Danyɛli 4:13 - Cebaara Bible 2010

¹³ Ki syɛɛnmɛ fúngi a yiri gi ni, yaweʔe fúngo si kaan gi ma, làrigēle kɔrɔsiin si sɔ̀lɔ gi na.

Danyɛli 4:13 Iomraidhean Croise

Zyɔbi 12:24

Wi i cánni yirigi tári syɛ̀ɛnnɛ kundigibéle ni. Wi i be yaari pe i curugu ni máari fìimɛ tára ni, kologo fun ni.

Ŋúnuyi 103:20

Yaa Yawe kpɔ̀ʔɔrɔ́, yele bele ye nyɛ lè wi nyɛ̀ʔɛni tundunbéle, yele bele ye nyɛ lè fànnɛʔɛgi sànbalibéle, yele bele ye wi syɛ́ɛnri lúro lè, ní i wi nyɛnɛ kérigèle kpéʔele ni forogi.

Ŋúnuyi 89:7

wìí wi yaà nyɛ̀ʔɛgèle ni bi gbǎn tímana ní Yawe ní? Wìí wi nyɛ Yawe félege Kolocɔlɔɔ pìíbèle myɛ ni?

Danyɛli 4:10

Yanyaari mii nyaa mii sɔ̀nguri ni n mii yaʔa mii yasinɛgi na lè, mii maa ni wéle, a mii nyɛ̀ʔɛni tundunwaa nyaa, a wi yìri nyɛ̀ʔɛni na n tìgi naa.

Danyɛli 4:17

Tíigi mɔ nyaa lè a gi kpɔ́ʔɔ níì nìri, koro gee fínaʔa gi nan lè fwɔɔ nyɛ̀ʔɛni na, ki si i nyaagi tári myɛ ni,

Danyɛli 4:23

Amɛɛ ki da joo n gbàn lè níì jo tiinyungi ní gi nǐnri í kòro yaà tári ni, ki kɔ́rɔw wi nyɛ fǎngi a ní ba lúrugo kaan mɔ ma lǎli ni mɔ ga baa gi cán lè ncan Nyɛ̀ʔɛni [Kolocɔlɔɔ] i nyɛ nyǔngi na.

Danyɛli 4:5

A Danyɛli pan poro kàdoʔo ma n baa yére mii yɛ́ʔɛ ma, pe wɔ́ɔ i wi yiri Bɛlitisyasari, mii kolocɔlɔw dɔʔɔma wii, kolocɔlɔcǎnbèle pìle i nyɛ wi ni.

Danyɛli 7:1

Babilɔni fànʔafɔw Bɛlisyasari fǎngi yɛɛzelile na, n Danyɛli yaʔa wi yasinɛgi na, a wi ŋúnɔgɔ ŋúnɔ, níì yanyaara nyaa wi pǐli ni. Koro kàdoʔo ma a wi ŋúnɔgi sɛ́bɛ, níì joo gi nyùngboloyi na.

Danyɛli 7:17

Yaweekpoloyi bee yi pye lè sicɛrɛ, yee bee i nyɛ fànʔafɔɔlɔ sicɛrɛ, bele pe a ba yìri naa lè tári na.

Danyɛli 7:23

A wi gi joo mii ma kánmi naa na níì jo: ‹Yawee-sicɛrɛ wógi i nyɛ fànya sicɛrɛ wógi, gee ki a ba pye naa tári na lè, ki a fàli fànzanyee myɛ na, ki a tári myɛ lìi si di tánʔana si di tɔ́nʔɔnɔ.

Danyɛli 8:13

A mii wojanwaa joomɔ lóʔo, á wojanwaa nikwɔɔ gi joo wee má wi da ni nyuu lè níì jo: «Làla jòorí yanyaagi a kwɔ́ɔ, gee gi nyɛ lè canʔa o canʔa sárigaw kéele na, ní gàlagí kapeegi kéele na, ní tɛɛcǎngi, ní sùlasiibèle kéele na be tánʔana lè?»

Zakarii 14:5

Lǎli bee ni yele a fàn bi jée mii nyanbeleyi jǐnlɔgɔ ni, níì cán nyanbeleyi jǐnlɔgɔ a kári fwɔɔ bi sa nan Asali na. Yele a fàn àmɛɛ yele da fàn lè tári cúngolo kéele na Zyuda fànʔafɔw Ozyasi lǎli ni. Yawe mii Kolocɔlɔw a pan, wi wojanbèle myɛ a pye ní wi ní.

Matye 25:31

«Lǎli ni Syɔɔn-pya ga pan lè ní wi nìjangbɔɔri ní n fàra nyɛ̀ʔɛni tundunbéle myɛ na, lǎli bee ni wi a ba tɛ́ɛn wi nìjangbɔɔri fàngolo ni.

Mariki 1:24

níì jo: «Nyàʔá gi nyɛ wolo ní mɔ níngi ni, mɔ Zyezu, Nazarɛti ye wów? A mɔ pan lé ba wolo kálagi wii láà? Mii n mɔ cán, mɔ wi nyɛ Kolocɔlɔɔ syɛɛncanw.»

Luki 4:34

«Ee, ba nyàʔá gi nyɛ wolo ní mɔ níngi ni, mɔ Zyezu, Nazarɛti ye wów? A mɔ pan lé ba wolo kálagi wii? Mii n mɔ cán mɔ wi nyɛ Kolocɔlɔɔ syɛɛncanw.»

Làlwaw Kaanziin 33:2

Wi n jo: «Yawe n yìri Sinayii ma n pan. Wi n folo n yiri yaà Seyiiri ma n pan be ma. N wi yaʔa Paran nyanbelegi na, a wi nyɛ́ʔɛnɛ. Wi n yiri ni maa ní wojanbéle selebingéle kagunɔ kagunɔbèlē saʔa ní. Wi n pan be ma ní naà làlwa ní wi kàliige kɔ́gi ni.

Zyudi 1:14

Henɔki wi da pye lè wolo tóolɛɛbèle kɔrɔsiin wóo n séli yaà Adami na, wee bee maa téè nǎnbèle bee kéele nyaa n joo níì jo: «Wéle, Kàfɔw n pan ní wi wojanbèle ní pe nyɛ lè córomɔ fun,

Tɛ̀ɛnnɛ 14:10

wee bee a wɔ́ɔ Kolocɔlɔɔ fundanʔari dùvɛɛn gbaa, wee wi sòʔo lè sìnnyaʔami ni wi fundanʔari yagbaala ni, wi a ra wɔʔɔ náagi ní dìrigíw ni, nyɛ̀ʔɛni tundunjanbéle ní Bàpili yɛ́ʔɛ ma.