Danyɛli 4:1 - Cebaara Bible 2010

¹ Mii Nebukadinezari, mii maa pye wodɛ́ɛɔn ní sági mii kpáagi ni, níì pye fundaanra na mii fànʔafɔ-gbaagi ni.

Danyɛli 4:1 Iomraidhean Croise

1 Cányi kèlē 12:18

A Davidi yiri n kári be ma ní sáà syɛ́ɛnri naa joo be ma níì jo: «Kapye yɛɛ̀nyinge kéele na yele pan mii ma bi ba mii dɛ̀ɛmɛ, mii fúngi a pínɛ ní yele ní, kàjáa kapye a yele pan bi ba mii námara bi kaan mii kàsiitún-nyɛ́nbèle ma wii, bi gi taa mii ga kolomɔ kéele kpéʔele í, ki n yɛlɛ wolo tóolɛɛbèle Kolocɔlɔɔ í gi nyaa si gi ceri.»

Ɛsidirasi 4:17

A fànʔafɔw syɛɛnlurugori naa sɛ́bɛ n tórigo níì jo: «Erehumi wi lè guvɛrinɛɛriw, ní Syimisyayi wi lè sɛ́bɛkanw, ní be pínɛnyɛnbèle be nyɛ lè wodɛ́ɛnbéle ní Samarii ni, ní tɛɛyaa ni yaà cábigi jeligɔgee na mii i yele syáanri.

Ɛsidirasi 5:7

Pe n wi sɛ́bɛ n tórigo wi ma kánmi naa na níì jo: «Ki n yɛlɛ yɛɛ̀nyindelege í pye fànʔafɔw Dariyusi ma.

Ɛsitɛri 3:12

A be fǎngi sɛ́bɛkanbéle yeri yɛ́ɛli yezelige canya kɛɛ ní taanri wógi na. Syɛ́ɛnree Haman joo n gbàn lè, a be toro myɛ sɛ́bɛ n tórigo fànʔafɔw syɛɛnkpolobéle, ní tátɛɛyi myɛ nibin nibin guvɛrinɛɛribéle, ní syɛɛnfeleyi kùndigibéle ma, ní tátɛɛyi myɛ nibin nibin ma yi sɛ́bɛri ni, ní syɛɛnfeleyi myɛ nibin nibin ma yi syɛ́ɛnri ni. Pe maa wi sɛ́bɛ fànʔafɔw Asyerusi mɛ́ɛgi na, níì fɛ̀ɛ́w taʔa wi na ní fànʔafɔw kábɛɛlɛ veʔeo ní.

Ɛsitɛri 8:9

A be fǎngi sɛ́bɛkanbéle yeri cángi bee wonijanga, gi pye lè yedaanri wógi canya toko ní taanri ki lè Sivan yégi. Syɛ́ɛnree Maridosye joo lè, a be dee bee myɛ sɛ́bɛ n tórigo Zyefubèle, ní tátɛɛyi kàfɔɔlɔ, ní guvɛrinɛɛribèle, ní kùndigibèle myɛ ma, n séli Ɛndi tátɛɛyi myɛ na n sáà nan Etyopii na, tátɛɛyɛ togoye kɔrɔni ní kɔrɔsiin ma. Tátɛɛyi myɛ nibin nibin wòolo maa sɛ́bɛ n yɛlɛ ní be sɛ́bɛganmi ní, a syɛɛnfeleyi myɛ nibin nibin wòolo sɛ́bɛ be syɛ́ɛnri ni, a Zyefubèle wóo sɛ́bɛ be sɛ́bɛganmi na ní be syɛ́ɛnri ni.

Danyɛli 3:29

Gee si mii a joo gbàn lè tɔ́ɔliw ni, koro gi nyɛ gee naa: Syɛ́ɛnbèle, ní syɛɛnfeleyi, ní syɛɛnfeleri myɛ joofɔɔlɔ ni, wee wi ga syɛɛnpeere o syɛɛnpeere joo n wáa lè Syadiraki, ní Mesyaki, ní Abɛdi-Nego Kolocɔlɔw na, wee bee a cɔ̀nʔɔ cɔ̀nʔɔ wii, wi kpáagi si pye káboʔo, níì cán kolocɔlɔwaa nikwɔɔ o yaà, wee wi a gbǎn syɔɔn syɔɔ kánmi naa na lè í.»

Danyɛli 3:4

A jèribaw yákpoli wáa gbanʔama n gi joo níì jo: «Yele syɔɔn ye, ní syɛɛnfeleyi, ní syɛɛnfeleri joofɔɔlɔ myɛ, gee gi joo n gbàn yele ma lè koro gi nyɛ gee naa:

Danyɛli 6:25

A fànʔafɔw gi joo n gbàn níì jo be pan ní nǎnbèle bee ní poro bele pe da sɔ́ɔn Danyɛli na lè, a pe baa be wáa càarabèle ma wéegi ni, poro ní be pìíbèle, ní be cébèle. Sáni pe nan wéegi nɔ́ʔɔ na lè, a càarabèle téè be cò n be kaceleyi myɛ kabagi kabagi.

Danyɛli 6:27

Làlwa kéeli mii joo n gbàn lè loro li lee naa: Mii fǎngi tɛ́nɛmɛ myɛ ni, ki n yɛlɛ paa fɛ̀ɛgí Danyɛli Kolocɔlɔw na sáā wi kpɔ́ʔɔgi. Níì cán woro wi nyɛ Kolocɔlɔɔ woweew, wi a kòro beè làla o làla! Wi fǎngi a tée kálagi nyáana í, wi kùndigiri a kòro beè bi ba nan gi kwɔ́ɔmi na.

Danyɛli 7:14

A be kùndigiri, ní kpɔ́ʔɔri, ní fǎngi kaan wi ma. A syɛ́ɛnbèle myɛ, ní syɛɛnfeleyi, ní syɛɛnfeleri myɛ joofɔɔlɔ i báara wi ma. Wi kùndigiri i nyɛ bàngwɔɔ kùndigire, ti a tée kwɔ́ɔ í, wi fǎngi si a tée kálagi í.

Zakarii 8:23

Yawe wi lè Nyɛ̀ʔɛni Sùlasiibéle Kafɔlɔɔ, wi n jo: «Cányi bee ni, nànbēle kɛɛ a yiri tári syɛɛnfeleye syɛɛnfelere myɛ joofɔɔlɔ ni bi pan ba Zyefunàɔn nibin cò wi buronyɔɔw na, si jo: ‹Wolo a kári ní yele ní, níì cán wolo n gi lóʔo Kolocɔlɔɔ i nyɛ ní yele ní.› »

Kapyegèle 2:6

Lǎli ni kàfulogi yìri lè, a syɛ́ɛnmi piyɛɛ gbóʔoro yaà, a gi be fúnyi wɔ́ɔ, níì cán pe myɛ nibin nibin maa ni poro tiimaa syɛ́ɛnri lúro pìitunbèle nyɔ́ɔyɔ na.

Wɔrɔmi ye 1:7

Mii i sɛ́bɛw naa sɛ́bɛ bi tórigo yele myɛ ma, yele bele ye nyɛ lè Wɔrɔmi ni, Kolocɔlɔɔ syɛɛn-nidaanmabèle, yele bele wi yeri lè n kpéʔele woro tiimaa syɛ̀ɛnnɛ. Ki n yɛlɛ wolo Tóow Kolocɔlɔɔ ní Kàfɔw Zyezu Kirisi í kpɔ́ʔɔri ní fûnnyingi kaan yele ma!

Efɛzi ye 1:2

Ki n yɛlɛ wolo Tóow Kolocɔlɔɔ ní Kàfɔw Zyezu Kirisi í kpɔ́ʔɔri, ní fûnnyingi kaan yele ma.

1 Timɔte 1:2

Mii a sɛ́bɛw naa tórigo mɔ ma, Timɔte, mɔ wi lè mii pìiseew tágali ni, ki n yɛlɛ Tofɔw Kolocɔlɔɔ ní wolo Kàfɔw Kirisi Zyezu í kpɔ́ʔɔri, ní nyínimi, ní fûnnyingi kaan mɔ ma.

1 Pyɛri 1:2

Tofɔw Kolocɔlɔɔ maa téè yele nyɛ́nɛ n wòlo booma ni n yɛlɛ ní wi kakɔrirɔli ní jàngó Pìicǎnni í yele sámaga yaʔa woro ma, koro ga pye yele í da lúro Zyezu Kirisi ma, wi sìsyaanw nyari-nyarila sáā yele mùú. Ki n yɛlɛ Kolocɔlɔɔ í da kàa fàrá yele ma kpɔ́ʔɔri ní fûnnyingi na.