Danyɛli 7:1 - Cebaara Bible 2010

¹ Babilɔni fànʔafɔw Bɛlisyasari fǎngi yɛɛzelile na, n Danyɛli yaʔa wi yasinɛgi na, a wi ŋúnɔgɔ ŋúnɔ, níì yanyaara nyaa wi pǐli ni. Koro kàdoʔo ma a wi ŋúnɔgi sɛ́bɛ, níì joo gi nyùngboloyi na.

Danyɛli 7:1 Iomraidhean Croise

Sélimɛ 15:1

Kérigèle bee kàdoʔo ma, a Yawe joo ní Abirami ní yanyaʔa ni, wi n jo: «Abirami, ki ga yɛlɛ mɔ í da fɛ̀ɛgí í. Mii wi nyɛ mɔ tunmɔzige-yárigi. Mii a tɔ̀nɔ́ tɔ̀nɔkpɔɔɔ kaan mɔ ma.»

Sélimɛ 46:2

A Kolocɔlɔɔ joo ní Isirayɛli ní yanyaaya ni, yébiligi ni. Wi maa wi yeri níì jo: «Zyakɔbi, Zyakɔbi.» A wi jo: «Cooì.»

Zyɔbi 4:13

Lǎli ni yébiligi ŋúnɔyɔ sɔ̀nguri nyáʔami lè, lǎli ni ŋúnɔgbɔɔmi pye syɔɔn ye na lè,

Ezayi 30:8

Da maa tɔ́ɔliw ni mi ba kérigèle bee sɛ́bɛ pe nyɛnɛ̀ na kàlagolo na, mí ge sɛ́bɛ sɛ́bɛ ni, koro ga pye ge kòro beè nyɛ̀ʔɛnaw kéele na, làla o làla kwɔ́ɔmɔ fun.

Ezayi 8:1

A Yawe mii pye: «Ki n yɛlɛ mi kàlagori-kpɔ́ʔɔ láa mí sɛ́bɛcándaanra sɛ́bɛ gi na mi jo: ‹Ye wári kapɛɛnni yataara kurugo ye fùuri ye tɔ́n yáriri fuguri-mí-láala na.› »

Zyeremii 23:28

Kanyaajoowee wi ga ŋúnɔgɔ ŋúnɔ lè, ki n yɛlɛ wi ŋúnɔgi bee joo wi tɛ̀ɛn. Mii syɛ́ɛnri ga wɔ́ɔ̀ nan wee na lè, ki n yɛlɛ wi di joo wi tɛ̀ɛn kányɛɛgi na. Sìge ga nyáʔami yaliipyá ni, nyàʔá gee bee a nyɔɔ?» Yawe wi jo nya.

Zyeremii 27:7

Syɛɛnfeleyi myɛ a ra báara woro, ní wi jáaw, ní wi pìinyanbiigi ma, fwɔɔ bi taa wi tári làla í wɔ́ɔ ba nan, fànnɛʔɛgɛ syɛɛnfelege, ní fànʔafɔ-gbólobéle si wi kɔ́ri waa báara poro ma.

Zyeremii 36:32

A Zyeremii sɛ́bɛmigiwaa nikwɔɔ láa n kaan Baruki ma, sɛ́bɛkanw Baruki wi lè Neriya jáaw, a woro sɛ́bɛseliw syɛ́ɛnrɛ myɛ sɛ́bɛ wi ni, dee Zyeremii níì joo wi ma lè, sɛ́bɛwee Zyuda fànʔafɔw Yehoyakimi da sórigo náagi ni lè. A syɛ́ɛnri bee félege saʔa níì fàra yaà.

Zyeremii 36:4

A Zyeremii Neriya jáaw Baruki yeri. Syɛ́ɛnri Yawe joo Zyeremii ma lè, a Zyeremii ti myɛ joo Baruki ma. Lǎli bee ni a Baruki di sɛ́bɛ sɛ́bɛmigio ni.

Ezekyɛli 1:1

Yɛ̀ʔɛlɛ toko ní kpɔrigɔ wóli yeye sicɛrɛ wógi canya kagunɔ wóʔo na, n mii yaʔa wojo-mí-káribèle nínge ni Kebaari cábigi nyɔ́ɔ na, a nyɛ̀ʔɛgèle múgu, a Kolocɔlɔɔ yanyaaya tɛ̀ɛn mii na.

Ezekyɛli 40:2

Kolocɔlɔɔ yanyaaya ni wi kári ní mii ní Isirayɛli tári ma, ní sáà mii télege nyanbe-nyundɔnɔ-tèlege na, gee na ki da pye lè móō kàʔa n faan yaà wòrogulo kàbangi na.

Danyɛli 1:17

A Kolocɔlɔɔ kérigèle cánna fúnyo kaan nìgɔcaribèle bee sicɛrɛ ma, sɛ́bɛri cánna, ní sícilimi myɛ kàbaan na. A Danyɛli yanyaayi myɛ, ní ŋúnɔyi myɛ kɔ́rɔ cán.

Danyɛli 2:1

Nebukadinezari fǎngi yɛɛziin wólo na, a Nebukadinezari ŋúnɔ ní ŋúnɔyɔ ní. A wi fúngi nyáʔami wi na, a ŋúnɔmi pɛ́ɛ wi na.

Danyɛli 2:26

A fànʔafɔw gi joo Danyɛli ma, pe wɔ́ɔ̄ yiri lè Bɛlitisyasari, níì wi pye: «A mɔ a gbǎn mii ŋúnɔgi joo lé bi tɛ̀ɛn mii na si gi kɔ́rɔw joo?»

Danyɛli 4:13

Ki syɛɛnmɛ fúngi a yiri gi ni, yaweʔe fúngo si kaan gi ma, làrigēle kɔrɔsiin si sɔ̀lɔ gi na.

Danyɛli 4:5

A Danyɛli pan poro kàdoʔo ma n baa yére mii yɛ́ʔɛ ma, pe wɔ́ɔ i wi yiri Bɛlitisyasari, mii kolocɔlɔw dɔʔɔma wii, kolocɔlɔcǎnbèle pìle i nyɛ wi ni.

Danyɛli 5:1

A fànʔafɔw Bɛlisyasari lìigbɔɔlɔ sámaga wi syɛɛnkpolobèle ma be pye lè saala kagunɔ, a wi dùvɛɛnw gbaa saala kagunɔw bee nyɛ́nɛ na.

Danyɛli 5:22

Mɔ Bɛlisyasari wi lè wi jáaw, mɔ ga fɔ̀lɔ n miyɛɛ jɛ́rɛ mɔ fúngi ni í, àlí bi gi taa mɔ n kérigèle bee myɛ cán,

Danyɛli 5:30

Yébiligi bee wonijanga ni, a pe baa Kalide ye fànʔafɔw Bɛlisyasari kpóo.

Danyɛli 7:13

Mii maa ni wéle mii yébiligi yanyaaya làla ni, wéle, wàa maa pan nyɛ̀ʔɛni fàfaanya ni, wi maa pye àmɛɛ Syɔɔn-pya nyɛ lè. A wi i syée Wolɛɛtelew ma, a be wi nùuni wi na.

Danyɛli 7:15

«A mii Danyɛli fúngi curugo mii na, a mii yanyaari zɔ̀nviikɔnirɔ wáa mii na.

Danyɛli 7:7

Koro kàdoʔo ma a mii ní i wéle, n mii yaʔa mii yébiligi yanyaaya nyaana na, a mii yawee-sicɛrɛ wóʔo nyaa, yaweepeʔe gi pye, gee gi pye lè fyáara wóʔo ní, bìngaara fanʔa n pye gi ni. Tunmɔrɔ gǎngboloyo n pye gi na. Ki maa ni líi ní i tɔ́nʔɔnɔni kpéʔele, ní i wogorori tánʔana ní tɔ́lɔyi ní. Ki maa fàli yaweeseliyi myɛ na, nyɛngéle kɛɛ maa pye gi na.

Danyɛli 8:1

Fànʔafɔw Bɛlisyasari fǎngi yɛɛdaanri wólo na, mii Danyɛli, a mii yanyaagaa nyaa, mii yanyaazeligi kàdoʔo ma.

Amɔsi 3:7

Kánmi bee na Kàfɔw Yawe o yafyɛn kpéʔele kapye wi ga wi kalarali tɛ̀ɛn wi falipyebèle na í, pe lè kanyaajoobèle.

Habakuki 2:2

A Yawe syɛɛnlurugori kaan mii ma níì jo: Yanyaʔa sɛ́bɛ, ki kánʔana mi wòlo kàlagoripiigéle na, jàngó ti kàlama dɛ́nɛ.

Córolo 12:6

A wi jo: «Ki n yɛlɛ ye mii syɛ́ɛnri sámaga ye lóʔo. Kanyaajoowaa ga pye yele níngi ni, yanyaʔa ni mii Yawe a niyɛɛ dɛ̀ɛn wi na, ŋúnɔgɔ na mii a joo ní wi ní.

Wɔrɔmi ye 15:4

Syɛ́ɛnree myɛ si ti da sɛ́bɛ lè booma ni Kolocɔlɔɔ syɛɛnsɛbɛri ni, dee bee maa sɛ́bɛ wolo tamani kéele na, koro ga pye kpàracogi ní kɛɛlɛli wi syɛɛnsɛbɛri kaangi wolo ma lè, wolo í sɔ̀ngumɔ tɛɛtaʔaga taa dee bee báriga ni.

2 Korɛnti ye 12:1

Fwɔɔ mii í niyɛɛ gbɔ́ʔɔ, bi gi taa gee bee o nyɛ ní báriga ní í. Mii a jo tɔ́ɔliw ni yanyaayi ní kérigèle tɛ̀ɛnnɛ kéele na gele Kàfɔw tɛ̀ɛn mii na lè.

Tɛ̀ɛnnɛ 1:19

Koro na kérigèle gele mɔ nyaa n kwɔ́ɔ lè, ní gele ge nyɛ lè tɔ́ɔliw ni, n fàra gele na ke a ba pye lè gele naa kàdoʔo ma, ke sɛ́bɛ.

Tɛ̀ɛnnɛ 10:4

A nyɛ̀ʔɛvōlogèle kɔrɔsiin ga tìn n kwɔ́ɔ, a mii jo bi di sɛ́bɛ, a mii yákpolo lóʔo nyɛ̀ʔɛni na, a li jo: «Nyɛ̀ʔɛvōlogèle syɛ́ɛnrɛ kɔn miyɛɛ fúngi ni, mɔ a kɔ́ di sɛ́bɛ í.»