Danyɛli 6:7 - Cebaara Bible 2010

⁷ A Kùndigibèle bee ní tári kacɔɔnribèle bee kpóʔoro n kári fànʔafɔw ma n sáà wi pye: «Fànʔafɔw Dariyusi, ki n yɛlɛ mɔ í kòro sìi na làla o làla!

Danyɛli 6:7 Iomraidhean Croise

Ŋúnuyi 10:9

Wi i làrá ni sige làrama tɛ́ʔɛ ni àmɛɛ càaraɔ nyɛ wi tɛɛlàragi ni lè, wi i làrá jàngó bi ba foomɔfɔw pàla. Foomɔfɔw ga too wi cɔ̀ɔ́w ni lǎlee ni lè, wi n wi kíle n fùlo wiyɛɛ na n cò.

Ŋúnuyi 2:2

Tári fànʔafɔɔlɔ i peyɛɛ zɔ́ɔn, kùndigibèle si wɔ́ɔ i peyɛɛ gbóʔoro Yawe ní wi wonyɛnɛ-wòlow kánma na. Pe n jo:

Ŋúnuyi 59:3

Mii yirige kakolobyebèle kɔ́yɔ ni, mii syɔɔ syɛɛnkpoobèle ma!

Ŋúnuyi 59:5

Pe i fé ni syée n sa ni peyɛɛ zámagi, bi gi taa mii ga kolo í. Yìri nya ŋúnɔmi na mi ba mii dɛ̀ɛmɛ, mí gi wéle!

Ŋúnuyi 62:4

Làlìí ni yele a láʔa tooli na nya syɔɔn na? A yele myɛ i wi caa lé bi kpúmɔn cáan, àmɛɛ tò nyɛ, wee wi jàari lè, ní àmɛɛ jásaa nyɛ, wee wi wálagi ni tuun lè?

Ŋúnuyi 83:5

Pe i gi nyuu níì jo: «Yaa maa wo ba be kwɔ́ɔ wo yirige yaà syɛɛnfeleyi nínge ni, syɔɔn a ní kɔ́ sɔ̀ngí taa Isirayɛli mɛ́ɛgi na í!»

Ŋúnuyi 94:20

A syɛɛnkpoo-kútiijoobèle a gbǎn wɔ́ɔ lé ní mɔ ní yarigaa na, poro bele be kapeeyi sélegi lè, yee yi lè yi ga bɛ̀ɛ ní làlwabèle ní í?

Danyɛli 2:4

A Kalide ye joo ní fànʔafɔw ní Arameyɛnri ni níì wi yari: «Ee fànʔafɔw, ki n yɛlɛ mɔ í kòro sìi na làla o làla. Ŋúnɔgi joo wolo ma wo nyɛ lè mɔ falipyebèle, wolo si a gi kɔ́rɔw joo mɔ ma.»

Danyɛli 3:11

Syɔ́ɔnwee faala ga pye lè wi ga tìgi n too n gi kpɔ̀ʔɔrɔ í, pe a wee bee wáa fúruw naagbanga ni.

Danyɛli 3:2

A fànʔafɔw Nebukadinezari tun a be kùndigibèle, ní pirefebèle, ní tári kacɔɔnribèlē, ní yarifɔbèle, ní wálitɛʔɛbèle, ní kútiijoobèle, ní kútiiceribèle, ní tátɛɛyi fànya myɛ yeri n kpóʔoro, níì jo pe ba fànʔafɔw Nebukadinezari ǹdevaangi kpɔ̀ʔɔrɔlɔ séli, koro gee wi yérige lè.

Danyɛli 3:27

A kùndigibèle, ní pirefebèle, ní tári kacɔɔnribèlē, ní fànʔafɔw yarifɔɔlɔ peyɛɛ gbóʔoro bi nǎnbèle bee wéle, a be gi nyaa náagi da fànʔa taa be céri na í. Alí pe ǹjoori ga sógi í, tɛɛlɛ ga wɔ́ɔ̀ pye pe búroyi na í, àlí náagi núngo ga pye be na í.

Danyɛli 3:6

Syɔ́ɔnwee ga pye lè wi ga tìgi n too n gi kpɔ̀ʔɔrɔ í, pe a wee bee wáa lǎli bee wonijanna ni fúruw naagbanga ni.»

Danyɛli 6:16

Kàjáa a nǎnbèle bee kpóʔoro n kári fànʔafɔw ma, n sáà gi joo fànʔafɔw ma níì jo: «Ee fànʔafɔw, ki cán mi cán bi yɛlɛ ní Mɛdi ye, ní Pɛrisi ye làlwaw ní, fànʔafɔw ga keelaa yérige wàlá n làlwa kéelaa télege, li làa a gbǎn kàri í.»

Danyɛli 6:22

A Danyɛli fala ni nyuu ní fànʔafɔw ní níì jo: «Ee fànʔafɔw, ki n yɛlɛ mɔ í kòro sìi na làla o làla.

Misye 6:5

Mii syɛ́ɛnbèle, ye sɔ̀ngi ye taa gee na Mowabi fànʔafɔw Balaki da tímana lè, ní syɛɛnlurugori na, dee Beyɔɔri jáaw Balaami da kaan wi ma lè, n séli yaà Syitimi na fwɔɔ n sáà nan Giiligali na, koro ga pye yele í ní Yawe sínni kapyegèlē kéele cán.»

Nahumi 2:12

Sán càarabèle tɛɛlaraga nyɛ, ki lè càarabɔ-yɛlɛbèle tɛɛkòrogo, gee càarabɔw, ní càarajew, ní càaraw pyà da ni nyaari ni forogi lè, wàa faala si o be tɔ́ɔrɔ í?

Matye 12:14

A Farisibèle fala n yiri n sáà peyɛɛ kpóʔoro n joo àmɛɛ poro a gi pye lè si Zyezu taa kpóo.

Matye 26:4

A be sáà gi tímana ní peyɛɛ ní àmɛɛ poro a gi pye lè bi sɛ́ɛ, si Zyezu lɛ́ɛlɛ taa cò bi kpóo.

Mariki 15:1

A nyǐngi ga tali, a sáriga-wòlobèle kàfɔɔlɔ, ní wolɛɛbèle, ní làlwaw sɛ́bɛwelebéle ní Sanedirɛnw myɛ kpóʔoro n joo n bɛ̀ɛ, níì Zyezu pwɔɔ n kári n sáà kaan Pilati ma.

Zyan 12:10

Lǎli bee ni a sáriga-wòlobèle kàfɔɔlɔ peyɛɛ nyaa n joo koro ga pye si wɔ́ɔ Lazari taa kpóo,