Danyɛli 6:4 - Cebaara Bible 2010

⁴ Danyɛli tiimaa si maa sɔ̀lɔ kùndigibèle, ní tári kacɔɔnribéle na, níì cán bìngaara pile maa pye wi ni, a fànʔafɔw i sɔ̀ngí bi wi télege fǎngi myɛ nyúngo na.

Danyɛli 6:4 Iomraidhean Croise

Sélimɛ 41:38

A Faraɔnw si be pye: «A wolo a gbǎn ní nànwaa taa lé Kolocɔlɔɔ Pǐli í pye wi ni àmɛɛ wee naa nyɛ lè?»

Sélimɛ 43:18

Lǎli ni pe be yeri bi lége Zyozɛfu kpáagi ni lè, a be i fɛ̀ɛgí, ní i gi nyuu peyɛɛ ma níì jo: «Wolo panzelili wáli pe lúrugo n le wolo gɔ̀nvaʔayi ni lè, woro kéeli na be wolo kɔ́ri ni légi. Kanmaa be caa bi too wolo na bi wolo taa cò bi kpéʔele pulobèlē, si wɔ́ɔ wolo jòfanibèle cò.»

Kàseegèle 29:27

Syɛɛnnaa-sìnziɔn i nyɛ yanɔnʔɔgɔ syɛɛnsinbèle ma, wee kólogo gi sín lè, woro si i nyɛ yanɔnʔɔgɔ syɛɛnpeew ma.

Syɛɛnjóow 4:4

Mii n gi nyaa ncan faligbanw myɛ, ní falinyɔɔgwɔɔw myɛ i nyɛ syɔɔn nyabɛɛnni wi syɛɛnnyɛnw kánma na. Koro wɔ́ɔ i nyɛ gbanzan, ní bi taʔa Káfalaga na da nɛnɛ.

Zyeremii 18:18

Pe n jo: «Yaa maa wo ba nyɔɔ kúun Zyeremii na! Níì cán bi sáriga-wòlobèle yaʔa beè, làlwaw a kwɔ́ɔ wàlá bi fɔ̀n sícilibēle ni, bele pe a ra wolo lálii lè í, wàlá bi fɔ̀n kanyaajoobéle ni, bele pe a ra nyuu wo ma lè í. Yaa maa wo ba wi kpúmɔn ní nyíngèle ní, syɛ́ɛnri myɛ wi nyuu lè wo a kɔ́ yákirii yaʔa di na í.»

Zyeremii 18:23

Mɔ si na, Yawe, kérigèle myɛ be tímana mii kéeli na jàngó bi mii taa kpóo lè, mɔ n ge cán. Mɔ a kɔ́ be kolomi kùsulugo syɔɔ í, mɔ a kɔ́ be kapeeli kurugo láʔa yaà mɔ yɛ́ʔɛ ma í! Ki n yɛlɛ pe kpírige too mɔ yɛ́ʔɛ ma! Keele tɛ́ʔɛ be na mɔ fundanʔari làla ni!

Zyeremii 20:10

Mii i syɛɛnnɛʔɛmɛ syɛɛn-ŋúnuŋunuro lúro a pe i gi nyuu níì jo: «Fyáakpɔɔrɔ i nyɛ kàbanyi myɛ na! Yaa gi nyuu yaa tèé! Waa gi nyuu waa tèé!» Bele myɛ pe da pye ní mii ní lè yɛɛ̀nyinge na, pe i mii tooli caa ní i gi nyuu níì jo: «Dɔ̀ʔɔ́ wi a wiyɛɛ yaʔa be fáana pùuni, wolo si wi taa jáa, si gɔ̀lɔ́w wòlo wi na!»

Zyeremii 29:7

Kěgee ma mii yele cò n tórigo lè, yaa gi yɛɛ̀nyingi caa, yáā kacànga nyɛ́ɛri Yawe ma gi kéeli na. Níì cán koro yɛɛ̀nyingi ni yele wógi a taa.›

Danyɛli 3:8

Koro na, lǎli bee ni, a Kalide syɛ́ɛnbèle pèle pan n baa sɔ́ɔn Zyefubèle na.

Danyɛli 5:12

Níì cán woro wee wi lè Danyɛli, á fànʔafɔw da mɛ́ʔɛ le wi na ni wi yiri Bɛlitisyasari, woro ni bingaara pile, ní kérigèle cánna, ní cánni, ní ŋúnɔyi kɔ́rɔ joolo fanʔa, ní kàseegèle kɔ́rɔ tɛ̀ɛnnɛ, ní yíbegbanyi syɛɛnlurugoro kaanna nyɛ. Koro na, ki n yɛlɛ pe Danyɛli yeri yaà, wi a ba di kɔ́rɔw joo.»

Danyɛli 6:22

A Danyɛli fala ni nyuu ní fànʔafɔw ní níì jo: «Ee fànʔafɔw, ki n yɛlɛ mɔ í kòro sìi na làla o làla.

Matye 26:4

A be sáà gi tímana ní peyɛɛ ní àmɛɛ poro a gi pye lè bi sɛ́ɛ, si Zyezu lɛ́ɛlɛ taa cò bi kpóo.

Matye 27:18

Níì cán wi maa gi cán nyabɛɛnni kéele na pe baa Zyezu le woro kɔ́yi ni.

Luki 20:20

A be kòro ni kanmaa caa Zyezu na, níì jànvaafɔbèle pèle tórigo pe sa peyɛɛ gbéʔele syɛɛnsinbéle, koro ga pye pe Zyezu taa cò wi nyɔ́ɔgi syɛ́ɛnrɛ báriga ni bi kaan kútiijoow ma, ní tári fɔ́lɔ fànʔa ma.

Luki 20:26

Pe fanʔa ga taa bi wi cò wi nyɔ́ɔgi syɛ́ɛnrɛ na syɛ́ɛnbèle nyɛ́nɛ na í. A be i káama wi syɛɛnlurugori na wi kaan poro ma lè, a be pyèri.

Luki 22:2

A sáriga-wòlobèle kàfɔɔlɔ ní làlwaw sɛ́bɛwelebéle i kanmaa caa bi Zyezu kpóo. Pe si maa ni fɛ̀ɛgí syɛ́ɛnbèle na.

Zyan 19:4

A Pilati níì yiri kàfugi na n baa be pye: «Ye wéle, mii a wi yirige naa kàfugi na yele ma, koro ga pye yele í gi cán mii ga tɛɛkolobile nyaa wi na í.»

2 Korɛnti ye 11:12

Gee mii da ni kpéʔele lè, mii a sèʔé da gi kpéʔele, koro ga pye bele be kanmaa caa lè bi peyɛɛ gbɔ́ʔɔ si jo poro i nyɛ sèjira ní wolo ní lè, pe a kɔ́ kánmi bee taa í.

Filipikaʔa ye 2:15

koro ga pye yele í pye kajoolo fun ní tɛɛkolobile fun, si pye Kolocɔlɔɔ tɛɛlɛ fun pìibēle lǎli naa syɛɛnpeebéle ní kakolobyebèle nínge ni, yele gbɛ̀ɛ́nmi sáā nyín da yirigi dulunyanw syɛ̀ɛnnɛ nínge ni àmɛɛ fètingéle nyɛ lè,

1 Timɔte 5:14

Koro na lɔgucebèle be nyɛ lè pe ga kɔ́ɔ̀ lɛɛ í, mii i caa poro í da cèpɔrigi kpéʔele, koro ga pye paa pìibēle sii, sáā be kpáayi kèlē sámagi da cɔɔnri, jàngó pe a kɔ́ tɛɛ̀jeʔe kaan wolo nigoobèle ma paa syɛɛnpeeri nyuu poro kéeli na í.

Tiiti 2:8

mɔ syɛɛnjóori í nyɔɔ si pye kajoolo fun, koro ga pye fɛ̀ɛrɛ í wolo nigoobèle taa, àmɛɛ gi nyɛ lè pe a gbǎn kapeelaa faala taa bi joo taʔa wolo na í.

1 Pyɛri 2:12

Ki n yɛlɛ yele í da nàʔajànma náari syɛɛnfeleyi nínge ni, koro ga pye, àmɛɛ be yele mɛ́ɛpɛɛnyi yiri lè níì jo yele i nyɛ kapeebyebèlē, pe ga ni yele kapyejǎngèle nyaagi, pe a nìjangbɔɔri taʔa Kolocɔlɔɔ na wi canbangi na.

1 Pyɛri 3:16

Ki si n yɛlɛ yaa gee bee kpéʔele ní fûnnyinge, ní kpɔʔɔrɔ ní, yé pye funviire fɔ̀ɔlɔ, koro ga pye, àlí pe ga wíre ni yele mɛ́ɛpɛɛnyi yiri, ní i yele nàʔajǎnmi faari, bee yele náari Kirisi ni lè, fɛ̀ɛrɛ í be taa.

Jàbɔbèle 14:4

Wi tóow ní wi nɔ́ɔw si da gi cán ncan Yawe má gee bee yìri í, níì cán wi maa ni sábabu kéelaa caa bi taa tún ní Filisitini ye ní. Lǎli bee ni Filisitini ye pe da ni Isirayɛli ye kàragí.

1 Samyɛli 12:4

A be jo: «Mɔ ga fǎngi gbàn wolo na í. Mɔ ga yárira ŋàʔana n syɔɔ wolo ma í. Mɔ ga yafyɛn syɔɔ syɔɔn faala ma í.»

1 Samyɛli 18:14

Davidi kapyegèle myɛ maa ni nyɔɔgi, Yawe si i nyɛ ní wi ní.

1 Samyɛli 22:14

A Ahimelɛki fànʔafɔw yari: «Mɔ falipyebèle myɛ nínge ni, wìí wi nyɛ tágala syɔ́ɔn àmɛɛ Davidi nyɛ lè, ní i nyɛ fànʔafɔw pyà nàɔn, ní ní i nyɛ sùlasiibèle nyúngo na bele be mɔ kpáaw wéle lè, á wi mɛ́ɛgi kpɔ́ʔɔ mɔ kpáagi ni?