Danyɛli 5:4 - Cebaara Bible 2010

⁴ A be dùvɛɛnw gbaa, ní i kolocɔlɔbèle sòoló be lè tɛɛ̀, ní wálifiio, ní kanyɛɛnrɛ, ní tunmɔrɔ, ní tiire, ní kàdɛnɛrɛ.

Danyɛli 5:4 Iomraidhean Croise

1 Fànʔafɔbèle 1:49

A Adoniya syɛɛn-yeribèle myɛ fala ni cɛ̀lɛ́, a be yìri n kári pe myɛ nibin nibin pe kàbangáriya na.

Ezayi 42:17

Bele si be peyɛɛ daʔa yasunyi na lè, ní i gi nyuu tunmɔgbalari ma níì jo: ‹Yele i nyɛ wolo kolocɔlɔbèlē,› pe a lúru kàdoʔo ma, fɛ̀ɛrɛ a be taa.

Ezayi 42:8

Mii wi nyɛ Yawe, koro gi nyɛ mii mɛ́ɛgi. Mii a tée mii nìjangbɔɔri kaan wàa nikwɔɔ ma í, wàlá bi mii kpɔ́ɔmi kaan yasunyo ma í.

Danyɛli 1:8

A Danyɛli gi kɔ̀rirɔ n tímana n jo woro ga yɛlɛ bi wiyɛɛ nɔ́nʔɔ ní fànʔafɔw yaliitaanra, ní wi dùvɛɛngbaaw ní í, a wi falipyenǎnbèle kùndigi nyɛ́ɛri gbanʔama, níì wi pye wi a kɔ́ woro ŋàʔana woro í wiyɛɛ nɔ́nʔɔ í.

Danyɛli 5:23

níì miyɛɛ gbɔ́ʔɔ nyɛ̀ʔɛgèle Kàfɔlɔ kánma na. Mɔ n be pye a be pan ní wi kpáagi yalegéle ní mɔ yɛ́ʔɛ ma, a yele baa dùvɛɛnw gbaa ge ni, mɔ ní mɔ syɛɛnkpolobèle, ní mɔ cébèle, ní mɔ cefàra-mí-láabèle, níì kolocɔlɔbèle kpɔ̀ʔɔrɔ be lè wálifiio, ní tɛɛ̀, ní kanyɛɛnrɛ, ní tunmɔrɔ, ní tiire, ní kàdɛnɛrɛ, bele be lè pe o nyaagi í, pe o lúro í, cánna o be ma í. Kolocɔlɔwee kɔ́lɔ ni mɔ ŋɔ́ngari, ní mɔ kóloyi nyɛ lè, woro wi nyɛ mɔ ga wi kpɔ́ʔɔ í.

Danyɛli 5:3

Lǎli bee ni a be pan ní yalegèle ní fànʔafɔw ma, ke lè tɛ́ɛw wòʔolo, koro gele pe da sáà láa kpɔ̀ʔɔrɔli kpaʔa ni ki lè Kolocɔlɔɔ kpáagi Zyerusalɛmi ni lè. A fànʔafɔw ní wi syɛɛnkpolobèle, ní wi cébèle, ní wi cefàra-mí-láabèle ba ni gbo ge ni.

Danyɛli 5:5

A be fala n syɔɔn kɔ́lɔ kabɛʔɛlɛ nyaa a ge yiri ni sɛ́bɛ fètindaʔali zìnmɛ na, fànʔafɔ-gbaagi gúngo laso na. A fànʔafɔw kabenyɔɔri bee nyaa, dee ti da ni sɛ́bɛ lè.

Amɔsi 6:7

Koro na tɔ́ɔliw ni, pe a be cò bi kínige wojo-mí-káribèle yɛ́ʔɛ na bi kári. Fundaanri bee fɔ̀ɔlɔ liigboloyo a kwɔ́ɔ.

Habakuki 2:19

Wɔʔɔlɔ a pye syɔ́ɔnwee na wi gi nyuu tiige ma lè níì jo: «Ki n yɛlɛ mi yìri!» Ní kàdɛnɛgɛ ma ki lè ki o nyuu í, níì jo: «Yìri ŋúnɔmi na!» A ki a gbǎn syɔɔn tama lé? Wéle, pe n tɛ́ɛw ní wálifiiw tɛ́ʔɛ n gi tɔ́n, kàjáa ŋɔ́ngara o nyɛ gi ni nyáana í.

Kapyegèle 17:29

Amɛɛ si wolo nyɛ lè Kolocɔlɔɔ yòdaʔaya, ki ga yɛlɛ wolo í da sɔ̀ngí si jo Kolocɔlɔɔ n yasungo wíri í, tɛɛ̀ wóʔo yoo, wálifiio wóʔo yoo, kàdɛnɛgɛ wóʔo yoo, toro dee syɛ́ɛnbèle sámagi lè ní be sícilimi ní, be funzɔngumi na.