Danyɛli 7:18 - Cebaara Bible 2010

¹⁸ Kàjáa, wee wi nyɛ lè Pe Myɛ Nyúngo na, woro wojanbèle a ba fǎngi taa, fǎngi a pye be woʔò làla o làla kwɔ́ɔmɔ fun.

Danyɛli 7:18 Iomraidhean Croise

Ŋúnuyi 45:16

Pe i maa ní be ní fundaanra ní mugurumɔ nínge ni, pe i jǐn fànʔafɔ-gbaagi ni.

Ŋúnuyi 49:14

Bele be tága peyɛɛ na lè nyùngo fun, koro gi nyɛ be kwɔ́ɔmi. Pe syɛ́ɛnri si i be taʔafɔbèle dàán. Ŋɔ́ndaala

Ezayi 14:2

Syɛɛnfeleyi a ba be láa si lúru pan ní be ní be tári ma, Isirayɛli kpáagi wòolo si be taa kɔrigɔ Yawe tásaligi na, pe pye àmɛɛ pulonànbēle ní pulocabala nyɛ lè. Bele pe da be cò n kári púlori na lè, bele bee a ba pye be pulobèlē, bele pe da be fǎngi gbàn be na lè, pe a ba bele bee kùru.

Danyɛli 7:14

A be kùndigiri, ní kpɔ́ʔɔri, ní fǎngi kaan wi ma. A syɛ́ɛnbèle myɛ, ní syɛɛnfeleyi, ní syɛɛnfeleri myɛ joofɔɔlɔ i báara wi ma. Wi kùndigiri i nyɛ bàngwɔɔ kùndigire, ti a tée kwɔ́ɔ í, wi fǎngi si a tée kálagi í.

Danyɛli 7:17

Yaweekpoloyi bee yi pye lè sicɛrɛ, yee bee i nyɛ fànʔafɔɔlɔ sicɛrɛ, bele pe a ba yìri naa lè tári na.

Danyɛli 7:22

fwɔɔ n taa a Wolɛɛtelew pan, ní baa tànʔa kaan wee wi nyɛ Pe Myɛ Nyúngo na lè woro wojanbèle ma, fwɔɔ n taa a lǎli baa nan, lee ni fǎngi baa pye lè wojanbèle wóʔo.

Danyɛli 7:25

Wee wi nyɛ Pe Myɛ Nyúngo na lè, wi a ra syɛɛnpeeri nyuu woro na, wee wi nyɛ Pe Myɛ Nyúngo na lè wi a ra woro wojanbèle wɔʔɔ gbanʔama, wi a ra caa bi làrigèle ní làlwaw kàriga, wojanbèle a le wi kɔ́yi ni bi taa làla nibin ní làrigèle kèle, ní làlaa tíla í ba kwɔ́ɔ.

Danyɛli 7:27

Fǎngi, ní kùndigiri, ní nyɛ̀ʔɛni láara fanya myɛ kpɔ́ʔɔrɔ a kaan, wee wi nyɛ Pe Myɛ Nyúngo na lè woro wojanbèle syɛɛnfelege ma. Wi fǎngi a pye bàngwɔɔ fànʔa, kùndigibèle myɛ a ra báara wi ma sáā lúro wi ma.›

Abidyasi 1:17

Kàjáa wogorobèle a pye Siyɔn nyanbelegi na, Pe a pye wojanbéle ní, Zyakɔbi kpáagi wòolo a ní be tálɛɛgèle taa.

Luki 1:33

Wi a ba pye Zyakɔbi yòdaʔayi fànʔafɔlɔ làla o làla, níì cán wi fǎngi a tée kwɔ́ɔ bi nyaa nyáana í.»

1 Korɛnti ye 6:2

Yele ga gi cán ncan Kolocɔlɔɔ syɛɛncanbèle a ba kútiiw kúun dulunyanw syɛ̀ɛnnɛ na ì? Ki si ga pye yele a ba kútiiw kúun dulunyanw syɛ̀ɛnnɛ na, yele ga yɛlɛ bi gbǎn ra kapiipiigèle cɔɔnri yeyɛɛ níngi ni ì?

Efɛzi ye 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní wi lè wi Tóow, woro wee wi Pìicǎnni kpɔ́ʔɔrɔ féleye myɛ kaan lè wolo ma nyɛ̀ʔɛni tɛ́ɛyɛ ni àmɛɛ wolo nyɛ lè Kirisi ni.

Efɛzi ye 6:12

Níì cán syɛ́ɛnbèle ní ban wolo gbɛ̀ɛ́w cáan í, fwɔɔ fànʔafɔbèle, ní séekpɔɔw fɔ̀ɔlɔ, ní dulunyanw naa yébilimɛ fànʔafɔɔlɔ, ní nyɛ̀ʔɛni tɛ́ɛyɛ madenɛʔɛmɛ ní wo wi cáan.

Tɛ̀ɛnnɛ 20:4

A mii fàngorigēle nyaa. Bele pe da pye ge na lè wodɛ́ɛnbéle ní, a be fànʔa kaan bele bee ma paa kútiiw nyuu. Bele nyúnyo pe da cɛnɛ lè Zyezu séeraw kpéʔelele kéele na, ní Kolocɔlɔɔ syɛ́ɛnri kéele na, àmɛɛ be nyɛ lè pe da fɔ̀lɔ ni yaweegi ní ki niwirigi kpɔ̀ʔɔrɔ́ lè í, pe si da wɔ́ɔ̀ fɔ̀lɔ be gi fɛ̀ɛ́w kpúmɔn poro gbáagèle na, wàlá poro kɔ́yi na lè í, a mii bele bee nyaa, a be nyán níì tɛ́ɛn fǎngi na ní Kirisi ní yɛ̀ʔɛlɛ saala kagunɔ.

Tɛ̀ɛnnɛ 22:5

Yébilige a ní pye yaà í, pe màko a ní pye fètinnɛ gbɛ̀ɛnmɛ na í, wàlá cángi wómɔ na í, níì cán Kàfɔw Kolocɔlɔɔ a ra gbɛ̀ɛ́nmi yirigi be ma. Pe a pye fànʔafɔɔlɔ làla o làla kwɔ́ɔmɔ fun.

Tɛ̀ɛnnɛ 3:21

Wee wi ga fànʔa taa lè, mii a wee bee yaʔa wi tɛ́ɛn mii taana mii fàngoli ni, àmɛɛ mii wɔ́ɔ̀ fànʔa taa lè ní sáà tɛ́ɛn mii Tóow taana wi fàngoli ni lè.

Tɛ̀ɛnnɛ 5:10

Mɔ n be kpéʔele wolo Kolocɔlɔw ma fànnyɔɔgaa, gee ni be nyɛ lè sáriga-wòlobēle, pe si a ba pye fànʔafɔɔlɔ tári na.»