Danyɛli 4:11 - Cebaara Bible 2010

¹¹ A wi yákpoli wáa ní fànʔa ní ni gi nyuu níì jo: ‹Ye tíigi kpúmɔn, ye gi káganyi cɛnɛ. Yé wári láʔa, yé gi yasanri cariga. Ki n yɛlɛ sìnbirigi yaweere í fàn bi yiri ki nyínmi ni, féjɛɛnri si yìri ki káganyi na.

Danyɛli 4:11 Iomraidhean Croise

Sélimɛ 11:4

Koro kàdoʔo ma a be níì jo: «Ye kàwáa wo kàʔa tɛ́ʔɛ, wó kpaataʔa-tɔ́nɔgɔ faan fwɔɔ ki ǹjogi í sa nan nyɛ̀ʔɛni na. Kánmi bee na wolo a mɛ́ɛkpɔʔɔ taa, koro ga pye wolo a kɔ́ cariga bi kári tári myɛ yɛ́ʔɛ kurugo í.»

Ezekyɛli 31:12

Nibɔɔnnɔ n gi kpúmɔn n cáan níì fala níì gi yaʔa, poro bele be tanʔa n sɔ̀lɔ syɛɛnfeleyi nínge ni lè. Ki káganyi n too nyanbeleyi, ní jǐnlɔyi myɛ ni. Ki káganyi n tɔ́nʔɔnɔ tári gòrógoroweeye myɛ ni, a tári syɛɛnfeleye myɛ yiri ki nyínmi ni, níì fala níì gi yaʔa.

Ezekyɛli 31:5

Koro na ki níngi da tɔnɔ n sɔ̀lɔ sìnbirigi tíire myɛ na, a gi káganyi i nɛʔɛgi, a gi káganbiiri i cábagi, lònɛʔɛgi báriga ni ki da ni púlo gi taana lè.

Matye 11:23

A mɔ, Kapɛrinayumi, a pe a ba mɔ yìrige lé fwɔɔ bi sa nan nyɛ̀ʔɛni na? Eʔe, mɔ si a tìgi fwɔɔ bi sa nan tɛɛwɔʔɔgi na. Níì cán kakpoloyi yi kpéʔele mɔ ni lè, yi ga maa kpéʔele Sodɔmi ni, ki mǎà dée kòro beè, fwɔɔ bi ba nan níjanʔa na.

Làlwaw Kaanziin 9:1

«Ki n yɛlɛ mi lóʔo Isirayɛli. Mɔ wi a Zyuridɛnw jeli wee níjanʔa, syɛɛnfeleyee yi nɛʔɛ lè á yi séew wɔ́ɔ̀ nɛʔɛ n sɔ̀lɔ mɔ wów na, mɔ a yee bee tára syɔɔ yi ma bi taa, si wɔ́ɔ kèkpoloyi taa, yee tòbēle be tɔnɔ fwɔɔ n sáà nan nyɛ̀ʔɛni na lè.