Danyɛli 7:9 - Cebaara Bible 2010

⁹ «N mii yaʔa wélegi na, a mii gi nyaa a pe baa fàngorigēle tɛ́ʔɛ tɛ́ʔɛ, á Wolɛɛtelew baa tɛ́ɛn. Wi búroyi maa fílige àmɛɛ lànɛɛzyiw nyɛ lè, á wi ǹjoori fílige àmɛɛ bàsiitelere nyɛ lè. Wi fàngoli si i nyɛ àmɛɛ naanyìnye nyɛ lè. Li sàkoyi si i nyɛ àmɛɛ naagbanga nyɛ lè.

Danyɛli 7:9 Iomraidhean Croise

1 Fànʔafɔbèle 22:19

A Misye si níì jo: «Awá, ki n yɛlɛ mi Yawe syɛ́ɛnri lóʔo! Mii n Yawe nyaa wodɛ́ɛɔn ní wi fàngoli na, á nyɛ̀ʔɛni kapɛɛnkpumɔnbéle yére wi taana wi kàliige ní wi kàmɔnɔ ma.

2 Cányi kèlē 18:18

A Misye si níì jo: «Awá, ki n yɛlɛ ye Yawe syɛ́ɛnri lóʔo. Mii n Yawe nyaa wodɛ́ɛɔn ní wi fàngoli na, á nyɛ̀ʔɛni kapɛɛnkpumɔnbéle myɛ yére wi kàliige ní wi kàmɔnɔ ma.

Ŋúnuyi 45:8

Sínni kéele n mɔ dɛ́nɛ, á péemi mɔ bɛɛn, gee bee na, Kolocɔlɔɔ, mɔ Kolocɔlɔw n fundaanra sìnmɛ wo mɔ na, n mɔ kpɔ́ʔɔ n sɔ̀lɔ mɔ pínɛnyɛnbèle na.

Ŋúnuyi 90:2

Sáni nyanbeleyi í see lè, n tári ní dulunyanw yaʔa mɔ da kɔ́ɔ̀ di sámaga í, nlaa yaà làrigèle myɛ ni kwɔ́ɔmɔ fun, mɔ wi nyɛ Kolocɔlɔɔ.

Ŋúnuyi 93:2

Mɔ fangoli n sámaga n yére nlaa yaà booma lɛ́ɛlɛ lali ni. Mɔ i yaà làla o làla kwɔ́ɔmɔ fun.

Ezayi 6:1

Fànʔafɔw Ozyasi yɛɛguuli na, a mii Kàfɔw nyaa wodɛ́ɛɔn ní fàngolo na, lee li yìri ǹjogi ni lè gbanʔama, á wi búrogi táàma kpɔ̀ʔɔrɔli kpaʔa nyìn.

Ezayi 9:6

Fǎngi a ra caragi da syée, bàngwɔɔ yɛɛ̀nyinge si kaan Davidi fàngoli, ní wi fǎngi ma, bi gi báriga, si gi sígi yérige kányɛɛgi, ní sínni báriga ni, bi séli lǎli naa na bàā syée yaà làla o làla. Koro gi nyɛ Nyɛ̀ʔɛni Sùlasiibéle Kafɔlɔ Yawe fúngi ni, wi a gi kpéʔele.

Zyeremii 49:38

Mii a mii fàngoli tɛ́ʔɛ Elami ni, mii si a fànʔafɔw ní syɛɛnkpolobèle kpóo,» Yawe wi jo nya.

Ezekyɛli 1:26

Yarigaa n pye nyɛ̀ʔɛnɛ niwirigi bee ǹjoʔo ni gi pye yi nyúnyi ni lè, ki maa safiiri wíri. Ki kánmi maa pye àmɛɛ fàngolo nyɛ lè, wàa si maa pye fàngoli bee niwirige na àmɛɛ nàɔn nyɛ lè.

Danyɛli 7:13

Mii maa ni wéle mii yébiligi yanyaaya làla ni, wéle, wàa maa pan nyɛ̀ʔɛni fàfaanya ni, wi maa pye àmɛɛ Syɔɔn-pya nyɛ lè. A wi i syée Wolɛɛtelew ma, a be wi nùuni wi na.

Danyɛli 7:22

fwɔɔ n taa a Wolɛɛtelew pan, ní baa tànʔa kaan wee wi nyɛ Pe Myɛ Nyúngo na lè woro wojanbèle ma, fwɔɔ n taa a lǎli baa nan, lee ni fǎngi baa pye lè wojanbèle wóʔo.

Misye 5:2

Koro na wi a be wáa yaʔa fwɔɔ bi taa ba nan lǎli na, lee ni céw yɛlɛ ba pìíw see lè, wee wi yɛlɛ bi see lè, wi senyɛnnǎnbèle wozanbèlē si lúru pan Isirayɛli pìíbèle ma.

Habakuki 1:12

Nlaa yaà làla o làla, mɔ ban wi nyɛ Yawe wi lè mii Kolocɔlɔw ní mii Wojanw ì, wee wi lè wi a kùu í? Yawe, mɔ wi be télege kútiiw kúunnɔ kéele na. Mii fálagi, mɔ n fànʔa kaan be ma paa kpúmɔn-mí-kàrigali kpéʔele.

Matye 17:2

A wi sáà kàri pe nyɛnɛ na. A wi yɛ́ɛgi tɔ̀nɔ́ i daragi àmɛɛ cángi nyɛ lè, á wi búroyi kàri n fílige àmɛɛ gbɛ̀ɛnmɛ nyɛ lè.

Matye 28:3

Wi maa ni daragi àmɛɛ nyɛ̀ʔɛni nyɛ́ʔɛnɛmɛ gbɛɛnmɛ nyɛ lè, a wi búrogi fílige gbanʔama àmɛɛ lànɛɛzyiw nyɛ lè.

Mariki 9:3

a wi búroyi tɔ̀nɔ n fílige ní i nyɛ́ʔɛnɛ gbanʔama, syɔɔn o naa tári na, wee wi a gbǎn wi buroyo jée yi fílige bi yɛlɛ ní yi ní lè í.

Kapyegèle 2:30

Amɛɛ wi da pye lè kanyaajooo níì gi cán Kolocɔlɔɔ maa gi joo woro ma, fwɔɔ n kàli gi na níì jo, wi a ba woro yòdaʔagaa télege woro fàngoli na,

Kapyegèle 2:33

Amɛɛ wi yìri n lúgu n sáà tɛ́ɛn Tofɔw Kolocɔlɔɔ kàliige kɔ́lɔ ma lè, a wi Pìicǎnni taa Tofɔw ma, lee nyɔ́ɔ wi da fàli lè, níì li tìrige wolo ma àmɛɛ yele gi nyaa ní wɔ́ɔ̀ gi lóʔo lè.

Filipikaʔa ye 3:9

mii si pye syɛɛnsiɔn wi ni, sínni bee si a kɔ́ pye mii wólo í, lee li taagi Mowizi làlwaw ma lè í, fwɔɔ lee li taagi lè tágali báriga ni Kirisi na, sínni bee i taagi Kolocɔlɔɔ ma tágali kólogo ni.

1 Timɔte 6:16

woro wee nibin wi nyɛ lè bànguu, woro wee wi nyɛ lè gbɛ̀ɛ́nmi ni bee bi lè syɔɔn a gbǎn nùuni bi na í, syɔɔnwaa faala si ga kɔ́ɔ̀ wi nyaa í, pe wàa a wɔ́ɔ gbǎn wi nyaa í, woro na kpɔ̀ʔɔrɔli ní séew yɛlɛ làla o làla! Amiina.

1 Zyan 1:5

Syɛ́ɛnree wolo da lóʔo wi ma lè bi joo yele ma, toro di nyɛ dee naa, ti n jo: Kolocɔlɔɔ i nyɛ gbɛ̀ɛnmɛ, yébilimɛ o nyɛ wi ni nyáana í.

Tɛ̀ɛnnɛ 1:14

Wi nyúngi ní wi ǹjoori maa fílige àmɛɛ bàsiifiire nyɛ lè, wàlá àmɛɛ lànɛɛzyiw fílige lè. Wi nyapiigèle si i nyɛ àmɛɛ naanyìnge nyɛ lè.

Tɛ̀ɛnnɛ 19:18

ye ba ra fànʔafɔbèle cére jóori, ní sùlasiibèle kàfɔɔlɔ cére, ní syɛɛnniribèle cére, ní syɔ́ɔnyi cére ní, n fàra yi tɛ́ɛnfɔbèle wóro na, ní wɔ́rɔbèle myɛ cére ní, n fàra púlobèle myɛ wóro na, n syɛɛn-yilibèle pínɛ syɛɛnkpolobèle ni.»

Tɛ̀ɛnnɛ 20:4

A mii fàngorigēle nyaa. Bele pe da pye ge na lè wodɛ́ɛnbéle ní, a be fànʔa kaan bele bee ma paa kútiiw nyuu. Bele nyúnyo pe da cɛnɛ lè Zyezu séeraw kpéʔelele kéele na, ní Kolocɔlɔɔ syɛ́ɛnri kéele na, àmɛɛ be nyɛ lè pe da fɔ̀lɔ ni yaweegi ní ki niwirigi kpɔ̀ʔɔrɔ́ lè í, pe si da wɔ́ɔ̀ fɔ̀lɔ be gi fɛ̀ɛ́w kpúmɔn poro gbáagèle na, wàlá poro kɔ́yi na lè í, a mii bele bee nyaa, a be nyán níì tɛ́ɛn fǎngi na ní Kirisi ní yɛ̀ʔɛlɛ saala kagunɔ.

Tɛ̀ɛnnɛ 4:2

A Pìicǎnni fala n mii kàriga terire. A mii fàngolo nyaa wodɛʔɛlɛ ní nyɛ̀ʔɛni ni, wàa si i nyɛ wodɛ́ɛɔn ní fàngoli bee ni.