Danyɛli 7:13 - Cebaara Bible 2010

¹³ Mii maa ni wéle mii yébiligi yanyaaya làla ni, wéle, wàa maa pan nyɛ̀ʔɛni fàfaanya ni, wi maa pye àmɛɛ Syɔɔn-pya nyɛ lè. A wi i syée Wolɛɛtelew ma, a be wi nùuni wi na.

Danyɛli 7:13 Iomraidhean Croise

Ŋúnuyi 110:2

Yawe a mɔ fangi kàgbeele nyáʔana Siyɔn ni. Tɛ́ɛn fǎngi na mɔ nigoobèle nínge ni!

Ŋúnuyi 2:8

Mii nyɛ́ɛri, mii a tári syɛɛnfeleye kaan mɔ ma yi pye mɔ kɔ́rigɔ, bi tári láʔagéle fáliga kaan mɔ ma.

Ŋúnuyi 47:5

Wi n wolo kɔ́rigi nyɛ́nɛ n wòlo wolo ma, ki lè wi syɛɛn-nidaanmaw Zyakɔbi nìjanri. Ŋɔ́ndaala

Zyeremii 49:19

Wéle, àmɛɛ càaraɔ nyɛ, wee wi yirigi Zyuridɛn tɛɛ̀tɔ́nyi ni lè ni syée tɛɛkòrogi ma, gee gi nyɔɔ lè. Mii a Edɔmi yaʔa wi fàn bi núngo yaà làla nibin ni, si wi télege yaà, wee mii nyɛ́nɛ n wòlo lè. Níì cán wìí wi nyɛ mii félege? Wìí wi a gbǎn mii yeri kútii na? Bànaʔawìí wi nyɛ bi gbǎn soro yére mii yɛ́ʔɛ ma?»

Ezekyɛli 1:26

Yarigaa n pye nyɛ̀ʔɛnɛ niwirigi bee ǹjoʔo ni gi pye yi nyúnyi ni lè, ki maa safiiri wíri. Ki kánmi maa pye àmɛɛ fàngolo nyɛ lè, wàa si maa pye fàngoli bee niwirige na àmɛɛ nàɔn nyɛ lè.

Danyɛli 2:44

Fànʔafɔbèle bee làla ni, nyɛ̀ʔɛni Kolocɔlɔɔ a fàngaa télege, gee gi lè ki a tée kálagi í, fǎngi bee a tée jée syɛɛnfelegaa fànʔa kɔ́yɔ ni í. Ki a fǎnyi bee myɛ tɔ́nʔɔnɔ bi kwɔ́ɔ, koro tiimaa si kòro beè kwɔ́ɔmɔ fun.

Danyɛli 7:12

A yaweeyee wozanya fànʔa syɔɔ yi ma, kàjáa pe maa sìi canya cɛɛri kaan yi ma, a yi kòro beè n làlaa kwɔ́ɔ.

Danyɛli 7:2

Danyɛli n gi joo níì jo: «Mii maa ni wéle, a mii gi nyaa yanyaʔa ni, yébiligi ni, wéle, nyɛ̀ʔɛni kàbanya sicɛrɛ káfalaya maa ni funu ní fànʔa ní, sólomi lòkpɔʔɔ na.

Danyɛli 7:22

fwɔɔ n taa a Wolɛɛtelew pan, ní baa tànʔa kaan wee wi nyɛ Pe Myɛ Nyúngo na lè woro wojanbèle ma, fwɔɔ n taa a lǎli baa nan, lee ni fǎngi baa pye lè wojanbèle wóʔo.

Danyɛli 7:9

«N mii yaʔa wélegi na, a mii gi nyaa a pe baa fàngorigēle tɛ́ʔɛ tɛ́ʔɛ, á Wolɛɛtelew baa tɛ́ɛn. Wi búroyi maa fílige àmɛɛ lànɛɛzyiw nyɛ lè, á wi ǹjoori fílige àmɛɛ bàsiitelere nyɛ lè. Wi fàngoli si i nyɛ àmɛɛ naanyìnye nyɛ lè. Li sàkoyi si i nyɛ àmɛɛ naagbanga nyɛ lè.

Danyɛli 8:15

Mii Danyɛli, n mii yaʔa yanyaagi bee wélele na, ní i caa mii í gi kɔ́rɔw cán, wéle, a mii nàɔn niwirige nyaa niyɛɛ yɛ́ʔɛ ma woyéreo ní.

Matye 13:41

Syɔɔn-pya a ba wi tundunbèle tórigo koro ga pye yariga o yariga gi syɔɔn pùuní lè be sa gee bee ní kakolobyebèle myɛ kpóʔoro bi yirige woro fǎngi ni,

Matye 24:30

Lǎli bee ni pe a Syɔɔn-pya fɛɛw nyaa nyɛ̀ʔɛni na, tári syɛ̀ɛnnɛ myɛ sáā nyaan bàā peele, si wɔ́ɔ Syɔɔn-pya nyaa waa maa fàfaanyi ni ní séew, ní nìjangbɔɔri ní.

Matye 25:31

«Lǎli ni Syɔɔn-pya ga pan lè ní wi nìjangbɔɔri ní n fàra nyɛ̀ʔɛni tundunbéle myɛ na, lǎli bee ni wi a ba tɛ́ɛn wi nìjangbɔɔri fàngolo ni.

Matye 26:64

A Zyezu wi yari: «Ɛɛn, mii wii. Mii si a gi joo yele ma, yele a kɔ́ Syɔɔn-pya nyaa wodɛ́ɛɔn ní séew myɛ fɔ́lɔ Kolocɔlɔɔ kàliige ma, si wɔ́ɔ kɔ́ wi nyaa waa maa fàfaanyi ni.»

Matye 28:18

A Zyezu ga nan be na, a wi gi joo be ma níì jo: «Nyɛ̀ʔɛni ní tári sée myɛ n kaan mii ma.

Matye 8:20

A Zyezu wi pye: «Weegèlē i nyɛ sɔ́riyi ma, zyàara si i nyɛ féjɛɛngèle ma, kàjáa nyùngo tɛɛ̀légege o nyɛ Syɔɔn-pya ma í.»

Mariki 13:26

Lǎli bee ni pe a Syɔɔn-pya nyaa waa maa fàfaanyi ni ní séekpɔɔw, ní nìjangbɔɔri ní.

Luki 21:27

Lǎli bee ni ‹pe a Syɔɔn-pya nyaa waa maa fàfaangaa ni› ní séew, ní nìjangbɔɔri saʔa ní.

Luki 21:36

Ye kòro nyɛ̀nɛ na làrigèle myɛ ni, yáā Kolocɔlɔɔ nyɛ́ɛri, koro ga pye yele í ba fànʔa taa bi syɔɔ kérigèle bee myɛ ma ge maa lè, si taa bi yére Syɔɔn-pya yɛ́ʔɛ ma.»

Luki 24:27

Syɛ́ɛnree myɛ ti da sɛ́bɛ lè Kolocɔlɔɔ syɛɛnsɛbɛri ni wi kéeli na, a wi séli Mowizi wóri na ní kanyaajoobèle wóro myɛ ní n toro myɛw kɔ́rɔ tɛ̀ɛn be na.

Zyan 12:34

A syɛ́ɛnmi wi yari: «Pe i gi nyuu wolo ma Mowizi làlwaw sɛ́bɛ ni níì jo Kirisi a ba kòro beè sìi na làla o làla kwɔ́ɔmɔ fun. Mɛ̀ɛ́ si gi nyɛ á mɔ jo pe a kɔ́ ba Syɔɔn-pya yìrige bi yérige? Wìí wi nyɛ Syɔɔn-piiw bee?»

Zyan 3:13

Syɔɔn faala ga kɔ́ɔ̀ lúgu yaà nyɛ̀ʔɛni na í, kapye wee ban wi yìri lè nyɛ̀ʔɛni na n tìgi naa tári na í, woro wi nyɛ Syɔɔn-pya, wee wi nyɛ lè nyɛ̀ʔɛni wóo.

Zyan 5:27

ní wɔ́ɔ̀ fǎngi kaan wi ma waa kútiiw nyuu, níì cán wi i nyɛ Syɔɔn-pya.

Kapyegèle 7:56

A wi jo: «Wéle, mii n nyɛ̀ʔɛni nyaa womúgulo ní, níì Syɔɔn-pya nyaa woyéreo ní Kolocɔlɔɔ kàliige ma.»

1 Tesaloniki ye 4:17

Koro kàdoʔo ma wolo bele wo ga kòro lè woweebèlē ní, Kolocɔlɔɔ a náa wolo láa lúrugo ní be ní fàfaanyi ni Kàfɔw tɛɛfaraga ni ǹjoʔo ma, kánmi bee na wolo a ba pye ní Kàfɔw ní làla o làla.

1 Timɔte 6:16

woro wee nibin wi nyɛ lè bànguu, woro wee wi nyɛ lè gbɛ̀ɛ́nmi ni bee bi lè syɔɔn a gbǎn nùuni bi na í, syɔɔnwaa faala si ga kɔ́ɔ̀ wi nyaa í, pe wàa a wɔ́ɔ gbǎn wi nyaa í, woro na kpɔ̀ʔɔrɔli ní séew yɛlɛ làla o làla! Amiina.

Heburubèle 2:14

Amɛɛ pìíbèle nyɛ lè sìsyaan ní cere, koro na wi tiimaa wɔ́ɔ baa pye kánmi bee wonijanma na, níì kùu jàngó woro kùúw báriga ni woro í kùúw fɔ́lɔ jáa wi lè Dàzɔɔnw,

Heburubèle 9:24

Níì cán tɛɛcǎngi syɔɔn kɔ́lɔ da kpéʔele lè, a gi kányɛɛgi wóʔo wíri, Kirisi ga jée gee bee ni í, kàjáa wi n jée nyɛ̀ʔɛni tiimaa ni n wiyɛɛ dɛ̀ɛn Kolocɔlɔɔ na tɔ́ɔliw ni wolo kéeli na.

Tɛ̀ɛnnɛ 1:13

wàa si maa pye ge níngi ni, wi maa syɔɔn-pya wíri. Burodɔnɔgɔ maa pye wi na, fwɔɔ n baa nan yédefabiyi na, tɛɛ̀ sɛntiiri maa pye wi na wobwɔɔɔ ní fìcibigi ni.

Tɛ̀ɛnnɛ 1:18

mii wi nyɛ Woweew. Mii maa kùu, kàjáa wéle, mii ní i nyɛ sìi na làla o làla kwɔ́ɔmɔ fun. Mii má kùúw ní kúbèle tɛɛkòrogo làkilebéle nyɛ.

Tɛ̀ɛnnɛ 1:7

Ye wéle, wi i maa ní fàfaanyi ní. Nyapiigèle myɛ si a ba wi nyaa, àlí bele pe da wi súu lè. Tári syɛ̀ɛnnɛ myɛ a ba ra sùpiigèle wáa wi kéeli na. Anbée ki a ba pye. Amiina.

Tɛ̀ɛnnɛ 14:14

A mii wéle n fàfaanfiige nyaa, wàa si i nyɛ gi na wodɛ́ɛɔn ní wee wi syɔɔn-pya wíri lè. Fànʔafɔ-nyùndɔnnɔ maa pye wi nyúngi ni, tɛɛ̀ wólo, kɔnidanʔa si i nyɛ wi kɔ́gi ni.