Danyɛli 7:7 - Cebaara Bible 2010

⁷ Koro kàdoʔo ma a mii ní i wéle, n mii yaʔa mii yébiligi yanyaaya nyaana na, a mii yawee-sicɛrɛ wóʔo nyaa, yaweepeʔe gi pye, gee gi pye lè fyáara wóʔo ní, bìngaara fanʔa n pye gi ni. Tunmɔrɔ gǎngboloyo n pye gi na. Ki maa ni líi ní i tɔ́nʔɔnɔni kpéʔele, ní i wogorori tánʔana ní tɔ́lɔyi ní. Ki maa fàli yaweeseliyi myɛ na, nyɛngéle kɛɛ maa pye gi na.

Danyɛli 7:7 Iomraidhean Croise

2 Samyɛli 22:43

Mii i be purɔ ni kàragí àmɛɛ támiige nyɛ lè. Mii i be tánʔana àmɛɛ kàlari-kóloyi fáriga nyɛ lè.

Zyɔbi 41:14

Fǎngi i nyɛ wodɛ́nʔɛ ní ki yátiigi ni, fyáara si i yegi gi yɛʔɛ̀ ma.

Ezekyɛli 40:2

Kolocɔlɔɔ yanyaaya ni wi kári ní mii ní Isirayɛli tári ma, ní sáà mii télege nyanbe-nyundɔnɔ-tèlege na, gee na ki da pye lè móō kàʔa n faan yaà wòrogulo kàbangi na.

Danyɛli 2:19

Lǎli bee ni a kalarali tɛ̀ɛn Danyɛli na yanyaʔa ni yébiligi ni. A Danyɛli si nyɛ̀ʔɛgèle Kolocɔlɔɔ kpɔ̀ʔɔrɔ.

Danyɛli 7:13

Mii maa ni wéle mii yébiligi yanyaaya làla ni, wéle, wàa maa pan nyɛ̀ʔɛni fàfaanya ni, wi maa pye àmɛɛ Syɔɔn-pya nyɛ lè. A wi i syée Wolɛɛtelew ma, a be wi nùuni wi na.

Danyɛli 7:2

Danyɛli n gi joo níì jo: «Mii maa ni wéle, a mii gi nyaa yanyaʔa ni, yébiligi ni, wéle, nyɛ̀ʔɛni kàbanya sicɛrɛ káfalaya maa ni funu ní fànʔa ní, sólomi lòkpɔʔɔ na.

Danyɛli 8:10

A li yìri fwɔɔ n sáà nan nyɛ̀ʔɛni sùlasiibéle na, àlí n sùlasiibèle bee pèle, ní ŋɔripiigèle kèle kíle n cáan tári na n tánʔana.

Danyɛli 8:22

A gi baa kabi, yee sicɛrɛ si yi yiri gi sìndɛɛgi ni lè, yoro i nyɛ fànya sicɛrɛ, yee yi a yìri syɛɛnfelegi bee ni lè, kàjáa yi fǎngi si a gee wóʔo kwɔ́ɔ í.

Zakarii 2:1

Mii maa nyapiigèle yìrige ni wéle, a mii yanyaagaa nyaa. Wéle, ki maa pye nyɛngéle sicɛrɛ.

Tɛ̀ɛnnɛ 12:3

A mii níì fɛ̀ɛwaa nikwɔɔ nyaa nyɛ̀ʔɛni ni, wi maa pye yacobeʔe, ki maa kpɔ́ʔɔ gbanʔama ní i nyɛ́nɛgi, ní i nyɛ ní nyùnyo kɔrɔsiin, ní nyɛ́ngéle kɛɛ ní, níì fànʔafɔ-nyùndɔngéle kɔrɔsiin tɔ́n ki nyúnyi ni.

Tɛ̀ɛnnɛ 13:1

A mii yaweʔe nyaa, a gi i yirigi sólomi lɔ̀ʔɔ ni, nyɛngéle kɛɛ ní nyùnyo kɔrɔsiin maa pye gi na, á gi fànʔafɔ-nyùndɔngéle kɛɛ tɔ́n gi nyɛ́ngèle na, Kolocɔlɔɔ mɛ́ɛkalagiri mɛ́ɛyɛ maa sɛ́bɛ gi nyúnyi na.

Tɛ̀ɛnnɛ 17:12

Nyɛ́ngèle kɛɛ mɔ nyaa lè, ke i nyɛ fànʔafɔɔlɔ kɛɛ, bele be lè pe ga kɔ́ɔ̀ tɛ́ɛn fǎngi na í, kàjáa pe si a ba tɛ́ɛn fǎngi na bi lɛ́ɛri nibin kwɔ́ɔ ní yaweegi ní.

Tɛ̀ɛnnɛ 17:7

A nyɛ̀ʔɛni tunduɔn mii pye: «Nyàʔá na mɔ káama gi na? Wéle, mii a céw kalarala tɛ̀ɛn mɔ na, n fàra yaweegi wólo na, gee na wi tɛ́ɛn lè, koro gee gi nyɛ lè ní nyǔnyi kɔrɔsiin, ní nyɛ́ngèle kɛɛ ní.

Tɛ̀ɛnnɛ 17:8

Yaweegi bee mɔ nyaa lè, ki maa pye beè, ki si ní o nyɛ í. Ki a ba yìri bi yiri weecurugi ni bi kári kálagili ma. Tári syɛ̀ɛnnɛ be nyɛ lè pe mɛ́ɛyi ga sɛ́bɛ sìíw sɛ́bɛ ni í nlaa yaà dulunyanw sélimɛ na, bele bee ga baa yaweegi bee nyaa lǎlee ni lè, pe a ra káama gi na, níì cán ki maa pye beè, ki si ní o nyɛ í, ki si a ní ba nyaa.