Danyɛli 7:4 - Cebaara Bible 2010

⁴ Wozeligi maa pye àmɛɛ càaraɔ nyɛ lè, ní i nyɛ ní nyɔɔ̀ fókaanya ní. N mii yaʔa gi wéleli na, a mii gi nyaa a pe baa fókaanyi kíle n láʔa gi na, níì gi yìrige n láʔa tári na, níì gi yérige gi tɔ́lɔyi siin na àmɛɛ syɔɔn nyɛ lè, á syɔɔn fúngo kaan gi ma.

Danyɛli 7:4 Iomraidhean Croise

2 Samyɛli 1:23

Sawuli ní Zyonatan maa tɛ́nɛ níì bɛ̀ɛ pe sìíw ni Pe sìíw ni yoo, kùúw làla ni yoo, pe ga téè láʔa peyɛɛ na pe làriguuli ni í. Pe maa cólogo n sɔ̀lɔ nyɔɔbèlē na. Pe fǎngi maa nɛʔɛ n sɔ̀lɔ càarabēle wóʔo na.

Zyɔbi 25:6

n náa kɔ́ɔ̀ yére syɔɔn na wi nyɛ lè fyɛnʔɛ yagana, syɔɔn pya wi lè fyɛɛnpiige yagana.»

Ŋúnuyi 9:20

Ki n yɛlɛ mi yìri, ee Yawe, syɔɔn ga yɛlɛ wi kɔ́ fànʔa taa í! Kútiiw n yɛlɛ wi kúun syɛɛnfeleyi na mɔ yɛ́ʔɛ ma!

Zyeremii 25:38

Wi n wi tɛɛkòrogi yaʔa àmɛɛ càaraɔ nyɛ, wee wi wi tɛɛlàragi yaʔa lè. Níì cán pe tári n kàri tɛɛ̀kalagiga kálagifɔw fundanʔagbɔɔrɔ, ní wi fundanʔari káfugbanga báriga ni.

Zyeremii 4:13

Wi wéle, wi i maa àmɛɛ fàfaanya nyɛ lè! Wi kapɛɛnkpumɔn-wòtorobèle i nyɛ àmɛɛ káfala-sìnjinnɛ nyɛ lè, wi syɔ́ɔnyi n cólogo n sɔ̀lɔ nyɔ́ɔbèle na. Wɔʔɔlɔ i nyɛ wolo na, níì cán wolo n kálagi!

Zyeremii 4:7

Càaraw n ye n yiri wi tɛɛlàragi ni, syɛɛnfeleyi kálagifɔlɔ i nyɛ n kwɔ́ɔ tánʔani na, wi n yiri n kwɔ́ɔ wi tɛɛkòrogi ni bi mɔ tári kálagi. Mɔ keyi a pye kataya, syɛ̀ɛnnɛ a ní pye yi ni í.

Zyeremii 48:40

Níì cán Yawe wi syɛ́ɛnri naa joo níì jo: «Wéle, wi i yìrigí àmɛɛ nyɔɔ̀ nyɛ lè, níì wi fókaanyi sánʔa Mowabi ǹjogi ni.

Zyeremii 49:19

Wéle, àmɛɛ càaraɔ nyɛ, wee wi yirigi Zyuridɛn tɛɛ̀tɔ́nyi ni lè ni syée tɛɛkòrogi ma, gee gi nyɔɔ lè. Mii a Edɔmi yaʔa wi fàn bi núngo yaà làla nibin ni, si wi télege yaà, wee mii nyɛ́nɛ n wòlo lè. Níì cán wìí wi nyɛ mii félege? Wìí wi a gbǎn mii yeri kútii na? Bànaʔawìí wi nyɛ bi gbǎn soro yére mii yɛ́ʔɛ ma?»

Kayaagi Nyɛnigɛ 4:19

Wolo nɛnɛfɔbèle maa cólogo n sɔ̀lɔ nyɔ́ɔbèle na be yìrigí ǹjogi ni lè. Nyanbeleyi na yoo, pe n taʔa wolo na ni nɛnɛ. Pe n làra n wolo sige fìími tára ni.

Ezekyɛli 17:3

Ki joo mí jo: ‹Kàfɔw Yawe n jo: Nyɔɔdàdagi fókaanya yi tɔnɔ lè, a gi fókaanyi síire tɔnɔ, á síinyɔngɔ-nyɔngɔri gi tɔ́n, ki n pan Liban ma, ní baa sɛdiri tíigi fínaana láʔa yaà.

Ezekyɛli 28:2

«Syɔɔn-pya, ki joo Tiiri fànʔafɔw ma mí jo: ‹Kàfɔw Yawe wi syɛ́ɛnri naa joo níì jo: Kpɔɔmɔ n baa jée mɔ fúngi ni, a mɔ gi joo níì jo: Mii i nyɛ Kolocɔlɔɔ, mii n tɛ́ɛn kolocɔlɔbèle kòlo na sólomi lòyo nínge ni! Bi gi taa mɔ na, mɔ i nyɛ syɔɔn, kolocɔlɔɔ ban mɔ nyɛ í, á mɔ si mɔ sɔnguri pye mɔ a jo Kolocɔlɔɔ wóri dii.

Ezekyɛli 28:9

A mɔ a ní gi joo lé mɔ kpóofɔw yɛ́ʔɛ ma si jo: Mii i nyɛ kolocɔlɔɔ? Mɔ a kòro syɔɔn mɔ kpóofɔw kɔ́lɔ láara ni, mɔ a tée pye kolocɔlɔɔ í.

Danyɛli 2:38

Tɛʔɛ o tɛʔɛ ni syɔɔn piibèle nyɛ wodɛ́ɛnbéle ní lè, wi n bele bee ní sìnbirigi yaweere, ní féjɛɛnri le mɔ kɔ́yi ni, níì mɔ télege toro myɛ nyúngo na. Mɔ wi nyɛ tɛ́ɛw nyúngo.

Danyɛli 7:12

A yaweeyee wozanya fànʔa syɔɔ yi ma, kàjáa pe maa sìi canya cɛɛri kaan yi ma, a yi kòro beè n làlaa kwɔ́ɔ.

Danyɛli 7:5

Yaweesiin wógi wéle gee, ki maa ursi wíri. Ki maa yìri n yére lɛ̀ʔɛlɛ nibin na, kótiiye taanri si i nyɛ ki ma nyɔ́ɔgi ni, a gi yi kpàra ní gǎngèle ní. A pe gi pye: ‹Yìri mi kaara saʔa káa.›

Matye 24:28

Yakuugo ga pye tɛ́ɛgee ni lè, nɛɛ bee kàcɔʔɔri a tiyɛɛ gbóʔoro.

Làlwaw Kaanziin 28:49

Yawe a syɛɛnfelegaa yìrige yaà léelige mɔ kánmi na tári láʔagéle ma bi wáa mɔ na. Ki a fùuri bi tɔ́n mɔ na àmɛɛ nyɔɔ̀ nyɛ lè. Ki a pye syɛɛnfelegaa, gee gi lè mɔ a ra gi syɛ́ɛnri lúro í.

Tɛ̀ɛnnɛ 13:2

Yaweegi mii da nyaa lè, ki maa sèjɔɔn wíri, kàjáa ki tɔ́lɔyi maa ursi wóyo wíri á gi nyɔ́ɔgi si càaraɔ wóʔo wíri. A yacobeegi gi fǎngi, ní gi fàngoli, ní gi séekpɔɔw kaan yaweegi bee ma.