Danyɛli 6:3 - Cebaara Bible 2010

³ A wi kùndigibéle taanri télege tári kacɔɔnribéle nyúngo na. Danyɛli si maa pye kùndigibèle bee taanri ni, poro má tári kacɔɔnribéle da yɛlɛ bàā be fáliw kèlē nyuu, jàngó gàlagí faala a kɔ́ nan fànʔafɔw na í.

Danyɛli 6:3 Iomraidhean Croise

Ɛsidirasi 4:22

Ye yeyɛɛ kɔ̀rɔsíi, yele a kɔ́ kéeli bee cáan yaʔa í. Koro ga pye kapeʔe a kɔ́ fàra gàlagí na fànʔafɔbèle bɔ̀nɔ na í.»

Nehemii 7:2

níì Zyerusalɛmi kakarigari kàlifáa mii senyɛnw Hananii, ní Zyerusalɛmi kpaataʔa-tɔ́nɔgi kùndigi Hananya ma, wi pye lè tágala syɔ́ɔn, wee wi da ni fɛ̀ɛgí lè Kolocɔlɔɔ na n sɔ̀lɔ syɛ̀ɛnnɛ saʔa na.

Ɛsitɛri 10:3

Níì cán zyefuw Maridosye wi da kpɔ́ʔɔ n taʔa fànʔafɔw Asyerusi na. Wi maa pye syɛɛnkpɔɔɔ Zyefubèle nínge ni. Wi kéeli maa wi senyɛnnɛʔɛmi dɛ́nɛ. Wi maa ni wi syɛ́ɛnbèle nyɔɔmɔ caa, ní i wi syɛɛnfelegi myɛ kacànna caa.

Kàseegèle 17:27

Wee wi wi syɛɛnjóori kɔ̀rɔsíi lè, cánni i nyɛ wi ma, wee fúngo gi nyíngi lè, wi n cìlige.

Kàseegèle 22:29

Mɔ ga nànwaa nyaa wee wi cìlige wi fáliw pyele ni lè wi a yére fànʔafɔɔlɔ yɛ́ʔɛ ma. Wi a yére yébilimɛ syɛ̀ɛnnɛ yɛ́ʔɛ ma í.

Syɛɛnjóow 2:13

Gee mii nyaa lè koro gi nyɛ ncan tɔ̀nɔ i nyɛ sícilimi ni n sɔ̀lɔ labalami na, àmɛɛ tɔ̀nɔ nyɛ gbɛ̀ɛ́nmi ni lè n sɔ̀lɔ yébilimi na.

Danyɛli 5:12

Níì cán woro wee wi lè Danyɛli, á fànʔafɔw da mɛ́ʔɛ le wi na ni wi yiri Bɛlitisyasari, woro ni bingaara pile, ní kérigèle cánna, ní cánni, ní ŋúnɔyi kɔ́rɔ joolo fanʔa, ní kàseegèle kɔ́rɔ tɛ̀ɛnnɛ, ní yíbegbanyi syɛɛnlurugoro kaanna nyɛ. Koro na, ki n yɛlɛ pe Danyɛli yeri yaà, wi a ba di kɔ́rɔw joo.»

Danyɛli 5:14

Mii n mɔ kéeli lóʔo a gi jo kolocɔlɔbèle pìle i nyɛ mɔ ni, ncan gbɛ̀ɛ́nmi, ní cánni, ní bìngaara sícilimɛ i nyɛ mɔ ma.

Danyɛli 5:7

A fànʔafɔw yákpogi wáa ní fànʔa ní n gi joo níì jo paa maa ní kanyaabèle, ní Kalide ye, ní cɛ́lɛfɔbèle ní. A fànʔafɔw baa gi joo Babilɔni sícilibèle ma níì jo: «Syɔ́ɔnwee wi ga gbàn n sɛ́bɛri naa wéle níì di kɔ́rɔw joo mii ma lè burogbɔɔ-nyɛ̀nʔɛ a le wi na, tɛɛ̀ nyɔ̀ʔɔmɔ si wɔ́ɔ le wi yátiigi ni, wí pye fǎngi kùndigi-taanri wóo.»

Danyɛli 9:23

Lǎli ni mɔ séli mɔ nyɛ́ɛrigboloyi na lè, a syɛɛnrɛ joo mii ma, a mii si pan bi ba di joo mɔ ma. Níì cán mɔ tɔ̀nɔ́ i nyɛ syɛɛn-nidaanmaɔ. Syɛ́ɛnri sámaga mi cò, mí yanyaagi kɔ́rɔ cán.