Danyɛli 4:34 - Cebaara Bible 2010

³⁴ Tɔ́ɔliw ni, mii Nebukadinezari, mii i nyɛ̀ʔɛni Fànʔafɔlɔ sòoló, mii i wi kpɔ̀ʔɔrɔ́, mii i wi kpɔ́ʔɔgi, àmɛɛ wi kapyegèle myɛ nyɛ lè kányɛʔɛ wòʔolo, á wi kóloyi wɔ́ɔ̀ sín, wee wi a gbǎn be tìrige, bele be táanri nɛ̀ɛnyɛnɛgɛ ni lè.

Danyɛli 4:34 Iomraidhean Croise

2 Samyɛli 22:31

Kolocɔlɔɔ kólogi kèlē n tɔ̀nɔ n sín n foro. Yawe syɛ́ɛnri i nyɛ wozɛʔɛgwɔɔrɔ ní. Bele myɛ be làrá wi ni lè, wi i nyɛ bele bee má tunmɔzige-yariga.

1 Cányi kèlē 29:10

A Davidi bariga kaan Yawe ma syɛɛnkpoʔolomi myɛ nyɛ́nɛ na. Davidi n jo: «Ee Yawe, mɔ wi lè wolo tóow Isirayɛli Kolocɔlɔw, mɔ na kpɔ̀ʔɔrɔli yɛlɛ làla o làla kwɔ́ɔmɔ fun.

1 Cányi kèlē 29:13

Tɔ́ɔliw ni wolo Kolocɔlɔɔ, wolo i mɔ kpɔ̀ʔɔrɔ́, ní i mɔ nijanri mɛ́ʔɛ sòoló.

Zyɔbi 1:21

níì jo: «Mii n yiri mii nɔ́ɔw láʔa ni níbori, mii si a wɔ́ɔ lúru kári yaà níbori. Yawe wi gi kaan, Yawe si wi wɔ́ɔ̀ gi syɔɔ. Yawe mɛ́ɛgi gi yɛlɛ kaa kpɔ̀ʔɔrɔ́!»

Ŋúnuyi 10:16

Yawe i nyɛ fànʔafɔlɔ làla o làla kwɔ́ɔmɔ fun. Syɛɛnfeleyi n kálagi péw n yiri wi tári ni.

Ŋúnuyi 102:24

Wi n mii bárigaw kwɔ́ɔ n mii yaʔa kólogi na, wi n kàa yirige mii sìíw canya ni.

Ŋúnuyi 107:15

Ki n yɛlɛ paa Yawe kpɔ̀ʔɔrɔ́ wi funjǎngi kéele na, ní wi bìngaari kèlē kéele na, gele wi kpéʔele syɔɔn ye ma lè!

Ŋúnuyi 107:22

Páā bariga kaanna sáriga wóo Yawe ma, sáā wi kapyegèle kéele ŋúu ní fundaanra yákpogéle ní!

Ŋúnuyi 107:31

Ki n yɛlɛ paa Yawe kpɔ̀ʔɔrɔ́ wi funjǎngi kéele na ní wi bìngaari kèlē kéele na, gele wi kpéʔele syɔɔn ye ma lè.

Ŋúnuyi 107:8

Ki n yɛlɛ paa Yawe kpɔ̀ʔɔrɔ́ wi funjǎngi kéele na, ní wi bìngaari kèlē kéele na, gele wi kpéʔele syɔɔn ye ma lè!

Ŋúnuyi 111:7

Wi kɔ́yi kapyegèlē ge nyɛ kányɛɛgi ní sínni. Syɔɔn n yɛlɛ wi tága wi tundunri myɛ na.

Ŋúnuyi 121:1

Njogi lúgufɔɔlɔ ŋúnugo. Mii a mii yɛ́ɛgi yìrige bàā wéle yaà nyanbeleyi ma. Sán mii dɛ̀ɛmɛni a yìri?

Ŋúnuyi 123:1

Njogi lúgufɔɔlɔ ŋúnugo. Mɔ má mii mii nyapiigèle yìrigí ni wéle, mɔ wee wi nyɛ lè wodɛ́ɛɔn ní nyɛ̀ʔɛni na.

Ŋúnuyi 145:13

Mɔ fangi i nyɛ bàngwɔɔ fànʔa, mɔ kundigiri a kòro bàā syée yaà yìrigèle myɛ syɛ̀ɛnnɛ nyúngo na. Yawe i nyɛ tágala syɔ́ɔn wi nyɔɔfaliyi forolo na, gee myɛ wi kpéʔele lè, ki i wi funjǎngi tèé.

Ŋúnuyi 146:10

Yawe i nyɛ wodɛ́ɛɔn ní fǎngi na bàngwɔɔ. Ee Siyɔn, mɔ Kolocɔlɔw a pye beè yìrigèle myɛ syɛ̀ɛnnɛ ma! Aleluya!

Ŋúnuyi 50:14

Ki n yɛlɛ maa kpɔ̀ʔɔrɔli sáriga wóo Kolocɔlɔɔ ma, da mɔ nyɔɔfaliyi forogi wee ma wi nyɛ lè Pe Myɛ Nyúngo na.

Ŋúnuyi 66:7

Wi i nyɛ yáriri myɛ nyúngo na làrigèle myɛ ni wi séew báriga ni, wi nyɛnɛ i nyɛ syɛɛnfeleyi na, niceebèle a kɔ́ ra peyɛɛ gbɔ́ʔɔgi í! Ŋɔ́ndaala

Ŋúnuyi 7:17

Wi péemi i lúrugu ni kòró wi tiimaa nyúngi ni. Wi tanʔari i lúrugu ni tuun wi tiimaa nyùnjɛɛli na.

Ŋúnuyi 9:2

Mii a ra mɔ kpɔ̀ʔɔrɔ́ ní mii fúngi myɛ ní, Yawe mii a ra mɔ bingaari kèlē myɛ kéele nyuu.

Ŋúnuyi 92:1

Kpɔ̀ʔɔrɔli ŋúnugo. Cândɛnɛgi canʔa ŋúnugo.

Ezayi 13:11

Mii a dulunyanw wɔʔɔ bi yɛlɛ ní wi péemi ní, bi syɛɛnpeebèle sàra be kolomi kéele na. Mii a nɛ̀ɛnyɛnɛgi fɔ̀ɔlɔ kpɔ́ɔmɔ kwɔ́ɔ, bi wɔ́ɔ syɛɛnjanmabèle nɛ̀ɛgbɔʔɔgɔ tìrige.

Ezayi 2:11

Syɔɔn nɛ̀ɛgbɔʔɔgi wélege nyúngo a ba jùngu, syɛ́ɛnbèle nɛ̀ɛnyɛnɛgɛ si faʔa. Yawe nibin pe a ba ra kpɔ́ʔɔgi cángi bee.

Ezayi 24:15

Koro na yaa Yawe kpɔ́ʔɔgi canʔafolomɔ kabangi ma, yaa Yawe Isirayɛli ye Kolocɔlɔw mɛ́ʔɛ kpɔ́ʔɔgi sólomi lɔ̀ʔɔ nínge tátɛɛgéle ni.

Zyeremii 10:10

Kàjáa Yawe i nyɛ Kolocɔlɔɔ kányɛʔɛ na, woro wi nyɛ Kolocɔlɔɔ woweew, ní bàngwɔɔ fànʔafɔw. Tári i cɛ̀lɛ́ wi fundanʔari yɛ́ʔɛ ma, wi fundanʔagbɔɔri o kúngu syɛɛnfeleyi ni í.

Kayaagi Nyɛnigɛ 3:38

Wee wi nyɛ lè Pe Myɛ Nyúngo na, woro nyɔ́ɔgi ni ban kagbanyi ní kacǎnyi yirigi ì?

Danyɛli 12:7

A mii nǎnw joomɔ lóʔo, wee wi da lɛn fàniw búrogo le lè, níì pye cábigi lɔ̀ʔɔ ǹjoʔo ni, wi maa wi kàliige kɔ́gi ní wi kàmɔnɔ kɔ́gi yìrige n wáa nyɛ̀ʔɛgèle ma, níì kàli wee na wi nyɛ lè sìi na làla o làla kwɔ́ɔmɔ fun, níì jo kérigèle bee a pye làlaa, ní làrigèle, ní làlaa tíla ni, ní lǎli ni syɛɛnfelegi wojanga fanʔa ga baa kwɔ́ɔ lè péw, kérigèle bee myɛ a kpéʔele foro.

Danyɛli 2:44

Fànʔafɔbèle bee làla ni, nyɛ̀ʔɛni Kolocɔlɔɔ a fàngaa télege, gee gi lè ki a tée kálagi í, fǎngi bee a tée jée syɛɛnfelegaa fànʔa kɔ́yɔ ni í. Ki a fǎnyi bee myɛ tɔ́nʔɔnɔ bi kwɔ́ɔ, koro tiimaa si kòro beè kwɔ́ɔmɔ fun.

Danyɛli 4:2

A mii ŋúnɔgɔ ŋúnɔ, a gi zɔ̀nviikɔnirɔ wáa mii na. N mii yaʔa mii yasinɛgi na, sɔ̀nguri di pye mii na lè, ní mii fúngi yanyaara, a toro fyáakpɔɔrɔ wáa mii na.

Danyɛli 4:26

Yeye kɛɛ ní siin kwɔ́ɔlɔ kadoʔo ma, wi maa ba ni nyaari ni máari fànʔafɔ-gbaagi ǹjoʔo ni, Babilɔni ni.

Danyɛli 4:3

A mii gi joo n gbàn níì jo paa maa mii yɛ́ʔɛ ma ní Babilɔni sícilibèle myɛ ní, koro ga pye pe ba ŋúnɔgi kɔ́rɔ joo mii ma.

Danyɛli 4:32

Tári syɛ̀ɛnnɛ myɛ o córo yarigaa wi ma í. Gee ki wi dɛ́nɛ lè koro wi kpéʔele nyɛ̀ʔɛni sùlasiibéle na, ní tári syɛ̀ɛnnɛ na, syɔɔn faala si o beè, wee wi a gbǎn yére wi kɔ́gi sige lè í si wi pye: «Nyàʔá mɔ kpéʔele?»

Danyɛli 5:18

Ee fànʔafɔw, Kolocɔlɔɔ wi lè Pe Myɛ Nyúngo na, wi maa fǎngi, ní kpɔʔɔgbɔɔri, ní kpɔ́ɔmi, ní nìjanri kaan mɔ tóow Nebukadinezari ma.

Danyɛli 5:21

A wi nɛnɛ n yirige syɔɔn ye níngi ni, a wi fúngi kàri n pye àmɛɛ yaweeri wóyo nyɛ lè, a wi tɛɛkòrogi pye seʔe jofanibèle nínge ni. A nyàági pye wi yaliiri àmɛɛ nǐyi nyɛ lè, a nyɛ̀ʔɛni kásaga i wi céri nyíngi fwɔɔ n taa a wi baa gi cán Kolocɔlɔɔ wi nyɛ lè Pe Myɛ Nyúngo na, woro wi nyɛ syɔɔn ye fǎngi nyúngo na, wi i gi kaangi wee má wi caa bi gi kaan lè.

Danyɛli 6:26

Koro kàdoʔo ma, a fànʔafɔw Dariyusi sɛ́bɛ sɛ́bɛ n tórigo syɛ́ɛnbèle myɛ, ní syɛɛnfeleyi ma, ní syɛɛnfeleri myɛ joofɔɔlɔ ma pe nyɛ lè tári myɛ ni, níì jo: «Ki n yɛlɛ yɛɛ̀nyingi í pye yele ma saʔa.

Danyɛli 7:14

A be kùndigiri, ní kpɔ́ʔɔri, ní fǎngi kaan wi ma. A syɛ́ɛnbèle myɛ, ní syɛɛnfeleyi, ní syɛɛnfeleri myɛ joofɔɔlɔ i báara wi ma. Wi kùndigiri i nyɛ bàngwɔɔ kùndigire, ti a tée kwɔ́ɔ í, wi fǎngi si a tée kálagi í.

Danyɛli 7:27

Fǎngi, ní kùndigiri, ní nyɛ̀ʔɛni láara fanya myɛ kpɔ́ʔɔrɔ a kaan, wee wi nyɛ Pe Myɛ Nyúngo na lè woro wojanbèle syɛɛnfelege ma. Wi fǎngi a pye bàngwɔɔ fànʔa, kùndigibèle myɛ a ra báara wi ma sáā lúro wi ma.›

Danyɛli 9:14

Yawe n gi kɔ̀rɔsíi níì gi yaʔa wɔʔɔgi naa í too wolo na. Níì cán Yawe wolo Kolocɔlɔw n sín wi kapyegèle myɛ ni wi kpéʔele lè, kàjáa wolo wo nyɛ wo ga wi jóomi lóʔo í.

Zyonasi 1:14

Lǎli bee ni a be i Yawe nyɛ́ɛri gbanʔama níì jo: «Ee Yawe, wolo i mɔ nyɛ́ɛri ki ga yɛlɛ wolo í kùu nǎnw naa sìi kéele na í, mɔ a kɔ́ tɛɛlɛ fun sìsyaan wolo kapeele túgoro tugo wolo na í! Níì cán mɔ, Yawe, gee gi mɔ dɛ́nɛ lè, koro mɔ kpéʔele.»

Misye 4:7

Mii a pèle yaʔa be kòro tɔyaayi fɔ̀ɔlɔ ni, bele pe da yirige n wáa lè mii a be pye fànnɛʔɛgɛ syɛɛnfelege. Yawe a tɛ́ɛn fǎngi na pe nyúngi na Siyɔn nyanbelegi na, bi séli lǎli naa na bàā syée yaà làla o làla.

Luki 1:33

Wi a ba pye Zyakɔbi yòdaʔayi fànʔafɔlɔ làla o làla, níì cán wi fǎngi a tée kwɔ́ɔ bi nyaa nyáana í.»

Luki 18:13

Kàjáa a wálisyɔɔw yére tɛɛ̀leelige ni, àlí wi ga fɔ̀lɔ bi wi nyúngi yìrige ǹjoʔo ma bi nyɛ̀ʔɛni wéle í, ní i wiyɛɛ gbúmɔn fìcibigi ni níì jo: ‹Kolocɔlɔɔ, mi nyinimɛ taa mii na, mii wee wi nyɛ lè kapeebyeo.›

Zyan 5:26

Níì cán àmɛɛ Tofɔw Kolocɔlɔɔ nyɛ lè sìi na wiyɛɛ ma, ànbée wi wɔ́ɔ̀ gi kpéʔele Jaafɔw ma wi wɔ́ɔ pye sìi na wiyɛɛ ma,

Làlwaw Kaanziin 32:4

Woro wi nyɛ Fálagi. Wi fáliw n nyɔɔ n foro, wi kóloyi myɛ n sín. Woro wi nyɛ Kolocɔlɔw wi nyɛ lè tágala syɔ́ɔn, woro wi sín, ní i nyɛ kányɛɛgi fɔ́lɔ.

1 Timɔte 1:17

Bàngwɔɔ Fànʔafɔw, woro wee wi nyɛ lè wi a kùu bi nyaa í, syɔɔn si o wi nyaagi í, woro nibin wi lè Kolocɔlɔɔ, woro na kpɔ̀ʔɔrɔli ní nìjangbɔɔri yɛlɛ làla o làla! Amiina!

1 Timɔte 6:16

woro wee nibin wi nyɛ lè bànguu, woro wee wi nyɛ lè gbɛ̀ɛ́nmi ni bee bi lè syɔɔn a gbǎn nùuni bi na í, syɔɔnwaa faala si ga kɔ́ɔ̀ wi nyaa í, pe wàa a wɔ́ɔ gbǎn wi nyaa í, woro na kpɔ̀ʔɔrɔli ní séew yɛlɛ làla o làla! Amiina.

Tɛ̀ɛnnɛ 10:6

níì kàli wee na wi nyɛ lè sìi na làla o làla kwɔ́ɔmɔ fun, ní si i nyɛ nyɛ̀ʔɛni ní li yáriri myɛ kpéʔelefɔlɔ, n fàra tári, ní di yáriri myɛ, ní sólomi lɔ̀ʔɔ, ní gi fúngi yárira myɛ na, wi n kàli níì jo: «Ki a ní mɔn í.

Tɛ̀ɛnnɛ 11:15

A nyɛ̀ʔɛni tundun-kɔrɔsiin wóo wi búruw wìi. A be yákpogbologéle wáa nyɛ̀ʔɛni ni níì jo: «Dulunyanw fànʔa myɛ n kàri wolo Kàfɔw ní wi Kirisiw wóʔo. Wi si a kòro fǎngi na làla o làla kwɔ́ɔmɔ fun!»

Tɛ̀ɛnnɛ 4:10

wolɛɛbèle toko ní sicɛrɛ n too n pe yɛ́ɛyi cíbele wi yɛʔɛ ma, wee wi tɛ́ɛn lè fàngoli ni, ní i wi kpɔ̀ʔɔrɔ́ àmɛɛ wi nyɛ lè sìi na làla o làla kwɔ́ɔmɔ fun, ní i pe fànʔafɔ-nyùndɔngèle cáan fàngoli yɛ́ʔɛ̀ ma, ní i gi nyuu níì jo:

Tɛ̀ɛnnɛ 4:9

Wee wi nyɛ lè wodɛ́ɛɔn ní fàngoli ni, ní si i nyɛ sìi na lè làla o làla kwɔ́ɔmɔ fun, sìi yáriyi bee ga ni wi kpɔ̀ʔɔrɔ́ ní i wi kpɔ́ʔɔgi, ní i bariga kaangi wi ma lǎlee faala ni lè,