Danyɛli 7:10 - Cebaara Bible 2010

¹⁰ Naà cábiga maa ni fóo ni yirigi wi yɛʔɛ̀ ma. Wi falipyebèle maa pye saala kagunɔbèlē saʔa, selebingéle kagunɔ kagunɔbèlē saʔa si i yèré wi yɛʔɛ̀ ma. A kútiijoobèle tɛ́ɛn, á sɛ́bɛbèle múgu.

Danyɛli 7:10 Iomraidhean Croise

1 Fànʔafɔbèle 22:19

A Misye si níì jo: «Awá, ki n yɛlɛ mi Yawe syɛ́ɛnri lóʔo! Mii n Yawe nyaa wodɛ́ɛɔn ní wi fàngoli na, á nyɛ̀ʔɛni kapɛɛnkpumɔnbéle yére wi taana wi kàliige ní wi kàmɔnɔ ma.

2 Cányi kèlē 18:18

A Misye si níì jo: «Awá, ki n yɛlɛ ye Yawe syɛ́ɛnri lóʔo. Mii n Yawe nyaa wodɛ́ɛɔn ní wi fàngoli na, á nyɛ̀ʔɛni kapɛɛnkpumɔnbéle myɛ yére wi kàliige ní wi kàmɔnɔ ma.

Zyɔbi 25:3

A córogwɔɔ i nyɛ lé wi sùlasiibèle kabiya na? Wìí wi nyɛ wi gbɛ̀ɛ́nmi o yirigi wi ma í?

Ŋúnuyi 103:21

Yaa Yawe kpɔ̀ʔɔrɔ́ wi nyɛ̀ʔɛni sùlasiibéle myɛ, yele bele ye nyɛ lè wi falipyebèle ní i wi kanidaangèle kpéʔele!

Ŋúnuyi 18:8

Lǎli bee ni a tári i cúngu ní i cɛ̀lɛ́, a nyanbeleyi kàpɔɔnbēle i seri, pe maa ni cúngu níì cán wi fúngi maa tanʔa gbanʔama.

Ŋúnuyi 50:3

Wolo Kolocɔlɔw i maa, wi a ba kòro pyèrio í. Naà i sórigolo kpéʔele wi yɛʔɛ̀ ma, káfalakpɔʔɔ i nyɛ wi kàbanyi myɛ na.

Ŋúnuyi 68:17

Kàjáa nyanbeleye, yele bele ǹjoyo yi nɛʔɛ lè, nyàʔá na yele nyabɛɛnnɛ kpéʔele nyanbelegee na, gee Kolocɔlɔɔ nyɛ́nɛ n wòlo lè n pye wi tɛɛ̀tɛ́ɛnni bi kòro yaà làla o làla?

Ezayi 30:27

Wéle! Yawe mɛ́ɛgi i yìrigí tɛɛleelige ni. Wi fundanʔari káfugo n gbàn, joogbanna lii, lee li líbe lè. Wi nyɔɔwari n nyìn fundanʔagbɔɔri na, wi nyínni i nyɛ àmɛɛ naà nyɛ, gee gi sórigolo kpéʔele lè.

Ezayi 30:33

Nlaa yaà booma ni kàjegbɔnnɔ n sámaga n kwɔ́ɔ, li n sámaga fànʔafɔw kéele na, li taanigi n cùru níì kpɔ́ʔɔ, beè náagi nyín lè, ní kàjenɛʔɛrɛ ní. Yawe nyɔ́ɔgi káfalaga i gi náagi nii àmɛɛ dìrigí-nɛʔɛɔ nyɛ lè.

Danyɛli 12:1

«Lǎli bee ni Misyɛli a yìri, wi lè kùndigikpɔɔw bee, woro wee wi yére ni mɔ syɛ́ɛnbèle pìibēle dɛ̀ɛmɛ́ lè. Wɔʔɔgbɔʔɔ lala li a pye, gee gi lè ki felege da kɔ́ɔ̀ pye í nlaa syɛɛnfeleyi nyɛ beè lè fwɔɔ n taa n baa nan lǎli bee na. Lǎli bee ni mɔ syɛ́ɛnbèle bele mɛ́ɛyɛ yi a pye lè wozɛbɛyɛ ní sɛ́bɛw ni, poro a syɔɔ.

Danyɛli 7:22

fwɔɔ n taa a Wolɛɛtelew pan, ní baa tànʔa kaan wee wi nyɛ Pe Myɛ Nyúngo na lè woro wojanbèle ma, fwɔɔ n taa a lǎli baa nan, lee ni fǎngi baa pye lè wojanbèle wóʔo.

Danyɛli 7:26

Koro kàdoʔo ma kútiiw a ba kúun, pe a wi kùndigiri syɔɔ wi ma, dee ti a kálagi lè, bi pùuni bi kwɔ́ɔ gi ni péw.

Zakarii 14:5

Lǎli bee ni yele a fàn bi jée mii nyanbeleyi jǐnlɔgɔ ni, níì cán nyanbeleyi jǐnlɔgɔ a kári fwɔɔ bi sa nan Asali na. Yele a fàn àmɛɛ yele da fàn lè tári cúngolo kéele na Zyuda fànʔafɔw Ozyasi lǎli ni. Yawe mii Kolocɔlɔw a pan, wi wojanbèle myɛ a pye ní wi ní.

Matye 25:31

«Lǎli ni Syɔɔn-pya ga pan lè ní wi nìjangbɔɔri ní n fàra nyɛ̀ʔɛni tundunbéle myɛ na, lǎli bee ni wi a ba tɛ́ɛn wi nìjangbɔɔri fàngolo ni.

Làlwaw Kaanziin 33:2

Wi n jo: «Yawe n yìri Sinayii ma n pan. Wi n folo n yiri yaà Seyiiri ma n pan be ma. N wi yaʔa Paran nyanbelegi na, a wi nyɛ́ʔɛnɛ. Wi n yiri ni maa ní wojanbéle selebingéle kagunɔ kagunɔbèlē saʔa ní. Wi n pan be ma ní naà làlwa ní wi kàliige kɔ́gi ni.

Heburubèle 1:14

Nyɛ̀ʔɛni tundunbéle myɛ o nyɛ pìigēle, gele ge Kolocɔlɔɔ fáliw kpéʔele lè ì? Wi i ge tungu syɔɔli kɔriliibéle dɛɛmɛnɛ kéele na.

Heburubèle 12:22

Kàjáa yele n nùuni Siyɔn nyanbelegi, ní Kolocɔlɔɔ woweew kèkpɔʔɔ na ki lè Zyerusalɛmi, gee gi nyɛ lè nyɛ̀ʔɛni ni, ní nyɛ̀ʔɛni tundunnɛʔɛmɛ na.

Zyudi 1:14

Henɔki wi da pye lè wolo tóolɛɛbèle kɔrɔsiin wóo n séli yaà Adami na, wee bee maa téè nǎnbèle bee kéele nyaa n joo níì jo: «Wéle, Kàfɔw n pan ní wi wojanbèle ní pe nyɛ lè córomɔ fun,

Tɛ̀ɛnnɛ 11:18

Syɛɛnfeleyi fúnyo maa tanʔa, kàjáa mɔ fúngi làridanʔana si li nan, lee ni mɔ a kúbèle kútii joo ceri lè, mɔ púlobèle be nyɛ lè kanyaajoobèle, ní mɔ syɛɛncanbèle, n fàra bele na be fɛ̀ɛgí mɔ mɛ́ɛgi na lè, poro làrizarali n nan, bele be nyɛ lè woyilibèle n fàra wogbolobèle na, bele si be tári kálagi lè, á poro làrigbooli nan.»

Tɛ̀ɛnnɛ 5:11

A mii wéle n nyɛ̀ʔɛni tundunnɛʔɛmɛ nyaa, ní wɔ́ɔ̀ pi joomi lóʔo, a bi fàngoli màʔa n kpàra, n fàra nyɛ̀ʔɛni sìi yáriya ní wolɛɛbèle na, nyɛ̀ʔɛni tundunbéle nyɔɔ maa pye sirakamayɛ sirakama ní selebingéle saʔa.