Danyɛli 5:2 - Cebaara Bible 2010

² N Bɛlisyasari yaʔa dùvɛɛnw gbaala na, a wi gi joo n gbàn níì jo be sa yalegèle láa paa maa woro ma, ke lè tɛ́ɛw ní wálifiiw wòʔolo, koro gele wi tóow Nebukadinezari da sáà láa kpɔ̀ʔɔrɔli kpaʔa ni Zyerusalɛmi ni lè, koro ga pye fànʔafɔw, ní wi cébèle, ní wi cefàra-mí-láabèle, ní wi syɛɛnkpolobèle í ba gbaa ge ni.

Danyɛli 5:2 Iomraidhean Croise

2 Samyɛli 9:7

A Davidi wi pye: «Mɔ a kɔ́ ra fɛ̀ɛgí í. Mii a tɔ̀nɔ́ kacànna kpéʔele mɔ na mɔ tóow Zyonatan kéeli na. Mii a mɔ tóolɛɛgi Sawuli tári myɛ lúrugo kaan mɔ ma, mɔ si pínɛ da líi ní mii ní canʔa o canʔa.»

2 Fànʔafɔbèle 24:13

A wi Yawe kpáagi lɔ́rɔ tɛɛkɔnyɔ myɛ yirige yaà n fàra fànʔafɔw kpaʔa lɔ́rɔ tɛɛkɔnyɔ na. Tɛ́ɛw yárira myɛ Isirayɛli fànʔafɔw Salomɔn da sámaga Yawe kpɔ̀ʔɔrɔli kpaʔa ni lè, a wi dee bee myɛ cɛnɛ cɛnɛ àmɛɛ Yawe da gi joo lè.

2 Fànʔafɔbèle 25:15

Nùndaanni yasorigoro yalegéle, ní nyari-nyarili pɛ́ɛgéle, gee bee n jo dee myɛ di pye lè tɛ́ɛw, ní wálifiiw wóro, a gáridibèle kùndigi wɔ́ɔ̀ toro láa.

2 Cányi kèlē 11:20

A wi Maaka láa woro kàdoʔo ma wi lè Abisalɔmi jáaw. A wee bee Abiya, ní Atayi, ní Ziza, ní Syelomiti see wi ma.

2 Cányi kèlē 15:16

Alí fànʔafɔw Aza n fànʔafɔjɔɔ kpɔ́ʔɔri láʔa wi nɔɔlɛɛgi Maaka na. Níì cán wi maa yasungo sámaga Asyera wóʔo. A Aza wi yasungi kpúmɔn n cáan níì gi purɔ n kàriga míige n sáà sórigo Sedurɔn gòrógoroweegi ni.

2 Cányi kèlē 36:10

A ki ga pye yɛɛgbaraw na, a fànʔafɔw Nebukadinezari tun a be baa wi cò n kári Babilɔni ma n fàra Yawe kpáagi yacanra na, níì wi senyɛnw Sedesyasi télege a wi pye Zyuda, ní Zyerusalɛmi fànʔafɔw.

2 Cányi kèlē 36:18

A Nebukadinezari kári ní Kolocɔlɔɔ kpáagi yárira myɛ ní Babilɔni ma n wogbolori fàra woyiliri na, ní Yawe kpáagi lɔ́rɔ, n fàra fànʔafɔw, ní wi syɛɛnkpolobèle lɔ́rɔ na.

Ɛsidirasi 5:14

Alí fànʔafɔw Sirusi n caà tɛ́ɛw ní wálifiiw yárira yirige Babilɔni kpɔ̀ʔɔrɔli kpaʔa ni, ti lè Kolocɔlɔɔ kpáagi wóro, dee Nebukadinezari da láa n yirige Zyerusalɛmi kpɔ̀ʔɔrɔli kpaʔa ni lè n kári ní di ní Babilɔni kpɔ̀ʔɔrɔli kpaʔa ma, a wi dee bee le wee kɔ́lɔ ni be yiri lè Syesyibasari, woro wee wi da télege lè guvɛrinɛɛri.

Zyeremii 27:7

Syɛɛnfeleyi myɛ a ra báara woro, ní wi jáaw, ní wi pìinyanbiigi ma, fwɔɔ bi taa wi tári làla í wɔ́ɔ ba nan, fànnɛʔɛgɛ syɛɛnfelege, ní fànʔafɔ-gbólobéle si wi kɔ́ri waa báara poro ma.

Zyeremii 50:35

«Ŋɔséew, Kalide ye kánmi na!» Yawe wi jo nya, «ní Babilɔni syɛ́ɛnbèle kánma na, ní wi syɛɛnkpolobèle, ní wi sícilibèle kánma na!

Zyeremii 52:19

A gáridibèle kùndigi níì tásaayi, ní nùndaanni yasorigoro yalegéle, ní nyari-nyarili pɛ́ɛgéle, ní cɔ́ɔngi yaleye, ní fètindaʔagèle, ní yagbaagèle, ní kpàtɛɛbèle láa, gee bee n jo dee myɛ di pye lè tɛ́ɛw, ní wálifiiw wóro.

Danyɛli 1:2

A Kàfɔw Zyuda fànʔafɔw Yehoyakimi le wi kɔ́yi ni n fàra Kolocɔlɔɔ kpáagi yáriraa na. A wi kári ní yáriri ní Syineyari tári ma n sáà lége wi kolocɔlɔw kpaʔa ni, n tɛ́ʔɛ wi kolocɔlɔw lɔ́rɔ tɛɛkɔngɔ kpaafungo ni.

Danyɛli 5:11

Nànwaa i naa mɔ fangi tɛ́nɛmɛ ni, wee ni kolocɔlɔcǎnbèle pìle nyɛ lè. Mɔ tóow làla ni, gbɛ̀ɛ́nmi, ní cánni, ní sícilimi maa ni taagi wi ma, sícilimi bi kolocɔlɔbèle wómɔ wíri lè. A gi wɔ́ɔ̀ pye fànʔafɔw Nebukadinezari wi lè mɔ tóow, woro maa wi télege cɛ́lɛfɔbèle, ní kanyaabèle, ní kacánbèle, ní wélefɔbèle nyúngo na.

Danyɛli 5:13

Lǎli bee ni a be pan ní Danyɛli ní fànʔafɔw yɛ́ʔɛ ma. A fànʔafɔw baa gi joo Danyɛli ma níì wi pye: «Mɔ lé wi nyɛ Danyɛliw, wi lè wojobèle ni, bele mii tóow, fànʔafɔw sáà cò lè Zyuda ma n pan?

Danyɛli 5:18

Ee fànʔafɔw, Kolocɔlɔɔ wi lè Pe Myɛ Nyúngo na, wi maa fǎngi, ní kpɔʔɔgbɔɔri, ní kpɔ́ɔmi, ní nìjanri kaan mɔ tóow Nebukadinezari ma.

Danyɛli 5:23

níì miyɛɛ gbɔ́ʔɔ nyɛ̀ʔɛgèle Kàfɔlɔ kánma na. Mɔ n be pye a be pan ní wi kpáagi yalegéle ní mɔ yɛ́ʔɛ ma, a yele baa dùvɛɛnw gbaa ge ni, mɔ ní mɔ syɛɛnkpolobèle, ní mɔ cébèle, ní mɔ cefàra-mí-láabèle, níì kolocɔlɔbèle kpɔ̀ʔɔrɔ be lè wálifiio, ní tɛɛ̀, ní kanyɛɛnrɛ, ní tunmɔrɔ, ní tiire, ní kàdɛnɛrɛ, bele be lè pe o nyaagi í, pe o lúro í, cánna o be ma í. Kolocɔlɔwee kɔ́lɔ ni mɔ ŋɔ́ngari, ní mɔ kóloyi nyɛ lè, woro wi nyɛ mɔ ga wi kpɔ́ʔɔ í.

Danyɛli 5:3

Lǎli bee ni a be pan ní yalegèle ní fànʔafɔw ma, ke lè tɛ́ɛw wòʔolo, koro gele pe da sáà láa kpɔ̀ʔɔrɔli kpaʔa ni ki lè Kolocɔlɔɔ kpáagi Zyerusalɛmi ni lè. A fànʔafɔw ní wi syɛɛnkpolobèle, ní wi cébèle, ní wi cefàra-mí-láabèle ba ni gbo ge ni.

Danyɛli 5:30

Yébiligi bee wonijanga ni, a pe baa Kalide ye fànʔafɔw Bɛlisyasari kpóo.

Danyɛli 5:4

A be dùvɛɛnw gbaa, ní i kolocɔlɔbèle sòoló be lè tɛɛ̀, ní wálifiio, ní kanyɛɛnrɛ, ní tunmɔrɔ, ní tiire, ní kàdɛnɛrɛ.

Córolo 7:79

Wi yakaangi maa pye wálifiio tásaʔa nibin, gee líbeganma bi pye lè gíramibéle saala kɔrɔni ní dabata, ní wálifiio yalele nibin, lee líbeganma bi pye lè gíramibéle saala taanri ní dabata, tɛɛcǎngi wáli nyɔ́ɔ na. Yi myɛ siinw maa nyìn míivɔɔnimɔ na, bee ni be sìnmɛ nyáʔami lè, míimɛ yakanʔa gii,