Danyɛli 4:14 - Cebaara Bible 2010

¹⁴ Kajoo-mí-cerili naa i nyɛ nyɛ̀ʔɛni tundunbéle wólo koro ga pye niweebèle í gi cán wee wi nyɛ lè Pe Myɛ Nyúngo na, woro wi nyɛ syɔɔn ye fǎnyi myɛ kùndigi, wi i gi kaangi ni yɛlɛgi ní wi nyɛnɛ kéeli ní, wi i nǎnbèle myɛ kàdotɔɔn télegi gi na.

Danyɛli 4:14 Iomraidhean Croise

Matye 3:10

Ye wéle, pe n kpánagi tɛ́ʔɛ n kwɔ́ɔ tíiyi taana. Koro na tiige o tiige gi lè ki o yasanjanra sangi í, pe a gi kpúmɔn wáa náagi ni.

Danyɛli 4:23

Amɛɛ ki da joo n gbàn lè níì jo tiinyungi ní gi nǐnri í kòro yaà tári ni, ki kɔ́rɔw wi nyɛ fǎngi a ní ba lúrugo kaan mɔ ma lǎli ni mɔ ga baa gi cán lè ncan Nyɛ̀ʔɛni [Kolocɔlɔɔ] i nyɛ nyǔngi na.

Luki 3:9

Ye wéle, pe n kpánagi tɛ́ʔɛ n kwɔ́ɔ tíiyi taana. Koro na tiige o tiige gi lè ki o yasanjanra sangi í, pe a gi kpúmɔn wáa náagi ni.»

Matye 7:19

Tiige o tiige gi lè ki o yasanjanra sangi í, pe a gi kpúmɔn wáa náagi ni.

Danyɛli 4:12

Kàjáa ye gi tiinyungi, ní gi nǐnri yaʔa tári ni, ní túnmɔri, ní kanyɛɛnri yapwɔɔrɔ ní, sìnbirigi nyàā nínge ni. Ki n yɛlɛ nyɛ̀ʔɛni kásaga í da gi nyíngi, ki pínɛ da tári nyàā káa ní sìnbirigi yaweere ní.

Danyɛli 3:4

A jèribaw yákpoli wáa gbanʔama n gi joo níì jo: «Yele syɔɔn ye, ní syɛɛnfeleyi, ní syɛɛnfeleri joofɔɔlɔ myɛ, gee gi joo n gbàn yele ma lè koro gi nyɛ gee naa:

Tɛ̀ɛnnɛ 18:2

A wi i gi nyuu ní yákpogbɔɔlɔ ní níì jo: «Ki n too, kèkpɔɔgi Babilɔni n too! Ki n kàri màdebèle tɛɛkòrogo, ki i nyɛ màdebeebèle féleye myɛ tɛɛlaraga, ní wɔ́ɔ i nyɛ féjɛɛn-nɔ́nʔɔgèle féleye myɛ tɛɛlaraga, gele ge syɛ́ɛnbèle bɛɛn lè.

Tɛ̀ɛnnɛ 10:3

níì yákpogbɔɔlɔ wáa àmɛɛ càaraɔ fúlomɔ nyɛ lè. A wi ga wi yákpoli wáa, a nyɛ̀ʔɛvōlogéle kɔrɔsiin gi sogi n falaga.

Danyɛli 5:20

Kàjáa lǎli ni wi baa wiyɛɛ gbɔ́ʔɔ wi fúngi ni lè, níì wi zɔ̌nw gbàn fwɔɔ n nan nɛ̀ɛgbɔʔɔgi na, lǎli bee ni, a wi nɛnɛ n yìrige wi fàngoli na, a wi nìjanri wòlo wi na.

Zyeremii 51:9

Wolo maa ni caa bi Babilɔni pɔʔɔ, kàjáa wi ga pɔʔɔ í. Wo wi yaʔa yaà, wáā syée, wo myɛ nibin nibin wo tára ma. Níì cán wi kútiiw i nangi fwɔɔ nyɛ̀ʔɛgèle na, wi n yìri fwɔɔ n nan fàfaanyi na.

Zyeremii 51:6

Ye fàn ye yiri Babilɔni ni, syɔɔn o syɔɔn í wi sìi syɔɔ. Yele a kɔ́ kùu wi kolomi kéele na í! Níì cán gɔ̀lɔ́-wòloro làla lii Yawe ma. Gee gi nyɛ lè wi wógi, wi a gi lúrugo wi ma!

Zyɔbi 24:20

Wi nɔ́ɔw láʔa a fɛ̀ʔɛ wi na, wí pye fyɛ́ɛnri ma lìijànna, pe a ní sɔ̀ngí taa wi kéeli na í! Sìnzinmi n ceri n yiri yaà àmɛɛ tiige nyɛ lè.

Ezekyɛli 31:10

«Gee bee na Kàfɔw Yawe syɛ́ɛnri naa joo níì jo: ‹Amɛɛ gi sámaga n tɔnɔ lè, á gi fínaani tɔnɔ n yiri tiitɔnyi nínge ni, á kpɔɔmɔ jée gi fúngi ni gi tɔnɔri kéele na,

Zyeremii 27:5

Mii wi tári sámaga n fàra syɛ́ɛnbèle ní yaweeri na di nyɛ tári na lè, mii fàngbɔɔgi ní mii kɔ̂zánʔagi báriga ni, mii si i tári kaangi wee má ki ga mii dɛ́nɛ bi di kaan lè.

Danyɛli 2:21

Woro wi làrigèle ní kérigèle kàragí. Wi i fànʔafɔbèle cáan, ní wɔ́ɔ i fànʔafɔbèle télegi. Wi i sícilimɛ kaangi sícilibèle ma ní wɔ́ɔ i cánna kaangi kacánbèle ma.

Danyɛli 4:29

Pe a mɔ nɛnɛ yirige syɛ́ɛnbèle nínge ni, mɔ tɛɛkòrogi a sa pye ní sìnbirigi yaweere ní, nyàági ki a pye mɔ yaliiri, àmɛɛ nǐyi nyɛ lè. Làrigēle kɔrɔsiin a sɔ̀lɔ mɔ na, fwɔɔ bi taa mɔ í ba gi cán, wee wi nyɛ lè Pe Myɛ Nyúngo na, woro wi nyɛ syɔɔn ye fǎnyi myɛ nyúngo na, wi i gi kaangi wee má ki wi dɛ́nɛ bi gi kaan lè.»

Danyɛli 5:21

A wi nɛnɛ n yirige syɔɔn ye níngi ni, a wi fúngi kàri n pye àmɛɛ yaweeri wóyo nyɛ lè, a wi tɛɛkòrogi pye seʔe jofanibèle nínge ni. A nyàági pye wi yaliiri àmɛɛ nǐyi nyɛ lè, a nyɛ̀ʔɛni kásaga i wi céri nyíngi fwɔɔ n taa a wi baa gi cán Kolocɔlɔɔ wi nyɛ lè Pe Myɛ Nyúngo na, woro wi nyɛ syɔɔn ye fǎngi nyúngo na, wi i gi kaangi wee má wi caa bi gi kaan lè.