Danyɛli 5:5 - Cebaara Bible 2010

⁵ A be fala n syɔɔn kɔ́lɔ kabɛʔɛlɛ nyaa a ge yiri ni sɛ́bɛ fètindaʔali zìnmɛ na, fànʔafɔ-gbaagi gúngo laso na. A fànʔafɔw kabenyɔɔri bee nyaa, dee ti da ni sɛ́bɛ lè.

Danyɛli 5:5 Iomraidhean Croise

Zyɔbi 20:5

syɛɛnpeebèle fàndaara a mɔn í, Kolocɔlɔɔ yɛ́ʔɛnaa-sìnvyaaw fundaanra i nyɛ làlaa cɛɛri yagana ì?

Kàseegèle 29:1

Syɔɔnwee na be fúlo lè, á wi wi nyúngi waʔa, wi a ba pàlá tɔ́nʔɔnɔ tiinmɛ o gi na í.

Zyeremii 50:43

Babilɔni fànʔafɔw n syɛ́ɛnri lóʔo, a wi kɔ́yi fànʔa kwɔ́ɔ. Funjurugori n too wi na, ki n pye wɔʔɔgɔ, àmɛɛ cɔlɔɔ wóʔo nyɛ, wee wi nyɛ pyà seele na lè.

Danyɛli 4:31

A lǎli ga baa foro, mii Nebukadinezari, a mii nyapiigèle yìrige n wéle nyɛ̀ʔɛni na, a sɔ̀nguri níì lúru n jée mii ni, wee wi nyɛ lè Pe Myɛ Nyúngo na, mii n wi kaan bariga na, wee wi nyɛ lè sìi na làla o làla, mii n wi sòolo níì wi kpɔ́ʔɔ, woro wee kùndigire di nyɛ lè bàngwɔɔ kùndigire, wi fǎngi si wɔ́ɔ i beè yìrigèle myɛ syɛ̀ɛnnɛ nínge ni.

Danyɛli 4:33

Lǎli bee ni, a mii sɔ̀nguri lúru n jée mii ni. A mii fǎngi kpɔ́ʔɔrɔ, ní mii nìjanri, ní mii kpɔ́ɔmi lúrugo n kaan mii ma, a mii yarifɔbèle, ní mii wogbolobèle lúru ni mii caa. A be mii lúrugo n télege mii fǎngi na, a kàa kòro ni fàrá mii kpɔ́ʔɔri na ni syée.

Danyɛli 5:15

Pe n pan mii ma ní sícilibèle, ní kanyaabèle ní, koro ga pye pe ba sɛ́bɛri naa wéle si di kɔ́rɔw joo tɛ̀ɛn mii na, kàjáa pe ga gbàn n syɛɛnkanyi kɔ́rɔ joo mii ma í.

Danyɛli 5:4

A be dùvɛɛnw gbaa, ní i kolocɔlɔbèle sòoló be lè tɛɛ̀, ní wálifiio, ní kanyɛɛnrɛ, ní tunmɔrɔ, ní tiire, ní kàdɛnɛrɛ.

Danyɛli 5:6

Lǎli bee ni a fànʔafɔw césaliga fàli, a wi sɔ̀nguri curugo, a ki wi sárigèle ceri, a wi yégunyi i cɛ̀lɛ́ ni cínɛ yiyɛɛ na.

Danyɛli 5:8

A fànʔafɔw sícìlibēle myɛ jée, kàjáa pe ga gbàn n sɛ́bɛri wéle í, wàlá n di kɔ́rɔw joo fànʔafɔw ma í.

Kɔlɔsi ye 2:14

Làlwaw tundunro ti da sɛ́bɛ wolo kánmi na lè n wolo kolomi tɛ̀ɛn, wi n di kurugo n láʔa. Wi n di sàa àmɛɛ wi di kóri lè tiiparigi na.