Danyɛli 5:6 - Cebaara Bible 2010

⁶ Lǎli bee ni a fànʔafɔw césaliga fàli, a wi sɔ̀nguri curugo, a ki wi sárigèle ceri, a wi yégunyi i cɛ̀lɛ́ ni cínɛ yiyɛɛ na.

Danyɛli 5:6 Iomraidhean Croise

Ŋúnuyi 22:14

Ke i ge nyɔ́ɔyi múru mii kánmi na àmɛɛ càaraɔ nyɛ, wee wi kaara sulugu lè ní i kaana.

Ŋúnuyi 69:23

Ki n yɛlɛ be tàbaliw í pye karinyanga pe yɛʔɛ̀ ma, pe ŋɔ́ndaali làla ni gee bee í pye pe mɛɛncolo!

Ezayi 35:3

Ye fànʔa fun kɔ́yi dɛ̀ɛmɛ, yé fànʔa le fànʔa fun yégunyi ni.

Ezayi 5:27

Wàa faala ga fɔ̀rɔ gi ni í, wàa faala o kpírigi í, wàa o ŋúnɔ ni gbègí í, wàa o ŋúnɔ í. Wàa sɛntiiri ga sánʔa wi sárigèle ni í, wàa taʔalaya mɛ́ɛngéle ga cɛnɛ í.

Zyeremii 50:43

Babilɔni fànʔafɔw n syɛ́ɛnri lóʔo, a wi kɔ́yi fànʔa kwɔ́ɔ. Funjurugori n too wi na, ki n pye wɔʔɔgɔ, àmɛɛ cɔlɔɔ wóʔo nyɛ, wee wi nyɛ pyà seele na lè.

Ezekyɛli 21:7

«Syɔɔn-pya, mɔ yɛ́ɛgi fíige Zyerusalɛmi kàbangi na, mí joo tɛɛcǎnyi kánma na! Kérigèle nyaa mi joo Isirayɛli tásaligi kánma na!

Ezekyɛli 7:17

Kɔ́yi myɛ fànʔa n kwɔ́ɔ, yégunyi myɛ i nyangi ni ŋuu lɔ̀ʔɔ.

Danyɛli 2:1

Nebukadinezari fǎngi yɛɛziin wólo na, a Nebukadinezari ŋúnɔ ní ŋúnɔyɔ ní. A wi fúngi nyáʔami wi na, a ŋúnɔmi pɛ́ɛ wi na.

Danyɛli 3:19

Lǎli bee ni a Nebukadinezari tɔ̀nɔ n nyìn fundanʔagbɔɔri na, a wi yɛ́ɛgi fàli Syadiraki, ní Mesyaki, ní Abɛdi-Nego ye yɛ́ʔɛ ma. A wi níì gi joo n gbàn níì jo, be fúruw wáriga ki tɛɛyɛ kɔrɔsiin bi sɔ̀lɔ wi wárigaganzelimi na.

Danyɛli 4:19

mɔ wii, ee fànʔafɔw, mɔ wi baa kpɔ́ʔɔ nya, níì nìri, mɔ n kpɔ́ʔɔ n yìri fwɔɔ n nan nyɛ̀ʔɛni na, mɔ fangi n kpɔ́ʔɔ n nan tári láʔagéle na.

Danyɛli 4:5

A Danyɛli pan poro kàdoʔo ma n baa yére mii yɛ́ʔɛ ma, pe wɔ́ɔ i wi yiri Bɛlitisyasari, mii kolocɔlɔw dɔʔɔma wii, kolocɔlɔcǎnbèle pìle i nyɛ wi ni.

Danyɛli 5:5

A be fala n syɔɔn kɔ́lɔ kabɛʔɛlɛ nyaa a ge yiri ni sɛ́bɛ fètindaʔali zìnmɛ na, fànʔafɔ-gbaagi gúngo laso na. A fànʔafɔw kabenyɔɔri bee nyaa, dee ti da ni sɛ́bɛ lè.

Danyɛli 7:28

Nɛɛ naa syɛ́ɛnri kwɔ́ɔ. Mii Danyɛli, a mii sɔ̀nguri tɔ̀nɔ n fyáakpɔɔrɔ wáa mii na, a mii césaligi kánma fàli a mii si syɛ́ɛnri bee yaʔa niyɛɛ fúngi ni.»

Nahumi 2:10

Ye wálifiiw fuguri ye láa! Ye tɛ́ɛw fuguri ye láa! Bàngwɔɔ lɔnɛʔɛrɛ i yaà ní lɔgbanri yárira yaleye féleye myɛ ní.

Heburubèle 12:12

Gee bee na gi yɛlɛ ye nìrimɛ le kɔ́yi ni yi fɔ̀rɔ lè, ní fànʔa fun yégunyi ni.