Danyɛli 7:11 - Cebaara Bible 2010

¹¹ A mii i wéle lǎli bee ni, àmɛɛ nyɛ́nni bee da ni joogbɔɔmi nyuu lè. N mii yaʔa wélegi na, a be yaweegi kpóo, a gi céri kálagi, a be gi le náagi ni n gi sórigo.

Danyɛli 7:11 Iomraidhean Croise

Danyɛli 11:45

Wi a wi fànʔafɔ-gbaagi fànikpaaya kóri sólomi lòyo nínge ni, nìjanri nyanbejànga kàbaan na. Koro kàdoʔo ma wi a nan wi kwɔ́ɔmi na, syɔɔn faala a wi dɛ̀ɛmɛ í.

Danyɛli 7:12

A yaweeyee wozanya fànʔa syɔɔ yi ma, kàjáa pe maa sìi canya cɛɛri kaan yi ma, a yi kòro beè n làlaa kwɔ́ɔ.

Danyɛli 7:8

Mii maa ni sɔ̀ngí nyɛ́ngèle kéele na, wéle, a nyɛnbilaa níì yiri gele nínge ni, a nyɛnzeligèle kèle taanri kɔ́n li yɛ́ʔɛ ma. Wéle nyapiigèlē maa pye nyɛ́nni bee na àmɛɛ syɔɔn nyapiigéle nyɛ lè, a nyɔɔ wɔ́ɔ̀ pye li na, gee ki da ni joogbɔɔmi nyuu lè.

Danyɛli 8:25

Wi cánni báriga ni, ní àmɛɛ wi námara kérigèle a ra nyɔɔgi lè, wi a ra wiyɛɛ gbɔ́ʔɔgi fúngi ni, bele be tɛ́ɛn lè sági yɛɛ̀nyinge na, wi a poro pèle saʔa kálagi, si yìri kùndigibèle Kùndigi kánma na. Kàjáa wi a kálagi syɔɔn kɔ́lɔ fun ni.

2 Tesaloniki ye 2:8

Lǎli bee ni Kapeegèle Syɔ́ɔn a wiyɛɛ dɛ̀ɛn, woro wee Zyezu a ba kpóo lè ní wi nyɔ́ɔgi káfalaga ní, si wi kálagi péw woro panni nìjanra darigala báriga ni.

2 Pyɛri 2:18

Bele be náà séli n syɔɔ lè kavɔn n yiri kobuunugi tánʔafɔɔlɔ nínge ni, a be i nɛ̀ɛnyɛnɛgɛ nyungo fun syɛ́ɛnri nyuu bele bee ma, ní i be lɛ́ɛlɛ bàā có ní céri ki laànitaʔa kanɔnʔɔbeere ní.

Zyudi 1:16

Nǎnbèle bee i kɔ́nʔɔri ní i kabala ni nyuu, ní i táanri ni yɛlɛgi ní be céri ki laànitaʔa kele ní, ní i nɛ̀ɛnyɛnɛgi syɛ́ɛnrɛ nyuu, ní i syɛ́ɛnbèle lɛ́ɛlɛ ni líi.

Tɛ̀ɛnnɛ 18:8

Gee bee na ki wɔʔɔyi a ba too gi na canʔa nibin fúngo ni, yoro yi nyɛ kùúw, ní kùu káyaagi, ní kateekpɔɔgi, náagi a ba gi sórigo kálagi. Níì cán Kàfɔw Kolocɔlɔɔ fǎngi n nɛʔɛ, woro wee wi a gi kútiiw joo ceri lè.»

Tɛ̀ɛnnɛ 19:20

A wi fala n yaweegi cò n fàra kanyaajoo-fáanaw na, woro wee wi da ni fɛ̀ɛ́bèle kpéʔele lè ki yɛʔɛ̀ ma, fɛ̀ɛ́bèle bele báriga ni wi da ni syɛ́ɛnbèle fáana, bele na yaweegi fɛ̀ɛ da pye lè, ní bele pe da ni ki niwirigi kpɔ̀ʔɔrɔ́ lè. A syɔ́ɔngi tɛ́ɛnfɔlɔ fala n be siinw wáa woweebèlē ní naakpɔɔgi ni gee ni dìrigíw sóori lè,

Tɛ̀ɛnnɛ 20:10

A be fala n Dàzɔɔnw cò n wáa náagi ni gee ni dìrigíw sóori lè, woro wee wi da ni be fáana lè, tɛɛgee ni yaweegi ní kanyaajoo-fáanaw nyɛ lè. Pe a ra wɔʔɔ yaà canʔa ní yébilige làla o làla kwɔ́ɔmɔ fun.

Tɛ̀ɛnnɛ 20:12

Kúbèle be nyɛ lè wogbolobèle n fàra woyilibèle na, a mii bele bee nyaa woyérebéle ní fàngoli yɛ́ʔɛ ma. A fàngoli tɛ́ɛnfɔlɔ fala n sɛ́bɛbéle múgu, a wi níì sɛ́bɛwaa nikwɔɔ múgu, wee wi nyɛ lè sìíw sɛ́bɛ. A wi kúbèle kútii joo n yɛlɛ ní be kapyegèle ní, gele ge sɛ́bɛ lè sɛ́bɛbèle bee ni.

Tɛ̀ɛnnɛ 20:4

A mii fàngorigēle nyaa. Bele pe da pye ge na lè wodɛ́ɛnbéle ní, a be fànʔa kaan bele bee ma paa kútiiw nyuu. Bele nyúnyo pe da cɛnɛ lè Zyezu séeraw kpéʔelele kéele na, ní Kolocɔlɔɔ syɛ́ɛnri kéele na, àmɛɛ be nyɛ lè pe da fɔ̀lɔ ni yaweegi ní ki niwirigi kpɔ̀ʔɔrɔ́ lè í, pe si da wɔ́ɔ̀ fɔ̀lɔ be gi fɛ̀ɛ́w kpúmɔn poro gbáagèle na, wàlá poro kɔ́yi na lè í, a mii bele bee nyaa, a be nyán níì tɛ́ɛn fǎngi na ní Kirisi ní yɛ̀ʔɛlɛ saala kagunɔ.