Danyɛli 3:7 - Cebaara Bible 2010

⁷ Koro na, lǎli ni syɛ́ɛnbèle myɛ tòmaagi, ní maani, ní gitaariw, ní dǎngbogèle, ní ŋúnuyi yatingbumɔnʔɔ, ní gbòfeew, ní yatingbumɔnri féleye myɛ kàfulogo lóʔo lè, a syɛ́ɛnbèle myɛ, ní syɛɛnfeleyi myɛ, ní syɛɛnfeleri joofɔɔlɔ myɛ tìgi n too n tɛ́ɛw ǹdevanʔa kpɔ̀ʔɔrɔ, gee fànʔafɔw Nebukadinezari yérige lè.

Danyɛli 3:7 Iomraidhean Croise

Zyeremii 51:7

Babilɔni maa pye Yawe kɔ́gi ni tɛɛ̀ yagbaala, lee yagbaʔa ki da ni tári myɛ yɛ́ʔɛ wóo lè. Syɛɛnfeleyi n gbaa li dùvɛɛnw na, koro na yi kàri fungàriya fɔ̀ɔlɔ.

Danyɛli 2:46

Lǎli bee ni a fànʔafɔw Nebukadinezari tìgi n too n yɛ́ɛgi cíbele tári na Danyɛli yɛ́ʔɛ ma n wi kpɔ́ʔɔ, níì gi joo n gbàn pe ba dùvɛɛn ní nùndanʔa yáriga wòlo sáriga Danyɛli ma.

Danyɛli 3:10

Ee fànʔafɔw, mɔ n tundunri naa joo n gbàn níì jo syɔ́ɔnwee wi ga tòmaagi, ní maani, ní gitaariw, ní dǎngbogèle, ní ŋúnuyi yatingbumɔnʔɔ, ní gbòfeew, ní yatingbumɔnri féleye myɛ kàfulogo lóʔo lè, ki n yɛlɛ wi tìgi wi too wi tɛ́ɛw ǹdevanʔa kpɔ̀ʔɔrɔ.

Danyɛli 3:4

A jèribaw yákpoli wáa gbanʔama n gi joo níì jo: «Yele syɔɔn ye, ní syɛɛnfeleyi, ní syɛɛnfeleri joofɔɔlɔ myɛ, gee gi joo n gbàn yele ma lè koro gi nyɛ gee naa:

Danyɛli 3:5

Lǎli ni yele ga tòmaagi, ní maani, ní gitaariw, ní dǎngbogèle, ní ŋúnuyi yatingbumɔnʔɔ, ní gbòfeew, ní yatingbumɔnri féleye myɛ kàfulogo lóʔo lè, ki n yɛlɛ ye tìgi ye too ye tɛ́ɛw ǹdevanʔa kpɔ̀ʔɔrɔ, koro gee fànʔafɔw Nebukadinezari yérige lè.

Danyɛli 3:6

Syɔ́ɔnwee ga pye lè wi ga tìgi n too n gi kpɔ̀ʔɔrɔ í, pe a wee bee wáa lǎli bee wonijanna ni fúruw naagbanga ni.»

Danyɛli 3:8

Koro na, lǎli bee ni, a Kalide syɛ́ɛnbèle pèle pan n baa sɔ́ɔn Zyefubèle na.

Kapyegèle 14:16

Booma ni wi maa syɛɛnfeleyi yaʔa a yi i yi nyɛnɛ kóloyi táanri.

1 Zyan 5:19

Wolo n gi cán ncan wolo i nyɛ Kolocɔlɔɔ wòolo, dulunyanw myɛ si i nyɛ Wobeew kɔ́yɔ ni.

Tɛ̀ɛnnɛ 12:9

A be yacobeekpɔɔgi cò n wáa kàfugi na, gi lè wàbilɛɛgi, be yiri lè Dàzɔɔnw, ní Sutanaw, woro wee wi dulunyanw syɛ̀ɛnnɛ myɛ fáana ni pùuní lè. A be wi yirige n wáa tári na ní wi tundunbèle ní.

Tɛ̀ɛnnɛ 13:14

Ki maa ni tári syɛ̀ɛnnɛ fáana fɛ̀ɛ́bèle bee báriga ni, fɛ̀ɛ́bèle bele fànʔa yaweeseligi da kaan gi ma lè jàngó kaa be kpéʔele koro yɛ́ʔɛ ma. A gi tári syɛ̀ɛnnɛ pye, yaweegee pe da kpúmɔn n kpàli ní ŋɔsée ní á gi lúru n wéege lè, pe gee bee niwirige sámaga paa gi kpɔ̀ʔɔrɔ́.

Tɛ̀ɛnnɛ 13:3

A mii gi nyùngaa nibin nyaa, a be gi kpúmɔn n kpàli, a gi pye mɔ a jo ki n kùu n kwɔ́ɔ, kpàligi bee maa yɛlɛ bi dée gi kpóo, koro ní ki myɛ ní a gi fala n pɔʔɔ. A tári syɛ̀ɛnnɛ myɛ i káama gi na, níì taʔa gi na.

Tɛ̀ɛnnɛ 13:8

Bele myɛ be nyɛ lè tári na, gee bee n jo syɔɔn o syɔɔn mɛ́ʔɛ gi nyɛ lè sìnzɛbɛ ni nlaa yaà dulunyanw sélimɛ na sìíw sɛ́bɛ ni wi nyɛ lè Bàpili ma, lee pe da kpóo lè, bele bee a ra yaweegi kpɔ̀ʔɔrɔ́.

Tɛ̀ɛnnɛ 17:8

Yaweegi bee mɔ nyaa lè, ki maa pye beè, ki si ní o nyɛ í. Ki a ba yìri bi yiri weecurugi ni bi kári kálagili ma. Tári syɛ̀ɛnnɛ be nyɛ lè pe mɛ́ɛyi ga sɛ́bɛ sìíw sɛ́bɛ ni í nlaa yaà dulunyanw sélimɛ na, bele bee ga baa yaweegi bee nyaa lǎlee ni lè, pe a ra káama gi na, níì cán ki maa pye beè, ki si ní o nyɛ í, ki si a ní ba nyaa.

Tɛ̀ɛnnɛ 19:20

A wi fala n yaweegi cò n fàra kanyaajoo-fáanaw na, woro wee wi da ni fɛ̀ɛ́bèle kpéʔele lè ki yɛʔɛ̀ ma, fɛ̀ɛ́bèle bele báriga ni wi da ni syɛ́ɛnbèle fáana, bele na yaweegi fɛ̀ɛ da pye lè, ní bele pe da ni ki niwirigi kpɔ̀ʔɔrɔ́ lè. A syɔ́ɔngi tɛ́ɛnfɔlɔ fala n be siinw wáa woweebèlē ní naakpɔɔgi ni gee ni dìrigíw sóori lè,