Danyɛli 4:12 - Cebaara Bible 2010

¹² Kàjáa ye gi tiinyungi, ní gi nǐnri yaʔa tári ni, ní túnmɔri, ní kanyɛɛnri yapwɔɔrɔ ní, sìnbirigi nyàā nínge ni. Ki n yɛlɛ nyɛ̀ʔɛni kásaga í da gi nyíngi, ki pínɛ da tári nyàā káa ní sìnbirigi yaweere ní.

Danyɛli 4:12 Iomraidhean Croise

Zyɔbi 12:24

Wi i cánni yirigi tári syɛ̀ɛnnɛ kundigibéle ni. Wi i be yaari pe i curugu ni máari fìimɛ tára ni, kologo fun ni.

Zyɔbi 14:7

Sɔ̀ngumɔ tɛɛtaʔaga i nyɛ tiige ma: Pe ga gi kpúmɔn, ki n níì fùn, ki fíinyi a kòro yaà í.

Zyɔbi 14:9

ki ga lɔ̀ʔɔ núngo taa, ki n fùn bi káganbiire yirige àmɛɛ tiipungo nyɛ lè.

Kayaagi Nyɛnigɛ 4:20

Wee wi da pye lè wolo sìíw, wi lè Yawe wonyɛnɛ-wòlow, woro n cò pe weecuruyi ni, woro wee kéele na wolo da ni gi nyuu lè níì jo: «Wi nyínmi ni wolo a kòro sìi na syɛɛnfeleyi nínge ni.»

Ezekyɛli 17:23

Isirayɛli nyanbe-nyundɔnɔgi ǹjoʔo ni mii a li cɔ́rɔ. Li a káganya yirige si san, li a ba pye sɛdiri tiicanga. Féjɛɛngèle féleye myɛ a ba ra tɛ̀ɛ́n gi ni. Fókaanya yáriri myɛ a ba ra tɛ̀ɛ́n gi káganyi nyinmɛ ni.

Ezekyɛli 31:17

Bele bee n wɔ́ɔ̀ tìgi ní gi ní kúbèle tɛɛkòrogo ni, bele kurugo pe nyɛ lè ŋɔséew wogboobéle. Poro na ki da kiyɛɛ zígi, poro bele pe da pye lè ki nyínmi ni, syɛɛnfeleyi nínge ni.

Danyɛli 4:14

Kajoo-mí-cerili naa i nyɛ nyɛ̀ʔɛni tundunbéle wólo koro ga pye niweebèle í gi cán wee wi nyɛ lè Pe Myɛ Nyúngo na, woro wi nyɛ syɔɔn ye fǎnyi myɛ kùndigi, wi i gi kaangi ni yɛlɛgi ní wi nyɛnɛ kéeli ní, wi i nǎnbèle myɛ kàdotɔɔn télegi gi na.

Matye 13:32

Li si n tɔ̀nɔ n cɛ́rɛ yaliiri pìifalida myɛ na. Kàjáa li ga fìin, li n ni tɔnɔgi fwɔɔ n baa kpɔ́ʔɔ n sɔ̀lɔ yaliiri fíinye myɛ na n baa pye tiige, féjɛɛngèle n ba ni kòró ki káganyi na.»

Mariki 13:32

«Syɔɔn faala ga cángi bee ní lǎli bee cán í, àlí nyɛ̀ʔɛni tundunbéle yoo, Jaafɔw yoo, kapye Tofɔw nibin ban í.

Mariki 4:32

Pe ga li lùgu, li n fìin, ní i tɔnɔgi n baa kpɔ́ʔɔ n sɔ̀lɔ yaliiri fíinye myɛ na, níì kágangboloyo yirige, féjɛɛngèle n ba ni kòró yaà ki nyínmi ni.»

Luki 13:19

Ki i nyɛ àmɛɛ mutaridi tíige piifalila nyɛ, lee syɔɔn láa lè n sáà lùgu wi nángwɔɔw ni. A li fìin ní i leegi n baa pye tiige. A féjɛɛngèle ba ni kòró ki káganyi na.»