Danyɛli 4:22 - Cebaara Bible 2010

²² Pe a mɔ nɛnɛ yirige syɛ́ɛnbèle nínge ni, mɔ tɛɛkòrogi a pye ní sìnbirigi yaweere ní, nyàági ki a pye mɔ yaliiri àmɛɛ nǐyi nyɛ lè. Nyɛ̀ʔɛni kásaga a ra ŋuu mɔ na, làrigēle kɔrɔsiin a sɔ̀lɔ mɔ na fwɔɔ bi taa mɔ í gi cán, wee wi nyɛ lè Pe Myɛ Nyúngo na, woro wi nyɛ syɔɔn ye fǎngi myɛ nyúngo na, wi i gi kaangi wee má ki wi dɛ́nɛ bi gi kaan lè.

Danyɛli 4:22 Iomraidhean Croise

Sélimɛ 11:4

Koro kàdoʔo ma a be níì jo: «Ye kàwáa wo kàʔa tɛ́ʔɛ, wó kpaataʔa-tɔ́nɔgɔ faan fwɔɔ ki ǹjogi í sa nan nyɛ̀ʔɛni na. Kánmi bee na wolo a mɛ́ɛkpɔʔɔ taa, koro ga pye wolo a kɔ́ cariga bi kári tári myɛ yɛ́ʔɛ kurugo í.»

Sélimɛ 28:12

A ŋúnɔgɔ jée wi ni. A wi yalúgugo nyaa tári na woyérigege ní á gi sáà sígi nyɛ̀ʔɛni na, níì Kolocɔlɔɔ nyɛ̀ʔɛni tundunbéle nyaa pe i lúru ní i tíri gi na,

2 Samyɛli 12:7

A Natan Davidi pye: «Mɔ wi nyɛ nǎnw bee! Yawe wi lè Isirayɛli ye Kolocɔlɔw, wi n jo: ‹Mii wi sǐnmi wo mɔ na n mɔ kpéʔele fànʔafɔlɔ Isirayɛli ye nyúngi na, mii wi mɔ yirige Sawuli kɔ́yi ni.

2 Cányi kèlē 28:9

Yawe kanyaajoowaa si maa pye yaà pe maa ni wi mɛ́ɛgi yiri Odedi. A woro yiri n sáà kapɛɛnkpumɔnbèle fàra pe da yìri yaà n lúru ni maa Samarii ma lè, níì be pye: «Ye wéle, Yawe yele tóolɛɛbèle Kolocɔlɔɔ fúngi n tanʔa Zyuda ye kurugo, koro na wi be le yele kɔ́yi ni, a yele si be kpóo ní fundanʔara ní n baa sɔ̀lɔ fwɔɔ a gee bee nan nyɛ̀ʔɛni na.

Ŋúnuyi 108:4

Yawe, mii a ra mɔ kpɔ̀ʔɔrɔ́ syɛɛnfeleyi nínge ni! Mii a ra ŋúu mɔ kpɔʔɔrɔli kéele na tári syɛɛnfeleye nínge ni.

Ŋúnuyi 36:5

Wi i sɔ̀ngí námaraw pyele na bi wi yaʔa wi yasinɛgi na, kólogee gi pee lè, koro wi lée, wi o kapeʔe cèʔé í.

Zyeremii 27:5

Mii wi tári sámaga n fàra syɛ́ɛnbèle ní yaweeri na di nyɛ tári na lè, mii fàngbɔɔgi ní mii kɔ̂zánʔagi báriga ni, mii si i tári kaangi wee má ki ga mii dɛ́nɛ bi di kaan lè.

Ezekyɛli 17:3

Ki joo mí jo: ‹Kàfɔw Yawe n jo: Nyɔɔdàdagi fókaanya yi tɔnɔ lè, a gi fókaanyi síire tɔnɔ, á síinyɔngɔ-nyɔngɔri gi tɔ́n, ki n pan Liban ma, ní baa sɛdiri tíigi fínaana láʔa yaà.

Danyɛli 2:21

Woro wi làrigèle ní kérigèle kàragí. Wi i fànʔafɔbèle cáan, ní wɔ́ɔ i fànʔafɔbèle télegi. Wi i sícilimɛ kaangi sícilibèle ma ní wɔ́ɔ i cánna kaangi kacánbèle ma.

Danyɛli 4:11

A wi yákpoli wáa ní fànʔa ní ni gi nyuu níì jo: ‹Ye tíigi kpúmɔn, ye gi káganyi cɛnɛ. Yé wári láʔa, yé gi yasanri cariga. Ki n yɛlɛ sìnbirigi yaweere í fàn bi yiri ki nyínmi ni, féjɛɛnri si yìri ki káganyi na.

Danyɛli 4:21

Koro kɔ́rɔw wi nyɛ wee naa fànʔafɔw: Wee wi nyɛ lè Pe Myɛ Nyúngo na, woro kakɔrirɔlɔ lii, lee li a pye lè mii kàfɔw fànʔafɔw na.

Danyɛli 4:29

Pe a mɔ nɛnɛ yirige syɛ́ɛnbèle nínge ni, mɔ tɛɛkòrogi a sa pye ní sìnbirigi yaweere ní, nyàági ki a pye mɔ yaliiri, àmɛɛ nǐyi nyɛ lè. Làrigēle kɔrɔsiin a sɔ̀lɔ mɔ na, fwɔɔ bi taa mɔ í ba gi cán, wee wi nyɛ lè Pe Myɛ Nyúngo na, woro wi nyɛ syɔɔn ye fǎnyi myɛ nyúngo na, wi i gi kaangi wee má ki wi dɛ́nɛ bi gi kaan lè.»

Matye 14:4

Níì cán Zyan maa gi joo wi ma níì jo: «Ki ga yɛlɛ mɔ í céw bee syɔɔ í.»

Tɛ̀ɛnnɛ 18:5

Níì cán ki kapeegèle n taani keyɛɛ na fwɔɔ n sáà nan nyɛ̀ʔɛni na, a Kolocɔlɔɔ sɔ̀ngi n taa ki kakolobyeri na.