Danyɛli 5:12 - Cebaara Bible 2010

¹² Níì cán woro wee wi lè Danyɛli, á fànʔafɔw da mɛ́ʔɛ le wi na ni wi yiri Bɛlitisyasari, woro ni bingaara pile, ní kérigèle cánna, ní cánni, ní ŋúnɔyi kɔ́rɔ joolo fanʔa, ní kàseegèle kɔ́rɔ tɛ̀ɛnnɛ, ní yíbegbanyi syɛɛnlurugoro kaanna nyɛ. Koro na, ki n yɛlɛ pe Danyɛli yeri yaà, wi a ba di kɔ́rɔw joo.»

Danyɛli 5:12 Iomraidhean Croise

Ŋúnuyi 16:3

Syɛɛncanbèle be nyɛ lè tári ni, poro be nyɛ fǎngi wodelege gee gi lè mii fundaanri myɛ.

Kàseegèle 12:26

Syɛɛnsinw i nyɛ yɛɛ̀kinio wi pínɛnyɛnw ma, syɛɛnpeebèle kólogo si i be pùuní.

Kàseegèle 17:27

Wee wi wi syɛɛnjóori kɔ̀rɔsíi lè, cánni i nyɛ wi ma, wee fúngo gi nyíngi lè, wi n cìlige.

Ezekyɛli 28:3

Wéle, mɔ n cìlige n sɔ̀lɔ Danyɛli na, kalaralaa faala o nyɛ yébilimɛ mɔ ma í.

Danyɛli 1:17

A Kolocɔlɔɔ kérigèle cánna fúnyo kaan nìgɔcaribèle bee sicɛrɛ ma, sɛ́bɛri cánna, ní sícilimi myɛ kàbaan na. A Danyɛli yanyaayi myɛ, ní ŋúnɔyi myɛ kɔ́rɔ cán.

Danyɛli 1:7

A falipyenǎnbèle kùndigi mɛ́ɛyɛ le be na, Danyɛli wógi gi pye Bɛlitisyasari, Hananya wógi si i nyɛ Syadiraki, Misyayɛli wógi si i nyɛ Mesyaki, Azariya wógi si i nyɛ Abɛdi-Nego.

Danyɛli 2:26

A fànʔafɔw gi joo Danyɛli ma, pe wɔ́ɔ̄ yiri lè Bɛlitisyasari, níì wi pye: «A mɔ a gbǎn mii ŋúnɔgi joo lé bi tɛ̀ɛn mii na si gi kɔ́rɔw joo?»

Danyɛli 4:19

mɔ wii, ee fànʔafɔw, mɔ wi baa kpɔ́ʔɔ nya, níì nìri, mɔ n kpɔ́ʔɔ n yìri fwɔɔ n nan nyɛ̀ʔɛni na, mɔ fangi n kpɔ́ʔɔ n nan tári láʔagéle na.

Danyɛli 4:8

Tíigi bee maa kpɔ́ʔɔ níì nìri, ki fínaagi maa kári fwɔɔ n sáà nan nyɛ̀ʔɛni na, syɔɔn ye maa ni gi nyaagi bi be yaʔa yaà tári láʔagéle myɛ ma.

Danyɛli 5:14

Mii n mɔ kéeli lóʔo a gi jo kolocɔlɔbèle pìle i nyɛ mɔ ni, ncan gbɛ̀ɛ́nmi, ní cánni, ní bìngaara sícilimɛ i nyɛ mɔ ma.

Danyɛli 5:16

Mii n mɔ kéeli lóʔo a gi jo mɔ n gbàn ni kèlē kɔ́rɔ nyuu, ní wɔ́ɔ̀ gbàn ni yíbegbanyi syɛɛnlurugoro kaangi. Tɔ́ɔliw ni doò, mɔ ga gbàn n sɛ́bɛri naa wéle níì di kɔ́rɔw joo mii ma, burogbɔɔ-nyɛ̀nʔɛ a le mɔ na, mɔ a tɛɛ̀ nyɔ̀ʔɔmɔ le mɔ yátiigi ni, si pye kùndigi-taanri wów fǎngi ni.»

Danyɛli 6:3

A wi kùndigibéle taanri télege tári kacɔɔnribéle nyúngo na. Danyɛli si maa pye kùndigibèle bee taanri ni, poro má tári kacɔɔnribéle da yɛlɛ bàā be fáliw kèlē nyuu, jàngó gàlagí faala a kɔ́ nan fànʔafɔw na í.

Danyɛli 6:4

Danyɛli tiimaa si maa sɔ̀lɔ kùndigibèle, ní tári kacɔɔnribéle na, níì cán bìngaara pile maa pye wi ni, a fànʔafɔw i sɔ̀ngí bi wi télege fǎngi myɛ nyúngo na.

Kɔlɔsi ye 1:29

Gee bee na mii ŋàʔaná ni báara ni yɛlɛgi ní wi fǎngi ní gi báara mii ni lè gbanʔama.