Danyɛli 6:8 - Cebaara Bible 2010

⁸ Fǎngi kùndigibéle myɛ, ní pirefebèle, ní tári kacɔɔnribéle, ní yarifɔbèle, ní tátɛɛyi kàfɔɔlɔ n peyɛɛ nyaa n bɛ̀ɛ gi na níì jo làlwa kéelaa n yɛlɛ li jáari, lee li a gi joo gbàn lè si jo: ‹Canya toko ní kpɔrigɔ fúngo ni, syɔ́ɔnwee faala wi ga nyɛ́ɛri lè kolocɔlɔɔwaa wàlá syɔɔnwaa ma, kapye fànʔafɔw nibin ma ban í, pe a syɔ́ɔnw bee wáa càarabèle ma wéegi ni.›

Danyɛli 6:8 Iomraidhean Croise

Ɛsitɛri 1:19

Ki ga yɛlɛ fànʔafɔw ma, wo a fǎngi kajoolaa jáari, si li sɛ́bɛ Pɛrisi, ní Mɛdi ye làlwaw sɛ́bɛ ni jàngó li a ní kɔ́ kàri í, bi gi tɛ̀ɛn Vasitii ga yɛlɛ wi ní ba yére fànʔafɔw Asyerusi yɛ́ʔɛ ma í, fànʔafɔw si wi fǎngi syɔɔ wi ma bi kaan wi cenyɛnwaa ma, wee wi sɔ̀lɔ wi na lè.

Ɛsitɛri 3:12

A be fǎngi sɛ́bɛkanbéle yeri yɛ́ɛli yezelige canya kɛɛ ní taanri wógi na. Syɛ́ɛnree Haman joo n gbàn lè, a be toro myɛ sɛ́bɛ n tórigo fànʔafɔw syɛɛnkpolobéle, ní tátɛɛyi myɛ nibin nibin guvɛrinɛɛribéle, ní syɛɛnfeleyi kùndigibéle ma, ní tátɛɛyi myɛ nibin nibin ma yi sɛ́bɛri ni, ní syɛɛnfeleyi myɛ nibin nibin ma yi syɛ́ɛnri ni. Pe maa wi sɛ́bɛ fànʔafɔw Asyerusi mɛ́ɛgi na, níì fɛ̀ɛ́w taʔa wi na ní fànʔafɔw kábɛɛlɛ veʔeo ní.

Ɛsitɛri 8:10

Sɛ́bɛbèle maa sɛ́bɛ fànʔafɔw Asyerusi mɛ́ɛgi na, níì fǎngi fɛ̀ɛ taʔa taʔa be na. A pe be kaan tundun-jólogobèle pèle ma, bele be fànʔafɔw syɔ́ɔnyɔ fé lè, yee yi cólogo lè, a be kári.

Ɛsitɛri 8:3

Ɛsitɛri ga gi yaʔa koro na í, a wi níì tìgi n too wi tɔ́lɔyi taana níì syɛ́ɛnri láa n wi nyɛ́ɛri gbanʔama ní nyatinmɛ ní wi nyinimɛ taa jàngó kapeegee Haman da ni caa bi kpéʔele Zyefubèle na lè, wi lè Agagi wówaa, wi gi sàa.

Ɛsitɛri 8:8

Yele si na, yariga o yariga ki yele dɛ́nɛ lè Zyefubèle nyɔɔmɔ kéele na, ye koro sɛ́bɛ wɔ́ɔgēle fànʔafɔw mɛ́ʔɛ na, yé fǎngi fɛ̀ɛ taʔa wi na. Níì cán sɛ́bɛwee wi sɛ́bɛ n kwɔ́ɔ lè fànʔafɔw mɛ́ʔɛ na, níì fǎngi fɛ̀ɛ taʔa wi na, wi syɛ́ɛnri a ní gbǎn sàa í.»

Ŋúnuyi 94:21

Pe i peyɛɛ gbóʔoro syɛɛnsinw sìi kánma na, ní i kolomɔ kaangi tɛɛlɛ fun sìsyaanw ma.

Ezayi 10:1

Wɔʔɔli a pye bele na be làlwapeew télegi lè, ní bele na be kolomi làlwa kèlē sɛ́bɛ lè,

Danyɛli 5:28

Parisɛn kɔ́rɔw si i nyɛ mɔ fangi a tíla tíla bi kaan Mɛdi ye, ní Pɛrisi ye ma.»

Danyɛli 6:12

Lǎli bee ni a nǎnbèle bee kpóʔoro n kári n sáà jée n Danyɛli nyaa wi i nyɛ́ɛrigbɔʔɔ nyɛ́ɛri ní i wi Kolocɔlɔw mɛ́ʔɛ yeri.

Danyɛli 6:15

Lǎli ni fànʔafɔw syɛ́ɛnri bee lóʔo lè, a gi tɔ̀nɔ n gbàn wi ma gbanʔama. A wi gi tímana wi fúngi ni bi Danyɛli syɔɔ, a wi i kanmaa caa bi wi syɔɔ fwɔɔ n taa a cángi baa too.

Matye 24:35

Nyɛ̀ʔɛni ní tári a kwɔ́ɔ, kàjáa mii syɛ́ɛnri a tɔ̀nɔ́ kwɔ́ɔ í.