle ní mɔ yɛ́ʔɛ ma, a yele baa dùvɛɛnw gbaa ge ni, mɔ ní mɔ syɛɛnkpolobèle, ní mɔ cébèle, ní mɔ cefàra-mí-láabèle, níì kolocɔlɔbèle kpɔ̀ʔɔrɔ be lè wálifiio, ní tɛɛ̀, ní kanyɛɛnrɛ, ní tunmɔrɔ, ní tiire, ní kàdɛnɛrɛ, bele be lè pe o nyaagi í, pe o lúro í, cánna o be ma í. Kolocɔlɔwee kɔ́lɔ ni mɔ ŋɔ́ngari, ní mɔ kóloyi nyɛ lè, woro wi nyɛ mɔ ga wi kpɔ́ʔɔ í.

Danyɛli 7:25

Wee wi nyɛ Pe Myɛ Nyúngo na lè, wi a ra syɛɛnpeeri nyuu woro na, wee wi nyɛ Pe Myɛ Nyúngo na lè wi a ra woro wojanbèle wɔʔɔ gbanʔama, wi a ra caa bi làrigèle ní làlwaw kàriga, wojanbèle a le wi kɔ́yi ni bi taa làla nibin ní làrigèle kèle, ní làlaa tíla í ba kwɔ́ɔ.

Danyɛli 8:12

A sùlasiibèle le li kɔ́yi ni n fàra canʔa o canʔa sárigaw na kapeeli kéele na. Li maa kányɛɛgi cáan tári na, ní i fànʔa taagi li kérigèle na.

Danyɛli 8:24

Wi séew a ra kpɔ́ʔɔgi, kàjáa ki a pye wi tiimaa fǎngi báriga ni í. Wi a bìngaara kálagila kpéʔele, wi kapyegèle a ra nyɔɔgi, wi a séew fɔ̀ɔlɔ, ní wojanbèle syɛɛnfelege kálagi.

Danyɛli 8:25

Wi cánni báriga ni, ní àmɛɛ wi námara kérigèle a ra nyɔɔgi lè, wi a ra wiyɛɛ gbɔ́ʔɔgi fúngi ni, bele be tɛ́ɛn lè sági yɛɛ̀nyinge na, wi a poro pèle saʔa kálagi, si yìri kùndigibèle Kùndigi kánma na. Kàjáa wi a kálagi syɔɔn kɔ́lɔ fun ni.

Danyɛli 9:25

Koro na ki n yɛlɛ mɔ í gi cán bi gi kɔ́rɔw cán bi cán nlaa lǎli ni syɛ́ɛnri joo lè níì jo pe ní Zyerusalɛmi télege, bi wi faan kavɔn bi taa ba nan Kùndigi Wonyɛnɛ-wòlow làribanna na, koro a pye cégboʔolo kɔrɔsiin. Zyerusalɛmi kadàlayi, ní wi wéeyi a ní sámaga télege bi ní faan kavɔn cégboʔolo togoye taanri ní siin fúngo ni. Kàjáa ki a pye funjurugogbɔɔrɔ larigéle ni.

Córolo 28:3

Mɔ a gi joo be ma si be pye: ‹Sárigaw ní yele a ra maa Yawe ma lè, wee náagi sórogi ni kwóo lè woro wi nyɛ wee naa: Yɛ̀ʔɛlɛ nibin nibin tɛɛlɛ fun bàpiigéle siin-ziin canʔa o canʔa. Wee bee a pye bàngwɔɔ sáriga-sórigoo.

Luki 21:24

Pe a pèle kpóo ní ŋɔséebèle ní, si pèle kɔ́ri kári pe sa pye pulobèlē tátɛɛyi myɛ ni. Syɛɛnfeleyi si a ba Zyerusalɛmi jáa, sáā gi kàfalimi táanri bi taa syɛɛnfeleyi làla í ba foro.

2 Tesaloniki ye 2:4

Yariga o yariga syɛ́ɛnbèle yiri lè Kolocɔlɔɔ, wàlá yáriree be kpɔ̀ʔɔrɔ́ lè, wi a ba ra dee bee myɛ kábala, sáā wiyɛɛ gbɔ́ʔɔgi di na, àlí wi a ba tɛ́ɛn kpɔ̀ʔɔrɔli kpaʔa fúngo ni, si wiyɛɛ dɛ̀ɛn si jo, woro wi nyɛ Kolocɔlɔɔ.

Heburubèle 2:10

Wee si wi yáriri myɛ kpéʔele lè ní wɔ́ɔ i di kɔ̀rɔsíi, àmɛɛ ki da yɛlɛ wi Zyezu sámaga foro wɔʔɔguuli báriga ni lè, koro na wi gi kpéʔele kánmi bee na koro ga pye bi pìinɛʔɛbéle taa lége nìjangbɔɔri ni, Zyezu bárigaw ni wi nyɛ lè be syɔɔli sélifɔlɔ.

Tɛ̀ɛnnɛ 17:14

Pe a sa kapɛɛnni kpúmɔn ní Bàpili ní, kàjáa Bàpili a be jáa, níì cán loro li nyɛ kàfɔbèle Kàfɔlɔ, ní wɔ́ɔ i nyɛ fànʔafɔbèle Fànʔafɔlɔ. Loro ní li pínɛnyɛnbèle be nyɛ lè Kolocɔlɔɔ syɛɛn-yeribèle, ní wi wonyɛnɛ-wòlobèle, ní tágala syɛ́ɛnbèle, poro a wɔ́ɔ fànʔa taa be na.»