Danyɛli 4:7 - Cebaara Bible 2010

⁷ N mii yaʔa mii yasinɛgi na, yanyaayi mii nyaa mii sɔ̀nguri ni lè, yoro yi nyɛ yee naa: Mii n tiige nyaa tári nínge ni, ki maa tɔnɔ gbanʔama.

Danyɛli 4:7 Iomraidhean Croise

Sélimɛ 41:24

A yaliikan-waayi si yaliikanjǎnyi kɔrɔsiin jɔ́ɔ. A mii si gi joo n tɛ̀ɛn cɛ́lɛfɔbèle na, pe wàa faala si ga gbàn n gi kɔ́rɔw joo mii ma í.»

Sélimɛ 41:8

A nyǐngi ga sɔ̀li, a Faraɔnw fúngo tɔ̀nɔ n curugo. A wi be pye a be Ezyipiti cɛ́lɛfɔbèle myɛ ní Ezyipiti sícilibèle myɛ yeri. Ní baa wi ŋúnɔyi myɛ joo n tɛ̀ɛn be na. Kàjáa pe wàa faala ga gbàn n yi kɔ́rɔw joo wi ma í.

Ŋúnuyi 37:35

Mii n syɛɛnpeew nyaa wi séew myɛ ni, a wi cabara n pye àmɛɛ tiikpɔʔɔ nyɛ, gee gi fùn lè.

Ezayi 44:25

Mii wi jànvaa kanyaajoobèle fɛ̀ɛbēle kálagi, ní wɔ́ɔ i kanyaabèle kàragí nilabalabéle. Mii i sícilibèle lúrugu kàdoʔo ma, ní i be cánni kàragí labalama.

Ezekyɛli 31:3

Wéle, Asirii maa pye Liban sɛdiri tíige, ní káganjànya, ní nyínnɛʔɛmɛ kɔ́ligɔ, á gi níngi tɔnɔ, a gi fínaani tɔnɔ n yiri tiitɔnri nínge ni.

Danyɛli 1:4

nìgɔcaribèle pèle, bele cére ti a pye lè tɛɛlɛ fun, bele pe a wélemɛ dɛ́nɛ lè, si cìlige gbanʔama, si pye kacanbèlē, sáā kérigèle cángi da láʔala, poro bele pe a gbǎn ra báara fànʔafɔw fànʔafɔ-gbaʔa ni lè, wi pan ní bele bee ní, pé ba be tama Kalide ye sɛ́bɛri, ní Kalide ye syɛ́ɛnri na.

Danyɛli 2:10

A Kalide ye fànʔafɔw yari: «Syɔɔn faala o naa tári na, wee wi a gbǎn gi joo, gee fànʔafɔw caa lè í. Koro na fànʔafɔwaa faala, wogbɔɔɔ wàlá séefɔlɔ, pe wàa ga kɔ́ɔ̀ ŋàʔanaga kéeli naa làa joo n gbàn cɛ́lɛfɔwaa, wàlá kanyaawaa, wàlá Kalide ye wówaa faala ma níì jo li kpéʔele í.

Danyɛli 2:27

A Danyɛli fànʔafɔw yari: «Kalaralee fànʔafɔw caa bi cán lè, sícilibèle, wàlá kanyaabèle, wàlá cɛ́lɛfɔbèle, wàlá wélefɔbèle ban pe a gbǎn li tɛ̀ɛn fànʔafɔw na í.

Danyɛli 2:7

A be níì wi yari tɔziin wógi na: «Ki n yɛlɛ fànʔafɔw í ŋúnɔgi joo wolo ma wo nyɛ lè wi falipyebèle, wolo si a gi kɔ́rɔw joo.»

Danyɛli 3:8

Koro na, lǎli bee ni, a Kalide syɛ́ɛnbèle pèle pan n baa sɔ́ɔn Zyefubèle na.

Danyɛli 4:18

á tíigi bee wára nyɔɔ, á gi yasanri nɛʔɛ ní i lìile kaangi pe myɛ ma, koro gee láara ni sìnbirigi yaweere da ni kòró lè, féjɛɛnri si i kòró ki káganyi ni,

Danyɛli 5:7

A fànʔafɔw yákpogi wáa ní fànʔa ní n gi joo níì jo paa maa ní kanyaabèle, ní Kalide ye, ní cɛ́lɛfɔbèle ní. A fànʔafɔw baa gi joo Babilɔni sícilibèle ma níì jo: «Syɔ́ɔnwee wi ga gbàn n sɛ́bɛri naa wéle níì di kɔ́rɔw joo mii ma lè burogbɔɔ-nyɛ̀nʔɛ a le wi na, tɛɛ̀ nyɔ̀ʔɔmɔ si wɔ́ɔ le wi yátiigi ni, wí pye fǎngi kùndigi-taanri wóo.»

Danyɛli 5:8

A fànʔafɔw sícìlibēle myɛ jée, kàjáa pe ga gbàn n sɛ́bɛri wéle í, wàlá n di kɔ́rɔw joo fànʔafɔw ma í.