Danyɛli 3:6 - Cebaara Bible 2010

⁶ Syɔ́ɔnwee ga pye lè wi ga tìgi n too n gi kpɔ̀ʔɔrɔ í, pe a wee bee wáa lǎli bee wonijanna ni fúruw naagbanga ni.»

Danyɛli 3:6 Iomraidhean Croise

Sélimɛ 19:28

A wi ga Sodɔmi ní Gomɔri ní tɛ́nɛmi myɛ wéle bi yi màʔa lè, a wi wírige nyaa ki i yìrigí tári na ni lúru ǹjogi ni àmɛɛ fúru wírige nyɛ lè.

Yirile 20:5

Mɔ a kɔ́ ra kpùmɔnɔ́ yatangi bee kàa taana í, wàlá bàā gi fáliw kpéʔele í. Níì cán mii wi lè Yawe mɔ Kolocɔlɔw, mii i nyɛ yejaʔa Kolocɔlɔɔ. Mii i tofɔbèle kolomɔ gɔlɔ́ wóo pe ní be yòdaʔayi na bi taa sa nan yìrigēle taanri ní sicɛrɛ wóli na, poro bele mii kéeli bɛɛn lè.

Ezayi 44:17

Si ki wozangi sámaga kolocɔlɔɔ, wi yasungo, gee yɛ́ʔɛ ma wi kɔ́yi cáan lè, ní i tíri ni tuun, ní i gi mɛ́ɛgi yiri ni i yákpoli wáa níì jo: «Mii syɔɔ! Níì cán mɔ wi nyɛ mii kolocɔlɔw!»

Zyeremii 29:22

Zyuda wóbèle be cò n kári Babilɔni ma lè, pe a pye dánga kpéʔelele yáriga bele bee myɛ nínge ni, pe a ra gi nyuu si jo: Ki n yɛlɛ Yawe í mɔ pye àmɛɛ wi Sedesyasi pye lè, ní àmɛɛ wi Akabi pye lè, poro bele Babilɔni fànʔafɔw be pye a be fwɔ́ɔ náagi na lè.

Danyɛli 2:5

A fànʔafɔw níì syɛ́ɛnri láa n Kalide ye pye: «Wéle, gee mii kɔ̀rirɔ n tímana lè, yele ga pye yele ga ŋúnɔgi ní gi kɔ́rɔw tɛ̀ɛn mii na í, yele a tɔ̀nɔ́ cɔ̀nʔɔ wii, yele kpáayi si pye gurubɛɛtooro.

Danyɛli 3:11

Syɔ́ɔnwee faala ga pye lè wi ga tìgi n too n gi kpɔ̀ʔɔrɔ í, pe a wee bee wáa fúruw naagbanga ni.

Danyɛli 3:15

Tɔ́ɔliw ni ki n yɛlɛ ye sámaga ye yaʔa, lǎli ni yele ga tòmaagi, ní maani, ní gitaariw, ní dǎngbogèle, ní ŋúnuyi yatingbumɔnʔɔ, ní gbòfeew, ní yatingbumɔnri féleye myɛ kàfulogo lóʔo lè, ye tìgi ye too ye tɛ́ɛw ǹdevanʔa kpɔ̀ʔɔrɔ, gee mii kpéʔele lè. Yele si ga pye yele ga fɔ̀lɔ n gi kpɔ̀ʔɔrɔ í, yele a wáa làrinijanna ni fúruw naagbanga ni. Kolocɔlɔwìí wi a gbǎn yele yirige mii kɔ́gi ni?»

Danyɛli 3:21

A be nǎnbèle bee pwɔɔ n be yaleri yaʔa be na, ti lè be kùrusiibèle, ní be burobiigèle, ní be burogboloyi, ní be yalezanri ní, níì be wáa fúruw naagbanga ni.

Danyɛli 3:7

Koro na, lǎli ni syɛ́ɛnbèle myɛ tòmaagi, ní maani, ní gitaariw, ní dǎngbogèle, ní ŋúnuyi yatingbumɔnʔɔ, ní gbòfeew, ní yatingbumɔnri féleye myɛ kàfulogo lóʔo lè, a syɛ́ɛnbèle myɛ, ní syɛɛnfeleyi myɛ, ní syɛɛnfeleri joofɔɔlɔ myɛ tìgi n too n tɛ́ɛw ǹdevanʔa kpɔ̀ʔɔrɔ, gee fànʔafɔw Nebukadinezari yérige lè.

Danyɛli 5:19

Kpɔʔɔgbɔɔri ti da kaan wi ma lè syɛ́ɛnbèle myɛ, ní syɛɛnfeleyi myɛ, ní syɛɛnfeleri joofɔɔlɔ myɛ maa ni fɛ̀ɛgí wi na, ní i cɛ̀lɛ́ wi yɛʔɛ̀ ma dee bee kéele na. Wi maa ni be kúu, bele wi caa bi kpóo lè, ní i be yaari sìi na, bele wi caa bi yaʔa lè, ní i be kpólogi, bele wi caa bi kpólo lè, ní i be cɛ́rɛgi, bele wi caa bi cɛ́rɛ lè.

Danyɛli 6:7

A Kùndigibèle bee ní tári kacɔɔnribèle bee kpóʔoro n kári fànʔafɔw ma n sáà wi pye: «Fànʔafɔw Dariyusi, ki n yɛlɛ mɔ í kòro sìi na làla o làla!

Matye 13:42

bi wáa fúruw naakpɔʔɔ ni. Pe a ra sùpiigèle wáa sáā gǎngèle kúru nɛɛ bee.

Matye 13:50

bi wáa fúruw naakpɔʔɔ ni. Pe a ra sùpiigèle wáa sáā gǎngèle kúru nɛɛ bee.

Matye 4:9

Níì wi pye: «Mɔ ga fɔ̀lɔ n kpùmɔnɔ mii taana níì mii kpɔ̀ʔɔrɔ, mii a yáriri naa myɛ kaan mɔ ma.»

Mariki 6:27

Lǎli bee ni a wi fala n sùlasiiwaa yeri n tun níì jo wi sa Zyan nyúngi ceri waa maa, a wi kári n sáà gi ceri kàsokpaagi ni

Tɛ̀ɛnnɛ 14:11

Pe wɔʔɔli naà wírige i lúru ǹjogi ni làla o làla kwɔ́ɔmɔ fun, bele be yaweegi ní gi niwirigi kpɔ̀ʔɔrɔ́ lè, wàlá wee faala na gi mɛ́ɛgi fɛ̀ɛ nyɛ lè, ŋɔ́ndaala o nyɛ pe wàa ma í, canʔa ní yébilige.»

Tɛ̀ɛnnɛ 9:2

A li fala n weecurugi múgu, a wírige i yirigi gi ni àmɛɛ naakpɔʔɔ wírige nyɛ lè. A weecurugi wírige fala n cángi ní nyɛ̀ʔɛni kàriga yébilimɛ.