Danyɛli 4:3 - Cebaara Bible 2010

³ A mii gi joo n gbàn níì jo paa maa mii yɛ́ʔɛ ma ní Babilɔni sícilibèle myɛ ní, koro ga pye pe ba ŋúnɔgi kɔ́rɔ joo mii ma.

Danyɛli 4:3 Iomraidhean Croise

Zyɔbi 25:2

«Kolocɔlɔɔ má fǎngi ni fyáakpɔɔri nyɛ, woro wee wi yɛɛ̀nyingi télegi lè ǹjoʔo ma tɛ́ɛyi ni.

Ŋúnuyi 104:24

Ee Yawe, mɔ kakpéʔelegèle n tɔ̀nɔ n nɛʔɛ! Mɔ n gele bee myɛ kpéʔele ní sícilimɛ ní. Tári n nyìn mɔ yakpéʔeleri na.

Ŋúnuyi 105:27

Fɛ̀ɛ́bèle bele wi da kaan be ma lè, a pe be kpéʔele be níngi ni, wi n kakpoloyo kpéʔele Kami tári ni.

Ŋúnuyi 145:13

Mɔ fangi i nyɛ bàngwɔɔ fànʔa, mɔ kundigiri a kòro bàā syée yaà yìrigèle myɛ syɛ̀ɛnnɛ nyúngo na. Yawe i nyɛ tágala syɔ́ɔn wi nyɔɔfaliyi forolo na, gee myɛ wi kpéʔele lè, ki i wi funjǎngi tèé.

Ŋúnuyi 66:7

Wi i nyɛ yáriri myɛ nyúngo na làrigèle myɛ ni wi séew báriga ni, wi nyɛnɛ i nyɛ syɛɛnfeleyi na, niceebèle a kɔ́ ra peyɛɛ gbɔ́ʔɔgi í! Ŋɔ́ndaala

Ŋúnuyi 72:18

Yawe Kolocɔlɔɔ, wi lè Isirayɛli Kolocɔlɔw, wi n yɛlɛ waa wi kpɔ̀ʔɔrɔ́, woro nibin wi kakpoloyi kpéʔele!

Ŋúnuyi 77:19

Mɔ nyɛʔɛvololi maa pye káfala-sìnjinni ni, nyɛ̀ʔɛni nyɛ́ʔɛnɛmɛ n gbɛ̀ɛnmɛ yirige dulunyanw ma. Tári n cúngo níì cɛ̀lɛ.

Ŋúnuyi 86:10

Níì cán mɔ n kpɔ́ʔɔ, mɔ i kakpoloyo kpéʔele, mɔ nibin wi nyɛ Kolocɔlɔɔ.

Ŋúnuyi 92:5

Ee Yawe, mɔ i fundaanra kaangi mii ma mɔ kapyegèle báriga ni! Mii i muguri mɔ kɔ́yi fáli kéele na.

Ezayi 25:1

Yawe, mɔ wi nyɛ mii Kolocɔlɔw. Mɔ mii a ra kpɔ̀ʔɔrɔ́, mɔ mɛ́ɛgi mii a ra sòoló. Níì cán mɔ n bìngaara kele kpéʔele, gele mɔ da kɔ̀rirɔ n tímana yaà lè làridɔɔnnɔ ni, ge lè wodelegèle, ní kányɛɛgi wòʔolo.

Ezayi 28:29

Gee bee n wɔ́ɔ̀ taa Yawe ni, wi lè Nyɛ̀ʔɛni Sùlasiibéle Kafɔlɔ. Wi láliiw i nyɛ wojaɔn ní, wi sícilimi n nɛʔɛ.

Ezayi 9:7

Kàfɔw n syɛɛnrɛ joo n wáa Zyakɔbi na, ti n too Isirayɛli na.

Zyeremii 10:10

Kàjáa Yawe i nyɛ Kolocɔlɔɔ kányɛʔɛ na, woro wi nyɛ Kolocɔlɔɔ woweew, ní bàngwɔɔ fànʔafɔw. Tári i cɛ̀lɛ́ wi fundanʔari yɛ́ʔɛ ma, wi fundanʔagbɔɔri o kúngu syɛɛnfeleyi ni í.

Danyɛli 2:2

A fànʔafɔw tun a be sáà cɛ́lɛfɔbèle, ní kanyaabèle, ní dɛ̀ɛ́bèle, ní Kalide ye yeri, pe ba fànʔafɔw ŋúnɔyɔ tɛ̀ɛn wi na. A be pan n baa yére fànʔafɔw yɛ́ʔɛ ma.

Danyɛli 2:44

Fànʔafɔbèle bee làla ni, nyɛ̀ʔɛni Kolocɔlɔɔ a fàngaa télege, gee gi lè ki a tée kálagi í, fǎngi bee a tée jée syɛɛnfelegaa fànʔa kɔ́yɔ ni í. Ki a fǎnyi bee myɛ tɔ́nʔɔnɔ bi kwɔ́ɔ, koro tiimaa si kòro beè kwɔ́ɔmɔ fun.

Danyɛli 4:17

Tíigi mɔ nyaa lè a gi kpɔ́ʔɔ níì nìri, koro gee fínaʔa gi nan lè fwɔɔ nyɛ̀ʔɛni na, ki si i nyaagi tári myɛ ni,

Danyɛli 7:14

A be kùndigiri, ní kpɔ́ʔɔri, ní fǎngi kaan wi ma. A syɛ́ɛnbèle myɛ, ní syɛɛnfeleyi, ní syɛɛnfeleri myɛ joofɔɔlɔ i báara wi ma. Wi kùndigiri i nyɛ bàngwɔɔ kùndigire, ti a tée kwɔ́ɔ í, wi fǎngi si a tée kálagi í.

Danyɛli 7:27

Fǎngi, ní kùndigiri, ní nyɛ̀ʔɛni láara fanya myɛ kpɔ́ʔɔrɔ a kaan, wee wi nyɛ Pe Myɛ Nyúngo na lè woro wojanbèle syɛɛnfelege ma. Wi fǎngi a pye bàngwɔɔ fànʔa, kùndigibèle myɛ a ra báara wi ma sáā lúro wi ma.›

Wɔrɔmi ye 11:33

Ee, Kolocɔlɔɔ lɔ́ri, ní wi sícilimi n tɔ̀nɔ n nɛʔɛ gbanʔama, gee wi cán lè, láʔala o nyɛ gi na í! Syɔɔn sícilimi a gbǎn wi kérigèle cɔɔnriganma ní wi kakɔrirɔgèle cán í.

Làlwaw Kaanziin 4:34

A kolocɔlɔwaa caa kɔ́ɔ̀ gi pye lé n wéle bi pan ba syɛɛnfelegaa láa bi yirige kàa ni bi yaʔa wiyɛɛ ma kagbangēle, ní fɛ̀ɛbēle, ní kakpoloyo, ní kapɛɛnnɛ, ní sée kɔ́lɔ, ní kɔ̂zánʔaga, ní fyáakpɔɔrɔ kele báriga ni n yɛlɛ ní gee myɛ ní Yawe yele Kolocɔlɔw kpéʔele yele kéeli na lè Ezyipiti ni yele nyɛ́nɛ na?

1 Timɔte 1:17

Bàngwɔɔ Fànʔafɔw, woro wee wi nyɛ lè wi a kùu bi nyaa í, syɔɔn si o wi nyaagi í, woro nibin wi lè Kolocɔlɔɔ, woro na kpɔ̀ʔɔrɔli ní nìjangbɔɔri yɛlɛ làla o làla! Amiina!

Heburubèle 1:8

Kàjáa dee wi da joo lè Jaafɔw kéele na, toro di nyɛ dee naa: «Ee, Kolocɔlɔɔ, mɔ fangoli a kòro beè làla o làla kwɔ́ɔmɔ fun.» Ní níì jo: «Sínni li nyɛ mɔ fangi kàgbeele.

Heburubèle 2:4

A Kolocɔlɔɔ wi séeraw fàra be syɛ́ɛnri na, ní fɛ̀ɛbēle, ní bìngaara kele, ní kakpoloyo féleye saʔa ní, wi si maa wɔ́ɔ ni Pìicǎnni yakaanya kaangi ni yɛlɛgi ní wi kínidɛnɛgi ní.

1 Pyɛri 4:11

Wàa ga ni nyuu, ki n yɛlɛ waa nyuu Kolocɔlɔɔ syɛ́ɛnrɛ jooganma na. Wàa ga ni pèle dɛ̀ɛmɛ́, ki n yɛlɛ waa gi kpéʔele ní bárigaw ní Kolocɔlɔɔ kaangi wi ma lè, koro ga pye nìjangbɔɔri í da taari Kolocɔlɔɔ na kérigèle myɛ ni, Zyezu Kirisi bárigaw ni, woro wee má nìjangbɔɔri, ní séekpɔɔw nyɛ lè làla o làla kwɔ́ɔmɔ fun. Amiina!

Tɛ̀ɛnnɛ 11:15

A nyɛ̀ʔɛni tundun-kɔrɔsiin wóo wi búruw wìi. A be yákpogbologéle wáa nyɛ̀ʔɛni ni níì jo: «Dulunyanw fànʔa myɛ n kàri wolo Kàfɔw ní wi Kirisiw wóʔo. Wi si a kòro fǎngi na làla o làla kwɔ́ɔmɔ fun!»