Danyɛli 5:11 - Cebaara Bible 2010

¹¹ Nànwaa i naa mɔ fangi tɛ́nɛmɛ ni, wee ni kolocɔlɔcǎnbèle pìle nyɛ lè. Mɔ tóow làla ni, gbɛ̀ɛ́nmi, ní cánni, ní sícilimi maa ni taagi wi ma, sícilimi bi kolocɔlɔbèle wómɔ wíri lè. A gi wɔ́ɔ̀ pye fànʔafɔw Nebukadinezari wi lè mɔ tóow, woro maa wi télege cɛ́lɛfɔbèle, ní kanyaabèle, ní kacánbèle, ní wélefɔbèle nyúngo na.

Danyɛli 5:11 Iomraidhean Croise

Sélimɛ 41:38

A Faraɔnw si be pye: «A wolo a gbǎn ní nànwaa taa lé Kolocɔlɔɔ Pǐli í pye wi ni àmɛɛ wee naa nyɛ lè?»

2 Samyɛli 14:17

Mɔ pulocew n jo: ‹Mii kàfɔw wi lè fànʔafɔw ki n yɛlɛ wi syɛ́ɛnri í ŋɔ́ndaala kaan mii ma. Níì cán mii kàfɔw wi lè fànʔafɔw, wi i nyɛ àmɛɛ Kolocɔlɔɔ nyɛ̀ʔɛni tundunwaa nyɛ lè n fɔ̀lɔ ni kacànga ní kapeʔe lúro. Ki n yɛlɛ Yawe mɔ Kolocɔlɔw í pye ní mɔ ní.› »

Ezekyɛli 28:3

Wéle, mɔ n cìlige n sɔ̀lɔ Danyɛli na, kalaralaa faala o nyɛ yébilimɛ mɔ ma í.

Ezekyɛli 28:4

Mɔ sícilimi ní mɔ cánni báriga ni mɔ n lɔrɔ caa n taa miyɛɛ ma, mɔ n tɛɛ̀ ní wálifiio taa n kpóʔoro mɔ lɔ́ri tɛɛkɔnyɔ ni.

Danyɛli 1:4

nìgɔcaribèle pèle, bele cére ti a pye lè tɛɛlɛ fun, bele pe a wélemɛ dɛ́nɛ lè, si cìlige gbanʔama, si pye kacanbèlē, sáā kérigèle cángi da láʔala, poro bele pe a gbǎn ra báara fànʔafɔw fànʔafɔ-gbaʔa ni lè, wi pan ní bele bee ní, pé ba be tama Kalide ye sɛ́bɛri, ní Kalide ye syɛ́ɛnri na.

Danyɛli 2:11

Yárigee fànʔafɔw caa lè, ki n gbàn dɛ, syɔɔn faala o beè wee wi a gbǎn gi joo fànʔafɔw ma lè í, kapye kolocɔlɔbèle ban í, poro bele tɛɛkòrogo gi lè ki o nyɛ syɔɔn ye níngi ni í.»

Danyɛli 2:22

Woro wi kérigèle tèé, gele ge cùru, níì làra lè. Woro wee wi yébilimi kèlē cán lè, á gbɛ̀ɛ́nmi pínɛ n tɛ́ɛn ní wi ní.

Danyɛli 4:18

á tíigi bee wára nyɔɔ, á gi yasanri nɛʔɛ ní i lìile kaangi pe myɛ ma, koro gee láara ni sìnbirigi yaweere da ni kòró lè, féjɛɛnri si i kòró ki káganyi ni,

Danyɛli 4:5

A Danyɛli pan poro kàdoʔo ma n baa yére mii yɛ́ʔɛ ma, pe wɔ́ɔ i wi yiri Bɛlitisyasari, mii kolocɔlɔw dɔʔɔma wii, kolocɔlɔcǎnbèle pìle i nyɛ wi ni.

Danyɛli 4:6

A mii ŋúnɔgi joo wi ma, níì jo: «Bɛlitisyasari, mɔ wi lè cɛ́lɛfɔbèle kùndigi, mii n gi cán ncan mɔ ni kolocɔlɔcǎnbèle pìle nyɛ, ncan kalaralaa faala ga gbàn mɔ ma í, yáriree mii nyaa ŋúnɔgi na lè, di kɔ́rɔw joo mii ma.

Danyɛli 5:14

Mii n mɔ kéeli lóʔo a gi jo kolocɔlɔbèle pìle i nyɛ mɔ ni, ncan gbɛ̀ɛ́nmi, ní cánni, ní bìngaara sícilimɛ i nyɛ mɔ ma.

Danyɛli 5:7

A fànʔafɔw yákpogi wáa ní fànʔa ní n gi joo níì jo paa maa ní kanyaabèle, ní Kalide ye, ní cɛ́lɛfɔbèle ní. A fànʔafɔw baa gi joo Babilɔni sícilibèle ma níì jo: «Syɔ́ɔnwee wi ga gbàn n sɛ́bɛri naa wéle níì di kɔ́rɔw joo mii ma lè burogbɔɔ-nyɛ̀nʔɛ a le wi na, tɛɛ̀ nyɔ̀ʔɔmɔ si wɔ́ɔ le wi yátiigi ni, wí pye fǎngi kùndigi-taanri wóo.»

Kapyegèle 12:22

A syɛ́ɛnbèle myɛ i yákpogèle wáa níì jo: «Kolocɔlɔɔ yákpolo li nyɛ lee naa, syɔɔn wólo ban í.»

Kapyegèle 14:11

A syɛ́ɛnmi ga kéeli bee nyaa lee Pɔli kpéʔele lè, a pi i gi nyuu ni yákpogèle wáa Likawonii ye syɛ́ɛnri ni níì jo: «Kolocɔlɔbèle pèle n tìgi naa wolo ma àmɛɛ syɛ̀ɛnnɛ nyɛ lè.»

Kapyegèle 16:16

Cangaa wolo maa ni syée Kolocɔlɔɔ tɛɛ̀nyɛɛrigi ni, a wolo sáà fàra ní pulocewaa ní, màdeo maa pye wi ni a wi i kérigèle nyaagi ni nyuu màdew bee báriga ni, a wi kàfɔbèle i lɔrɔ saʔa taagi nyaani bee báriga ni.

Tɛ̀ɛnnɛ 3:9

Wéle, bele be nyɛ lè Sutanaw sérikpaʔa woolo ní si i finɛ, ní i peyɛɛ yiri Zyefubéle, bi gi taa pe o nyɛ Zyefubéle í, mii a be kɔ́ri koro ga pye pe ba kpùmɔnɔ mɔ taana bàā mɔ kpɔ̀ʔɔrɔ́, jàngó pe gi cán bi cán mii n tàmaga le ní mɔ ní.