Danyɛli 7:23 - Cebaara Bible 2010

²³ A wi gi joo mii ma kánmi naa na níì jo: ‹Yawee-sicɛrɛ wógi i nyɛ fànya sicɛrɛ wógi, gee ki a ba pye naa tári na lè, ki a fàli fànzanyee myɛ na, ki a tári myɛ lìi si di tánʔana si di tɔ́nʔɔnɔ.

Danyɛli 7:23 Iomraidhean Croise

Danyɛli 2:40

Fànsicɛrɛ wóʔo si ní ba yìri, gee ki a nìri àmɛɛ tunmɔrɔ nyɛ lè. Amɛɛ túnmɔri yáriri myɛ jee ni di kàragí lè míige, ànbée fǎngi bee a wɔ́ɔ ba ra jaali ní tɔ́nʔɔnɔni kpéʔele àmɛɛ túnmɔri yáriri myɛ jee lè.

Danyɛli 7:22

fwɔɔ n taa a Wolɛɛtelew pan, ní baa tànʔa kaan wee wi nyɛ Pe Myɛ Nyúngo na lè woro wojanbèle ma, fwɔɔ n taa a lǎli baa nan, lee ni fǎngi baa pye lè wojanbèle wóʔo.

Danyɛli 7:24

Gee gi nyɛ́ngèle kɛɛ kéele kwɔ́ɔ lè, gele bee i nyɛ fànʔafɔɔlɔ kɛɛ, bele pe a ba yìri fǎngi bee ni lè. Wàa nikwɔɔ si ba yìri bele kàdoʔo ma, wi ní wozelibèle a pye sèjira í, wi a fànʔafɔɔlɔ taanri cáan si fǎngi láa.

Danyɛli 7:7

Koro kàdoʔo ma a mii ní i wéle, n mii yaʔa mii yébiligi yanyaaya nyaana na, a mii yawee-sicɛrɛ wóʔo nyaa, yaweepeʔe gi pye, gee gi pye lè fyáara wóʔo ní, bìngaara fanʔa n pye gi ni. Tunmɔrɔ gǎngboloyo n pye gi na. Ki maa ni líi ní i tɔ́nʔɔnɔni kpéʔele, ní i wogorori tánʔana ní tɔ́lɔyi ní. Ki maa fàli yaweeseliyi myɛ na, nyɛngéle kɛɛ maa pye gi na.

Luki 2:1

Lǎli bee ni a Sezari Ogusiti tundunro tun wi tári tɛ́ɛyɛ myɛ ni níì jo be syɛ́ɛnbèle myɛ córo.